جاء اليوم التالي وقابلته حورية بابتسامة وظلت تنتظر حج مجدي فقد قررت أن تقابل سراج والا تهاب احد فمن هو لتهاب منه وعندما جاء الحج مجدي ف المعاد المتفق عليه وجدها ف انتظاره
حج مجدي : اي ده بقا هو شغل عيال مش قولتي مش جاية
حورية : استني بس اتفضل يا سراج
دخل سراج ببطا وهو يشبه علي تلك الصوت : ايدا يا عم مجدي هو ده البيت
حورية : اه شوفت اتفضل اتفرج عليه
سراج : تمم اتفضلي فرجيني
ظل حج مجدي مندهش واضح جدا ان هناك علاقة مسبقة ولكن فضل السكوت وعدم الكلام
حورية: ودلوقتي اي رايك ف الشقة
سراج : مش بطالة هشتريها وبسعر كويس كمان عشان باين عليكي محتاجة فلوس جامد يعيني
حورية : انا هعتبر نفسي مسمعتش حفاظا ع كرامتك
سراج : انا مش فاضي لكلام الستات ده اهي الفلوس انا شاري يا حج مجدي
حورية : ثواني يا حج مجدي هتعبك معايا تطلع معايا الشنط برا عايزة اخد تاكسي
حج مجدي: اه طبعا اتفضلي
اخذت حورية تاكسي وجلست به
السائق : ع فين يا استاذة
حورية: بص معلش هتعبك معايا انهارده ممكن اخدك اليوم كامل وهدفعلك اللي يعجبك
السائق : وانا من ايدك دي ايدك دي يا استاذة نروح فين الأول
حورية : محل لبس يكون شيك ومحترم كده
السائق : حاضر يا استاذة
وصلا الي احد افضل محلات الملابس النسائي واختارت فستان هادئ وراقي الذوق والشكل وبدأت طرحتها القديمة بطرحة جديدة الشكل ووضعت بعض المكياج وخرجت ودخلت لتركب التاكسي مرة اخري
السائق : معلش يا استاذة التاكسي محجوز والله مش هقدر
حورية : انا اللي كنت راكبة معاك يا حج
السائق: بسم الله ما شاء الله زي القمر
حورية : ربنا يخليك يا رب
يلا بقا رجعنا تاني وروح عند الشارع اللي هوصفهولك كده عايزة اروح المكتبة
السائق : حاضر يا بنتي
وصلا بعد وقت ليس بقليل وعندما وصلا
دخلت حورية بكل ثقة وغرور للمكتبة فلا شك أن للمظهر عامل أساسي ف ذلك
حورية : انت يا أخ
ماجد : بتكلمي مين انا !!
حورية : اه
ماجد : انا بشبه ع حضرتك انا شوفتك فين قبل كده
حورية : تكلمت بلهجتها وصوتها المعروف : انا ماجد انا اللي كنت عايز تدمر حياتها اي ناسي ؟؟
تذكر ماجد ونزل عليه الكلام كصاعقة : ح حو حورية
حورية وعادت الي طريقتها المغرورة: استاذة حورية يا بني ادم انت
ماجد : متتكلمي عدل يا بت انتي نسيتي نفسك
حورية : وطي صوتك كده شوية واسمع انا جاية اشتري المكتبة دي
ماجد و هو يضحك ببرود : ومين قالك اني موافق ويا تري هتجيبي الفلوس ازاي هتشحتي ولا اي
حورية وقد فتحت شنطة الأموال: انا عارفه انك كلب فلوس واعتقد فلوس زي دي مش هترفضها
نظر ماجد للفلوس بلهفة : أرفض اي ده انا موافق جدا
حورية : يبقي اتفقنا الفلوس عندك اهي ويلا بينا ع الشهر العقاري وتبيعلي المكتبة دي
ماجد : يلا يا ست الكل
اندهشت حورية اهذا هو عالمنا كل منا يقدس الفلوس
وذهبا للشهر العقاري وانتهيا
حورية : مشوفش وشك بقا تاني ف المكتبة
ماجد : انتي مش هتشوفي وشي تاني خالص اصلا
حورية : يبقي احسن برضو يلا يا حج بينا ع مشوار كده
السائق: يلا يا استاذة
وأثناء الطريق بدأ السائق يتحدث لحورية وهو متعجب منها ومن تصرفاتها
السائق: معلش يا استاذة لو مش هيضايقك يعني هو انتي بتكلمي الراجل ده كده ليه وبعدين انتي بدل م تحافظي ع الفلوس عشان تنفعك رايحة تشتري مكتبة!!!
حورية : انت مش فاهم حاجة يا حج انا بنت بلد زيك وميغركش حبة الغرور دول ده انا لسه متعلماهم انا عيشت طول حياتي ف ذل وقهر ومكملتش تعليمي غصب وبشتغل من صغري من البيت ده البيت ده للمكان ده لده وقرف واخد كلام زبالة من اللي يسوا وميسواش والسبب اهلي وهما اتوفوا خلاص من كام يوم لكن انا منزلتش دمعة واحدة للاسف ربوا جوايا كره ليهم و بيعت الشقة لأنها بتفكرني بكل ذكري وحشة ومش خايفة الفلوس تخلص بسبب اني اشتريت المكتبة دي اصل دي اكبر مكتبة ف الجيزة كلها وهي دي الكنز الحقيقي انا هتعلم وهدرس اساسيات إدارة الأعمال وهعيش حياة تانية وكفاية اوي لحد كده والراجل اللي صعبان عليك كان هيدمرني لانه إنسان زباله كلب ستات وفلوس وكويس انه راح لحاله وانا مش عايزة بيت ابات فيه المكتبة فيها من جوه اوضه صغيرة هنضفها وهبات جوا انهارده والصبح هقوم واقعد اقرأ وهعلن ان المكتبة دي الكتب اللي فيها مش للبيع وهعيش بجد بقا
السائق: يااااه يا بنتي كل ده شايلاه ف قلبك طب بصي والله بتيجي معايا البيت عندي اعرفك ع مرآتي وبنتي هي بنتي الوحيدة اللي ربنا رزقني بيها بعد ٥ سنين من غير خلفة واكيد هتكونوا صحاب وانا حبيتك اوي يا بنتي ومن انهارده انا السواق بتاعك لو احتاجتيني ف اي لحظة
حورية : ده شرف ليا والله وكمان انا طول حياتي ممنوعة من اني اصاحب كنوع من الظلم برضو واكيد هكون مبسوطة لو اتعرفت ع بنت حضرتك بس هو الوقت مش متاخر
السائق : متاخر اي بس الساعة لسه ٩ اقعدي معانا شوية وليكي عليا هنزل اوصلك تاني لحد المكتبة
حورية : لا بلاش انا مش عايزة اتعبك
السائق : ولا تعب ولا حاجة وكمان عايز اقولك اني مش عايز فلوس منك انهارده اصلا اعتبريها محبة لاني اعتبرتك زي بنتي
حورية : وده كلام برضو يا ... صح انت اسمك اي اما لسه معرفش لحد دلوقتي
السائق: ربيع اسمي ربيع
حورية بضحكة : عاشت الاسامي يا حج ربيع ماشي يلا بينا ع بيتك
وبعد ساعة وصلا اخيرا لبيت ربيع
وفتح ربيع الباب مناديا: يا ام نوجة معايا ضيوف
اتفضلي اتفضلي يا بنتي
تعالي يا نوجة سلمي ع حورية
جاءت نجلاء (يناديها ربيع ب نوجه ) : نعم يا بابا
ايدا مين دي
ربيع : دي حورية يا بنتي سلمي عليها
نوجة : أهلا وسهلا اتشرفت
ربيع: فين مامتك
نوجة : بتصلي يا بابا
حورية : يا خبر
ربيع : اي يا بنتي ف اي
حورية : نسيت اصلي انهارده خالص مع الدربكة اللي حصلت دي ممكن بس ادخل الحمام اتوضا واصلي
ربيع : اه طبعا يا بنتي خديها يا نوجة وصليها وخليكي معاها بس لحد م ادخل اغير
نوجة : حاضر يا بابا تعالي يا حورية
اهو الحمام اتفضلي
حورية : متشكرة أوي
وتوضات حورية وخرجت: هصلي فين
نوجة وهي مبتسمة : تعالي هتصلي ف اوضتي
حورية : ماشي تمم
_______________
في غرفة ربيع
ام نوجة : مين دي يا ربيع
ربيع : دي يا ستي ................ *القصة كاملة*
ام نوجة : يعيني يا بنتي لا تمم متقلقش هنعاملها اجمل معاملة انا هقوم احضر العشا تكون هي خلصت صلاة انا حبيت كده فيها شكلها بنت محترمة
ربيع : اه اوي يا ام نوجة وهتحبيها اوي
خرجت ام نوجة لتحضر العشاء
وانتهت حورية أيضا من الصلاة
نوجة : تقبل الله
حورية : منا ومنكم ان شاء الله
نوجة : تعالي بقا اما اعرفك ع ماما
حورية: ماشي يلا بينا
نوجة: ماما يا ماما تعالي سلمي ع حورية خلاص خلصت صلاة
خرجت ام نوجة : بسم الله ما شاء الله زي القمر يا بنتي عاملة اي
حورية : بخير الحمد لله وحضرتك اخبارك اي
ام نوجة : الحمد لله ف نعمة اقعدي اقعدي يا بنتي انا خلاص خلصت العشا ٥ دقايق ويكون جاهز خالص
حورية: ع مهلك يا طنط
انصرفت ام نوجة لتكمل العشاء وربيع ف غرفته يصلي العشاء
نوجة : قوليلي بقا انتي خريجة اي
حورية : لا انا مكملتش تعليمي اصلا حوار كده كبير هبقا احكيلك عليه مش احنا خلاص بقينا صحاب
نوجة : اه طبعا بصي انا بقا خريجة هندسة بعمل تصميمات لشقق ويوم م ابقا جامدة بقا بعمل فيلا وكده اصل محدش يعرفني اوي يعني
حورية: ممكن تفرجيني ع شوية من تصميماتك
نوجة : اه طبعا تعالي
حورية: الله دول تحفة انا كده شكلي هحتاجك
نوجة : ايدا ازاي
حورية: هحكيلك هحكيلك متقلقيش الايام جاية كتير
جاء صوت ام نوجة من الخارج: العشا جهز يا بنات
نوجة : حاضر يا ماما جاية اهوووووو
يلا بينا يا حورية
........
أنت تقرأ
حورية الارض
Romansa" رغمًا عني " ماذا يحدث لقلبِي حقًا ؟ لا أستطيع أَنْ أُطيل أيام خصامنا . ولَمْ أعد أستطيع النوم دون سماع أحاديثك . يحدث الكثير، وأقول لقلبِي أَنْ يبتعد عن طريقك، ولكن ينتهي بس طريقي عند : ( أحبك كثيرًا ) .
