CHAPTER FIVE:
Double Preparation
ASH
"Salamat Bie, nabusog talaga ako sa kinain natin," Sinabi ni Claire na ngayon ay nakasandal na satisfied sa upuan. Hinihimas niya ang kaniyang tiyan at niluluwagan ang pantalon.
"Sabi ko naman kasi sayo, parang ang sikip ng suot mo, push na push yung dibdib at tiyan mo tuloy," sinasabi ko habang binabalot ang burger na natira sa lamesa. "Sayo nalang itong burger, hati kayo ni Clan," Inabot ko sa kaniya at inilagay sa tapat ng lamesa.
"Sure ka? Ang sweet mo naman," tugon niya.
"Hindi ko sinabing lantakan mo iyan magisa, maghati kayo ni Clan para naman matuwa siya," sinabi ko habang pinagmamasdan ang pagcecellphone niya habang nakasandal sa upuan.
Nagpahinga din muna ako at pinanonood ang mga nasa paligid ko. Bigla kong naalala yung panahong sabay kami ni Art na kumain noon sa isang mamahaling restaurant, naalala ko din na yung nakita niyang balita noon sa TV ng resto ay tungkol sa alert noon sa Pinatubo. Medyo nanghihinayang ako ngayon dahil kung nagamit namin ang relo at naagapan ang mga mangyayari, baka siguro okay ang kalagayan niya ngayon.
Hindi ko din alam kung buhay pa siya o hindi na kaya gustong gusto kong makuha yung relo para alamin kung nasa maayos siyang kalagayan. Hindi ko na din sasayangin ang oras ko dahil napakaimposibleng mangyari yung gusto kong mangyari.
"Bie, diba club president ka ng event organization sa university?" nawala ako sa aking iniisip nang umimik si Claire. "Pwedeng makahingi ng favor? For Clan sana."
Agad ko siyang nilingon at sinang-ayunan.
"Anong favor iyon?" tanong ko.
"Malapit-lapit na din kasi yung seventh birthday ni Clan, nagsastart na din kaming magisip ng theme at preparation para sa birthday niya," ipinaliwanag niya. "Ask ko lang sana Bie, if kaya mong maging host ng event and magorganize ng flow ng birthday?"
Napaisip ako sa kaniyang sinabi at medyo napressure at naexcite ako at the same time. Ang dami ko kasing gagawin pero sayang din yung sayang maibibigay ko kay Clan sa mismong birthday niya sa simpleng pagtulong ko.
"Sure, kailan nga yung birthday niya?" Tanong ko at nakita ko ang excitement sa kaniyang mga mata.
"Next month pa, kaya ba?" nahihiya niyang tanong at tumango naman ako. Kaya kong magawa yung event plan dahil next month pa pala, I can handle my time efficiently kahit isiningit ko yung araw na ito sa academic sched ko.
"Oo, kaya namang magawa, basta tell me the details ng birthday, kung ano yung theme, motif, tsaka yung mga iimbitahin nating guests," sinabi ko at may biglang lumapit na waiter sa table namin upang kuhanin ang mga plato at basong nagamit namin.
"Actually, may naisip na si Daddy at si Mommy about sa birthday," panimula niya at nilabas ko ang isa ko pang journal na nakalagay sa loob ng bag. Ililista ko dito ang mga sasabihin niya to construct and give more ideas sa mangyayaring event.
"Based daw sa observation ni Mommy, favorite color daw ni Clan ang Yellow, tsaka lagi niyang bitbit si Artemis, yung favorite teddybear niya," inilista ko ito sa papel at ipinagpatuloy niya ang pagpapaliwanag, "Hindi namin alam pero sa edad palang niya interested na agad siya sa Greek Mythology, naisipan tuloy namin na parang nasa Greece yung setting ng birthday niya,"
BINABASA MO ANG
A Shift In Time (BXB) (In Time Sequel) (COMPLETED)
Romance[PLEASE READ THE FIRST BOOK, THIS IS THE SEQUEL OF 'IN TIME'] Sa halos apat na taong pagtitiis ni Ash upang kalimutan ang masalimuot na nangyari, natagpuan niya ang taong gagabay at hihilom sa sugat ng kaniyang nakaraan. Hindi niya lubos maisip na l...
