الصدفه المدبره ❤️🕊

الـبارت الـ 12 ❤️

- سَأختارك دائماً وكأنك الوحيدُ والأبدي . .

#الصدفه_المدبره
#البـارت_ألـ12

دنيا : منيي ؟؟

ميار : ييي البارحة لو تشوفيه شلون كام يفور من جنتي واكفة يم سجاد

دنيا : لا انجبي شهالحجي ممعقولة

ميار : اراهنج

دنيا : فوتي فوتي دخلنة لكيت مريم كاعدة تبجي... هاي شبيهة

ميار : ماعرف ضلينة نباوعلها كاعدة تكتب وتبجي

دنيا : خنشوفها خطية

ميار : يي امشي يلا... خير

مريم : جانت عندي مشاكل بالبيت امي ومرت اخوية يتعاركن ويطلعون قهرهم بية ويومية عركة وية اخوتي وافكر شكد محتاجة البنات لو يمي اختنكت وكمت ابجي من سمعت صوتهن فوك راسي انوب بجيت اكثر

دنيا : كعدت كدامها... شكوو خيرج يمعودة

مريم : احجي واني اشهك مماما ونور

ميار : هاي بعدهم اهووو

مريم : ضليت ابجي

دنيا : لزمت ايدها كافي كافي انتي المفروض تعودتي على هالسوالف بابا انتي سادس سدي باب غرفتج واقري عوفيهم نارهم تاكل حطبهم هاي اهلج من عرفتج لحد الان هيج شنو اللي اختلف مريم

مريم : تعبت دنيا تعبت حضي مكاعد لا وية اهل ولا وية صديقات

ميار : طبعا ميكعد وية احد من لسانج الزفر

دنيا : ميار واشرتلها بمعنى خطية

ميار : ههف لتضوجين كافي مثل مكالت قابل حيفيدوج اهلج اهم شي شهادتج امي اهتمي بيها وعوفي الباقي

مريم : مسحت دموعي وابتسمتلهن فرحت من حجوا وياية حسيت بعدهن يحبني وبعد عندي سند البنيه يكون سندها الاول اهلها بس اني اهلي ناسين عدهم بنية تحتاجهم شكد حاولت اخليهم يلتفتولي محد بيهم مهتم لا ام لا اب لا اخوة وخواتي كل وحدة مزوجة ومهتمة ببيتها مرات احس ناسيني لذلك تولدت عندي شخصية عدائية متخاف من شي لان محد يحسابها ومحد ينصحها بس اني الحمدلله جانن البنات ينصحوني ويوجهوني اكو بنات نفس حالة اهلي صارتلهم مصايب ومشاكل كومة لان ماعدهم احد بس اني الحمدلله جان عندي بس صديقاتي سندي بس من تعاوفنة صارت شخصيتي اسوء من قبل بس بيومها ارتاحيت بمجرد وجودهن واهتماهن وحجيهن ويايه

دنيا : يلا ماري امشي وانتي مثل مكتلج سدي باب غرفتج وانسيهم انتي غداج هنا ويومج نصة هنا حاولي تكملين كل مراجعتج وقرايتج هنا ورجعي بس اتعشي ونامي حتة متسمعين منهم شي يلا اخذي راحتج

مريم : تنهدت تمامم

‏"يرمم الأصدقاء أرواح بعضهم" 💙

..............