الصدفه المدبره ❤️🕊

الـبارت الـسابع ❤️

‌‏لا عليك من المسافة انتَ في قلبي 🕊

#الصدفه_المدبره
#البـارت_ألسابع

عمر : احم شلونة يومكم بالمعهد

ميار : حلو لطيف

عمر : دنيا ضايجة كلش ماحجيت ولا سالت بس ضليت منتبهلها الطريق كلة عينها مدمعة وميار تباوعلها وتتنهد وصلتهن ميار نزلت وية دنيا رجعت للبيت والف فكره ببالي ماعرف شتصرف وتاليتك عمر صرت قريب منها وحتشوفها يومية وبعدين ؟؟ توضيت وتوجهت لربي دعيت يدليني دربي وية هالبنية ويجعلها من نصيبي وتحبني نزلت اتعشة والكل منتبهلي بس عرفوا ضايج عافوني كملت عشة وصعدت تكلبت شوية ونمت

دنيا : من دنطلع بين مااجة عمر طلعت مريم من محاضرتها جنة منتضرين بالكافتيريا كعدت يمنة اخذت نفس... مريم ترة جايين ندرس مو نتعارك تدرين مو ، كافيه عركاتنا بالمدرسه تره

مريم : شمسوية اني اكلتيني وشربتيني بس كعدت يمكم

ميار : مريم من الاخير شتريدين عركاتج هاي بالمدرسة مو هنا انتي شبيج حاطة ببالج انو احنة عدواتج فكي ياخة عنة عاد

مريم : لتحچين بهالاسلوب

ميار : باعي انتي هيو ترة والله طگ عندي واسوي مشكلة ولي منا يلا

مريم : احجي عدل ترة والله اطلع لساني عليج هسة وتعرفين لساني شكد حلو

ميار : مريم شرايدة

مريم : ضحكت باستهزاء... استفزكم حبيبتي

دنيا : معقولة هاي نفسهة صديقتي شغيرها باوعتلها... تدرين حرامات هيج صرتي شجاج وين طيبتج ومحبتج للكل شسواج هيج وين صديقتي القديمة ليش هيج تخبلتي

مريم : ماجاوبت وگمت واني مقهوره خل اعرفكم علية... اني مريم عمري 18 مواصفاتي الشكلية طولي 165 رشيقة بيضة عيوني وسط ومسحوبات شفتي مليانة عندي نمش شعري كستنائي لنص ضهري ... طبعا اني من وصلت الثالث متوسط تازمت علاقتي بصديقاتي ، بسبب اني عائلتي كلها مشاكل وكلها هاملتني وكلمن مهتم لنفسه جنت اريد بس الفت انتباههم الي وماجان عندي طريقه غير دراستي اخليهم يلتفتولي بيها فـ هملت صديقاتي وصادقت بنية كلش شاطرة بس تكره البنات او هي تكرهنا كلنا  وهية استغلت هالشي وقوت علاقتها بية في سبيل تضوج البنات اعرف شي طفولي بس جنت رايدة يعلة مستواية برغم اني جنت كلش شاطرة وكثرت العركات بينة من عافني صديقاتي اللي جانن ينبهني على كلشي صرت وحيدة اهلي علاقتي بيهم كلها مشاكل ماعندي احد قريب علية غير صديقاتي اشكيلهم من فقدتهم تغيرت وصرت اسوي مشاكل لدرجة كرهتهم بية انعميت صرت اريد اسوي اي شي واحسسهم انهم خسروني بس للاسف اني خسرتهم وتندمت وحتة هاي البنية سوتلي مشاكل وعفتها حسيت بوحدة قوية كلهم بعدو عني بس طبعي ماتنازل واعتذر كمت اسوي اي شي احجي وية صديقاتي حتة اذا عركة المهم احاجيهم شخصيتي كلش قوية وعدائية دنيا جانت دائما تسميني الفزعة مالتنة حتعرفوني اكثر بعدين... نكمل القصة...