كل شيء بوقته حلو الا أنت تعال بكل الأوقات ♥️
#الصدفه_المدبره
#البـارت_ألـ30
دنيا : اجه عمر اني ماحجي وياه وهوه هم زعلان كعدت ليوره ويه البنات باوعلي وخزرني
عمر : رحتلهم هيه زعلانه واني هم ماحاجيتهة صعدت يم البنات ضجت خزرتها وحجيت.... تعاي كعدي هنا
دنيا : ما
عمر : دنياا تعاييي كلتتتت
ميار : كرصتها واشرتلها بمعنه كومي
دنيا : صعدت واني مطنكرة وهوة ضايج وصل مريم وراها ميار وبقينه بس اني وياه وثنينة ساكتين طلع كبل وعاف بيتنة... وينن
عمر : ماجاوبتها دكيت على امها... هلو خاله عادي اخذ دنيا نتعشه ونرجع
ام دنيا : عادي يوم مرتك هية بس لتطولون ودربالك عليها
عمر : ماشي خالة بعيوني لتخافين سديتة منها
دنيا : منو كال اريد اطلع وياك ماريد رجعني
عمر : ومنو طلب رايج سكتي دنيا دايخ ترة
دنيا : تلفت اعصابي واني مقهورة من ورة مريم وهوه بارد وولا عبالك ومسالني شلون صرت وهوة يدري مقهورة وهم صيح عليه كدام البنات كمت ابجي بهدوء بس شهكت كلش اختنكت
عمر : ليش البجي هسة
دنيا : مجاوبت ضليت ابجي
عمر : كافي متدرين دموعج شسوي بيه
دنيا : اي اي مثل من دكيت عليك ابجي وانته مهتميت وتصيح عليه
عمر : دنيا اعصابي تالفة ولا عبالج راضي باللي يسويه سيف بس شسوي يا عيني انتي والله حاولت وياه بس مفاد عنودي كلش واني اكلج صديقي واعرفة يحبها
دنيا : مجاوبت ضليت ابجي وعقلي مشوش وبالي يم مريم
عمر : وصلنا ع شط ونزلنة كعدنة كدام الشط وهية تبجي مسكتت... اسف
دنيا : من كالها راسا حضنت ايده اخذ نفس وحط ايدة ع جتفي جنت كلش محتاجتة... عمر خايفة على مريم ومريم طبعها مو هين شنو تعيش حياتها وية شخص تكرهة والله يعلم شحيصير بيها وياه
عمر : والله وعد اذا سوه بيها شي وداعة عيونج اني اروح اخذها واخلي يعوفها غصبا ماعليه ودنيا والله لو ما حسيت سيف يحبها جان سويت كلشي وماخلي يخطي هالخطوة
دنيا : اففف ماعرف
عمر : لتخافين حبيبي والله يحبها سيف واعرفه صح حيوان بس اذا يحب شخص مياذيه انتي متثقين بكلامي ؟
دنيا : انشاء الله
عمر : يلا كومي نتعشه وين تحبين نروح
دنيا : بكيفك
عمر : تريدين مطعم ع شط
دنيا : مممم مو مشكله
عمر : كافي لضوجين تنحل كلشي ينحل
دنيا : ابتسمت انشاء الله ... رحنه للمطعم وضل يسولف شويه غير نفسيتي وراها رجعت سلم على ماما وراح دخلت سولفت لماما كلشي وراها دكيت ع البنات وطمنت على مريم جاية ام سيف وكم مره وياها وطالبيها ومريم تكول اوافق واهلها هم راسا موافقين ضليت اهديها واواسيها بس هيه ولا عبالك مغصوبه مريم كلش قويه متخاف من شي راحت تنام واني ضليت احجي وية عمر
......................
مريم : رجعت للبيت لكيت نسوان بس شايلات خشمهن وبنات يباوعن بحقد هاك استلم بدينه دخلت سلمت وكعدت يم امي حجن شويه ويه ماما وراها كالت جايين نتقدم لبتكم وضلوا يسولفون ويتعرفون واني صافنه على ذني البنات مفرعات كلش ويباوعن صفح وكلش حلوات ادري عافهن وملكه غيري ولا فوكاها يكول احبج شكد بطران بس اني الك
ام سيف : اي حبيبتي شتكولين موافقه
مريم : ابنكم لا اعرفه ولا يعرفني اذا اهلي وافقوا اوافق عن اذنكم... مشيت وعفتهم وامي تكلهم تعبانه نفسيتها طبيت سبحت وطلعت ضليت افكر شحسوي شلون اخلي يعوفني ضلت فكره توديني وفكره تجيبني لحد مانمت....
وعدت الليله على دنيا بحب وتخطيط للمستقبل هية وحبيبها من ناحية ومن ناحية ثانيه بصديقتها ومستقبلها بينما عمر يفكر بصديقة وتصرفاتة وحبة الغريب لوحدة تكرهة من ناحية ومن ناحية ثانيه بحبيتة ومرتة وحياتهم ومستقبلهم
بينما مريم عدت ليلتها بصعوبه وخوف من المستقبل وتفكير ينخر بعقلها شلون حتواجه عائلة مثل عائلة سيف متكبرين وانفة او شلون حتواجه سيف نفسة بأخلاقة الوضيعة اما سيف جان يفكر بالتغيير السوتة مريم بيه وشلون حيخليها تحبة
بينما ميار وعلي عصافير الحب ليلتهم مرت بين عتاب ميار و حب علي وبين حياتهم المستقبلية وحبهم اللي ولا شي كدر يتغلب عليه
للحكايا بقايا...
أنت تقرأ
الصدفه المدبره ❤️🕊
Romanceتتكلم الـقصه عن لقاء وحب من اول نضره ... فـ ماذا سـيتغير في اقدار تلك الفتاه ومن حولها حينما يدبر ذلك الشاب صُدفه من اجل ان يكون قريب منهـا ...؟ 🥺❤️
