واخيرا جاء يوم السفر
في المطار
سليم: انا حاسس بذنب اني سايب ابويا وامي لوحدهم ف مصر وهسافر امريكا
حورية : يا سليم هما مش صغيرين
سليم : م دي المشكلة انا خايف اسبهم وحدهم
حورية : بصراحة يا سليم ومن غير زعل دول شياطين وميتخافش عليهم
سليم: بس مهما كان دول اهلي
حورية: ان شاء الله خير
*****
شريف : هنسافر ومش هيبقا في غير انا وانتي وبس
نوجة: بس انا اهلي هيوحشوني اوي يا شريف
شريف : ربنا معاهم اكيد واحنا هنبقي بنكلمهم وان شاء الله هننزل نشوفهم
نوجة احتضنت شريف بفرحة: بجد يا شريف
شريف : طبعا يا قلب شريف يلا بينا معاد الطيارة وصل
_________________
فرغلي : سميرة اي الرسالة دي
سميرة : وريني كده
ايدا معرفش ههه من امتي سليم بيكتب جوابات
فرغلي : ناوليني نضارة القراءة
سميرة : امسك وسمعني
فرغلي :
ازيك يا بابا ازيك يا ماما
طبعا انا عرفت كل حاجة .. اه عرفت
عرفت انكوا قتلتوا عمي محمود وطنط سهير وعرفت كمان ان عني حامد مماتش بسببهم
اكيد كان صعب عليا اصدق الكلام ده ع اهلي بس انا هعمل اكيد مش هعيش معاكوا وانتوا كده وكمان حابب اقولكوا اني سافرت ومش عايز حد يفكر يسال عليا
اه وصح انا اتجوزت حورية هانم ع سنة الله ورسوله وان شاء الله هنعيش احلي حياة بعيد عنكوا وعن مشاكلكوا
قربوا من ربنا وادعوا ربنا يغفرلكوا ويهديكوا
سلام يا ههه
اهلي
^^^^^
سميرة : يعني اي
فرغلي : انا مش مصدق ابننا الوحيد بعد عننا عشان اللي بتعمليه ده انا قولتلك بلااااش وانتي زي م انتي مش عارف اقولك لي بصراحة
سميرة : متقولش يا فرغلي متقولش
احنا غلطنا وواضح اننا مكناش هنفوق غير بكده
فرغلي : سميرة احنا ربنا اكيد غضبان علينا كانت الفلوس والمظهر والسلطة بتغرنا هينفعنا ب اي اسم عيلة الشاذلي واحنا قصاد ربنا
هيجي يقولنا قتلتوا لي هنقولوا اي
انت ازاي تسالنا كده احنا عيلة الشاذلي؟؟؟
اكيد لا
احنا لازم نرضي ربنا احنا هنطلع عمرة وربنا غفور رحيم وهيغفرلنا
سميرة : انا معاك ف اي حاجة تقولها يا فرغلي
********
ف الطائرة
حورية : احيه يا سليم انا اخيرا احلامي كلها وتحققت
سليم : ازاي يعني
حورية: انا الدنيا بهدلتني جامد وجت عليا وداستني لكن قومت ولما قوة وقفت ف وشها وقلت هحارب وده كان اول حلم ليا هو اني اكون اقوي بعد كل اللي حصلي وتاني حلم هو اني اعمل شركة ليا واكون مشهورة وتالت حلم هو اني الاقي الراجل اللي بتمناه واسافر بيه حتة بعيدة ونبقا لوحدنا
سليم : انا بحبك اوي
حورية: بص انا مش هعرف اوصفلك انا قد بحبك وبحب وقفتك ف ضهري دايما واني شايفاك سندي
سليم: ربنا يخليكي ليا يارب
احنا اول م نوصل نكتب كتابنا ونتجوز
حورية : اللي تشوفه يا حبيبي
انا دلوقتي عايزة اناااااام
فتح سليم ذراعيه وجعلها تنام ف حضنه: نامي يا روحي
حورية ب صوت خافت : بحبك
________
ف الخلف
نوجة : طب وانت يا زين بتعرف تتكلم انجليزي كويس
زين: امال يا ابلة نوجة ده انا كويث اوي ف الانجليزي
شريف : هنشوف يا لمض
زين : انا مش لمض انت مش مثدقني ثح ؟؟
شريف بتريقة : لا مثدقك مثدقك😹
زين : طب بث دي
Hello
شريف : لا لا مش معقول برافو جبتها لوحدك دي 😹
نوجة : حرام عليك يا شريف هو برضو لسه صغير بلاش تتريق عليه
زين : متخافيش يا ابلة نوجة شريف ثاحبي خلاص
نوجة : بص بقا انا مش ابلة نوجة
انا اسمي نوجة ع طول
زين : حاضر يا نوجة ع طول
نوجة : ااااه شكلك لمض بجد
____________
هدوء تام ف ربما الجميع قد استراح ثم ..
صوت المضيفة : برجاء ربط الاحزمة جيدا ف هناك عطل ب الطائرة
افاقت حورية ع هذا الصوت كل من بالطائرة يصرخ والطائرة تهتز بشدة الا سليم وكأن شئ لم يصبه فهو لا تأثير عليه بل مطمئن جدا
حورية :انت مش خايف
سليم : لا
حورية : اشمعنا
سليم : عشان انا وانتي مع بعض وانا ميهمنيش حاجة غير
شهقة عالية ثم استيقاظ
سليم : حورية مالك ف اي
حورية : كابوس يا سليم كابوس
سليم : مش مهم مش عايز اعرفه المهم انك معايا و ف حضني
حورية : فاضل كتير ع الوصول
سليم : لا مش اوي خلاص قربنا اصحي بقا نتكلم شوية
حورية : اديني صحيت اهو يا سيدي اتكلم
ومر الوقت حتي وصلوا الي أمريكا
وذهبوا للفندق المحجوز و حجز شريف ونوجة غرفة
وزين وسليم غرفة وحورية غرفة منفردة حتي يتم كتب كتابهم ودخلوا وبدلوا ثيابهم ونزلوا الي المطعم لتناول الغذاء
حورية : سليم ممكن اقولك طلب غريب شوية
سليم: انتي تؤمري يا روحي
حورية : عايزة اعمل عمرة
سليم: اشمعنا
حورية : بقالي فترة كبيرة جدا مكنتش بصلي واكيد صلتي مع ربنا دي اهم حاجة ف لازم استغفر وادعي ربنا يغفرلي ثانيا بقا انا عايزة نتجوز واحنا ف مكة هناك💞
سليم: حاضر هو طلب غريب اه بس تمم
حورية : شكرا
_________
بعد مرور شهر
حورية : اخيرا يا سليم بص مكة حلوة ازاي
سليم: اه يا حورية حلوة جدا فعلا
********
فرغلي: برضو يا سميرة المكان ليه هيبة
سميرة: اكيد طبعا
********
حورية: فين الأوضة بتاعتنا عايزة ارتاح
سليم : هروح اجيبها اهو
********
سميرة : هنطلع امتي انا تعبت
فرغلي : هجيب المفاتيح حاضر
_____________________
وليأتي القدر ليفعل الاعيبه مرة اخري ف بتقابل فرغلي وسليم
سليم: بابا !!!!
فرغلي: سليم !!!!
احتضنوا بعض بشدة
فرغلي ببكاء : سامحني يا ابني سامحني ونبي
سليم : اهدي يا بابا مسمحك طبعا
فين ماما هي معاك ؟؟
فرغلي : اه يا سليم تعالي معايا
...ايدا دي حورية معاها
حورية بفرحة : تعالي يا سليم بص مين هنا
ايدا عمو فرغلي
سليم احتضن امه بشدة ودار بينهم عالي صغير انتهي ببكاء ندم ثم ابتسامه من القلب
سليم : طب تعالوا تعالوا معانا فوق نتكلم براحتنا ونقعد
*********
ف الغرفة
سليم : لي عملتوا كده
سميرة : خلاص يا بني اللي فات مات بقا ولا اي
حورية : طب وبابايا ومامتي
سميرة : والله يا بنتي ده تدبير ربنا لولا اللي حصل كان زمانك زي م انتي ومش حورية الشاذلي اللي كله بعملها حساب
ومش ببرر موقفي
فرغلي : احمدي ربنا ع كل شئ ويلا ننسا اللي فات ومبروك صحيح ع جوازكوا
حورية : جواز مين احنا لسا قررنا نتجوز هنا
سميرة : بجد
سليم: اه والله اهي تدابير ربنا انكوا تحضروا كتب كتابنا
سميرة : خلاص يعني مسامحينا
حورية : طبعا يا ماما
سميرة: ماما ؟
ربنا يخليكي ليا يارب
_________________
بعد مرور شهرين
ف بيت اسراء ف الهاتف
سحر : يعني يا شريف انت راجع مصر
شريف: اه يا ماما وخدي كلمي نوجة باركيلها
نوجة حامل يا ماما
سحر بلهفة كبيرة : بجد يا شريف بتتكلم جد مبروك يابني هاتها بسرعه اباركلها
نوجة : ازيك يا طنط
سحر : انا بخير يا بنتي طمنيني انتي عليكي مبروك يا حبيبتي اقعدي بقا ومتتحركيش كتير هاا
نوجة بضحك : اي يا طنط كل ده مش للدرجادي ده انا لسه حامل ف بداية الشهر التاني يعني لسه بدري ع اللي بتقوليه ده
سحر : برضو يا نوجة منضمنش
نوجة : حاضر يا طنط
هاتي اسراء بقا اسلم عليها واقولها
سحر : حاضر
خدي يا اسراااااء
آسراء: اي يا نوجة عاملة اي يخربيتك وحشتيني اوي
نوجة: وانتي اكتر والله يا بت ووحشني هزارنا سوا بس انا خلاص راجعه
اسراء : بجد !!امتي ؟؟
نوجة : حجزنا طيارة بكره
اسراء : مستنيااااااكي
نوجة: هسيبك بقا عشان اكلم بابا وماما اطمن عليهم واقولهم الخبر ده
آسراء: ماشي يا روحي سلام
***********
ف الهاتف مرة اخري ولكن مع ربيع وام نوجة
نوجة : اي بابا واحشني اوي اوي
ربيع : وانتي كمان يا بنتي والله عاملة اي مع جوزك اكيد مزهقاك
نوجة: افتح طب يا بابا الاسبيكر عشان معيدش الكلام مرتين
ربيع : يعني اي ده يا بنتي
نوجة بضحك : بص يا بابا ف زرار ف التليفون اللي بيخلي الصوت مسموع لكله ده عارفوه؟؟
ربيع : اه اه عارفه طبعا اههوو
قولي يلا
نوجة : انا حامل
ام نوجة: بجد
بجد يا نوجة
نوجة : اه والله يا امي
ربيع : فرحتيني يا بنتي بدل م الواحد كان حاسس بخنقة
نوجة: اي يا جماعة مفيش مبروك ولا اي
نهضت نوجة وباعلي صوت وزغرطت: مبروك يا نن عيوني💞
نوجة: يلا اجهزوا ل تاني خبر
انا راجعة بكره
ربيع : والله يا بنتي لو كنت بعرف ازغرط كنت زغرط ربنا يرجعك بالسلامة فعلا وحشتينا
نوجة: انتوا اكتر والله
________________
تم كتب كتاب حورية وسليم وعند رجوعهم مصر قاموا بترتيب امور قيام فرحهم وتم زواجهم اخيرا وعاشوا حياة غاية ف السعادة
ومر ٧ اشهر أجرت نوجة عملية الولادة وانجبت بنت واسمتها حور لتكون شبيهه حورية واليوم الذي ولدت فيه حور هو نفس يوم عيد ميلاد زين وجاء سبوع الطفلة حور وقد تم عزومة كل العائلة
وقام زين ليغني فقد رزقه الله نعمه الصوت الجميل رغم وجود عيب بسيط ف النطق لكنه لم يقلل منه بل زاده جمال وغني اغنيه طفولية جميله وكان يوم غاية ف الجمال
انهي سليم الحفلة بقوله : ربنا ميحرمناش من بعض ابدا
اليوم نستطيع قول عيلة الشاذلي زادها فردين وامتددت فروع العائلة أكثر 💞
أنت تقرأ
حورية الارض
Romance" رغمًا عني " ماذا يحدث لقلبِي حقًا ؟ لا أستطيع أَنْ أُطيل أيام خصامنا . ولَمْ أعد أستطيع النوم دون سماع أحاديثك . يحدث الكثير، وأقول لقلبِي أَنْ يبتعد عن طريقك، ولكن ينتهي بس طريقي عند : ( أحبك كثيرًا ) .
