GASHTM

3

.. ألالم ... الم الفقدان.. صعب والاصعب ان تجبرك الحياة على تقبل هذا الالم وتمضغه بل وتقول بأنك بخير في كل مرة تحاول الخروج مما انت فيه .. تحاول ابتلاع هذا الكم الهائل من الوجع.. .. الاشتياق.. كمن ينتظر شيء يعلم بأنه لن يأتي.. ولن يحصل .. مثل الخيبة تماما... لذلك جل ما تفعله هو الهرب.. الهرب من الألم الى الألم .. كل ما تحتاجه هو احتواء .. كل ما تحتاجه هو كتف يسندك قبل ان تسقط بعد ان اثقلك همك وتراكمت عليك احزان عمرك الصغير.. اليس من المفروض أنه مقتبل العمر؟؟ هل هذا ربيع عمرنا؟؟.

. ...........

نيويورك

تأكد من أنه يحزم اخر حقيبة ويحمل الصغيرة على ضهره وقد اطفأ انوار ذاك المنزل الذي فقد روحه كقلبه تماما ..الذي انطفأت الحياة فيه .. ألم يكن قويا .. بما فيه الكفاية ليواجه الحياة بعدها هنا؟؟! لقد اختار الهرب مجددا.. كعادته الطفل الذي بداخله لازال خائفا يحب الاختباء على ان يواجه الحزن العميق الذي يعتريه.. سيعود للغربه مجددا باحثا عن السعادة في مكان اخر رغم شكه انه سيجدها بعد رحيل ايلين.... غادر الشقه.. متوجها لمطار نيويورك ...

.يبدو انها البداية يا غيث وليست العودة كما تخيلت...
.....................................

دبي.
7:00 pm

حنين...
يعني خاتون مطولة بالحمام كوليلنه يعني حتى نروح ونعوفج اذا عاجبج الحمام ..

اريام غاضبه: انتي شبيج كل اسلوب ماعندج .. البنيه بالحمام يعني شلون بالله ...
_والله حبيبتي مو مشكلتي سارة صار ساعه تدك تكول الاكل جاهز والشباب منتظرينه وحضرتها صار ساعه بالحمام ... اهوو اني نازله ضلي وياهه انتي..
اريام
(تدق بالباب على ميرنا؟)
_ميرنا انتي بخير؟ بيج شي ؟
_مابيه شي طالعه...

ميرنا وهي تخرج من الحمام ..
_مابيه شي اعتقد استبردت..
_ياا سوده عليه امشي لبسي شي ثخين يلا تنزلين باردة ..
_روحي انتي نزلي هسه اجي وراج..
_لا ولي شنو اعوفج واروح انتظر وياج..
(حظنتها بطفوليتها ) _انتي احن وحده عرفتها بحياتي اريام..
_اوووي عمري فدوة للبنيات..
..........................................................
(سند وهو يتناول البطاطا من الصحن في المطبخ) شسالفه يمعودين خابروهن وينهن..

سارة وهي تضربه على يده..
سند: اخ شبيج انتي شبيج هيه فنگر
سارة: وكسر متمد ايدك وبعده محد اجه... صدك وين علي؟
سند : بالغرفه يسج كال من يجون صيحولي عليج الله سارة بس وحده جعت شبيج لئيمة..
سارة: وخر ترا افتن لاريام مو هيه تطبخ وتسوي وانته ع الحاظر تاكله
حنين: شباب اني اجيت صبو الاكل..
سارة:وين البنات؟
حنين: الخاتون ميرنا ساعه يلا تطلع من الحمام .. وين علي
(علي وهو يخرج من الغرفه .. )
اجيت ..
(اريام وميرنا يدخلون.).
احنه هم ..
(سند بصوت منخفض ) شرفت ست الحسن
سارة: باع باع ميبطل...