ما أجمل الوطن .. ما أجمل من يعود للوطن ومن هو قادم من الوطن .. مهما أبعدتك المسافات يبقى حنينك للوطن .. للعراق.. لبغدادي...وأهلا بمن هو قادم من بغداد..ويحمل معه عبق الهيل والشاي المخدر.. يحمل لنا الرسائل القديمة .. ورائحة دجلة..
ماذا لو كان أول لقاءٍ لنا في بغداد؟
تحت ظِل النخيل
ثم تَمسك يدي بقوة وتأخذني لمقهى الشابندر
ف نحتسي القهوة العراقية المُرة
كَ مرارة بُعدنا إن حصل
ثم نسافر معاً لأرض المُتنبي
المليئة برائحة الكتب القديمة
ثم نستمع لأغنية "ميحانا ميحانا.... غابت شمسنا... والحلو ما جانا" على ضفاف نهر دجلة
و للموسيقى التراثية لعاشقين فرقهم الزمن
فَ نراقب غروب الشمس وعودة القوارب إلى أرض بغداد بعدما كانت تأخذ نازك الملائكة لجزيرة الوحي التي تمنت زيارتها..
ماذا لو ألتقينا ببغداد؟..
......
بعد اربع سنوات
(كروب الشلة)
علي: شباب وينكم صدك جذب 🤬
سند: علاوي حركت التلفون كتلك هسه رح ارجع لتلح..
علي: لتخليني اغلط ساعة ب 11 الضهر وانتو ماكو شوكت توصلون ؟ وهاي صاير موديل جديد استاذ سند تبات برا .
اريام: مضل شي علاوي شوية واوصل ..كولش اسفة ازدحام الطريق😔
سند: لج ريري ضعنه بدونج والله اشتاقينه لأكلج
غيث: صباح الخير
علي: مساء النور انته شوكت ناوي تطلع من الغرفة عايفني مثل الجني وحدي كاعد
غيث: من تلتمون وينه صديقك الجديد لعد
علي: نايم الولد تعبان من السفر
..
حنين: هاي كايز وصلت اني بالشقة هسه
طارق: الحمدلله على السلامه حنين
علي: هلا حنين الحمدلله على السلامه
حنين: الله يسلمكم. عيوني شو ميرنا ماكو بالشقة عبالي تستقبلني
طارق: هههههههه انجبي ميرنا بالشغل..
..........
جاء وهو يفرك عينيه ليجلس امام علي مباشرة..
محمد: صباح الخير
علي: مساء النور ابو جاسم رح يأذن الضهر..
محمد : شسوي علاوي تعبان حيل منمت بالطيارة..
علي: ولا يهمك حبيبي الريوك بالمايكرويف دبر لنفسك لحد ما يوصلون الشلة ..
محمد: صدك وينهم
علي: تعرف جانت عطلة حنين وسارة واريام راحو يزورون اهلهم حنين بأبو ظبي واريام بأربيل.. وسارة امها ساكنة بالعين
محمد: ها! واابقية ؟
علي: منو قصدك طارق كل يوم اصلا يروح يشوف امه واخته بيتهم قريب.. اما غيث فهو اصلا ماعنده احد يروحله جان عايش بأمريكا.. وسند العار يومية يطلع مادري وين يديح
محمد: اكولك صدك والبنيه هاي ؟ قالها متحمس بفضول
علي: يا بنيه؟
محمد: هذيج الي بالصورة الناعمة الشگره
علي: هااا تقصد ميرنا .. هاي الطف كائن بيناتنا بس هم مثل حالتي.. يتيمة..
محمد: صدك!؟ خطية وشون عايشه بنية وحدها هيج وياكم من زمان..
علي: والله تريد الصدك صارلنا اربع سنين سوة ولا مرة حجت عن اهلها وين جانت عايشه ولا اي شي.. واذا احد فتح الموضوع تضوج ومتحجي حتى طارق الي يعرفها من هيه طفلة ميحجي يكول هيه متحجي تريدوني اني احجي..
محمد : بس هيه حلوة ترا🌚
علي: انجب حمودي حبيبي احنه نعتبرهن كلنا مثل خواتنه 😂
محمد: كول لروحك مالي دخل خلي اروح اكل شي ..
.......
أنت تقرأ
GASHTM
Romanceتسع من الشباب المخذولين يلتقون في مكان واحد في بلد واحد دون معرفه احدهم الاخر دون علم بما سيحدث لهم في البداية الجديدة....
