لقاء بلا موعد بقلم/ فاطمة احمد (مكتملة)

الفصل الثانى

الفصل الثانى من ( لقاء بلا موعد) ❤❤
سماء وفاطمة عمالين يبصوا لبعض ودقات قلبهم مسموعة
سماء بدموع كتيرة :بطة الحقى يابت جبتى ٩٩% زغرطى يا عمتى
فاطمة بعياط والفون وقع من ايديها : سماء جبتى ٩٨.٨%
اسماء : مبرووك يا بنات وعمالة تزغرط وحضنتهم
وسماء وفاطمة حضنوا بعض وقعدوا يعيطوا ومش مصدقين والاتنين اغمى عليهم من الصدمة
بعديها بقى احتفلوا واحمد ومحمد نزلوا جابوا جاتو وطرطه وحاجه ساقعة وشكولاته وطلعوا
احمد: مبروك يا بطوط كنت متوقع كده منك
واتصلوا بكل قرايبهم وقالولهم ونزلوا بوست على الفيس وشغلوا اغانى وقعدوا يرقصوا
اسماء: بقى ده منظر دكاترة ده
فاطمة وسماء: بصوا على نفسهم وقالوا مع بعض بصراحة لا وضحكوا كلهم
وطبعا سماء اتصلت بماماتها وباباها وقلتلهم
بصراحة يوم كان جميل اوى والبنات ناموا من كتر التعب
*********************************************
تانى يوم فى الصباح 🐦🦜🌹🌹

اسماء: يلا اصحى يابنتى خلينا نعمل الفطار يلا يا بت انتى وهى
سماء: خلاص ياعمتو صحينا واقعدى واحنا هنعمل الفطار
فاطمة:فالحة يا اختى انا عايزة انام قومى انتى بقى اعملى الفطار علشان تبقى تتسحبى من لسانك تانى
سماء: ياماما يالا لازم تقومى علشان بعد الفطار هنعمل الرغبات بتاعت الكلية وبعد كده هنبدأ رحلة متعبعة جدا
فاطمة: رحلة اى دى بقى يا اذكى اخواتك
سماء: هنشترى لبس الجامعه
فاطمة: اه صحيح ده موال كبير وموضوع متعب اوى
عملنا الفطار وفطرنا وملينا الرغبات وطبعا كتبنا احنا الاتنين الرغبة الاولى طب بشرى جامعة القاهرة
فاطمة: بابا انا هنزل انا وسماء نجيب النهاردة هدوم للجامعة علشان هنأخد وقت كبير عقبال ما نخلص يجى اسبوعين
احمد: مستعجلين اوى انتو بس ماشى خدى الفلوس اللى انتى عيزاها وعلى فكرة ليكى عندى هدية هجبهالك النهاردة
فاطمة : حبيبى يابابا وخد بوسة بقى
سماء: يلا يا بطوط بقى نلبس وننزل
نزلوا وقعدوا يلفوا كتير اوى ومجبوش غير شوية هدوم قليلين طبعا دى هدوم اجامعة لازم تبقى احسن حاجه روحوا البيت بعد ٥ ساعات كانوا تعبانين جدا وجم قرايب فاطمة علشان يباركو وبعد ما مشيوا فاطمه وسماء دهلوا يغيروا هدومهم
أحمد:بطوط يا بطوط تعالى وانتى كمان يا سماء تعالى
فاطمه :نعم يابابا
سماء: خير ياعمو
احمد: خدى ياسماء دول علشانك واداها علبة فيها بالطو ابيض وسماعة بتاعت دكتور وسلسلة فضة جميلة اوى
سماء: شكرا يا عمو ربنا يخليك لينا
احمد: وانتى يا بطوط خدى واداها علبة فيها بالطو ابيض وسماعة دكتور
فاطمة: شكرا يا بابا بس دا ظلم على فكرة وانا فين السلسة بتعتى اشمعنا سماء
احمد بضحك: لا ما هو انا مجبتلكيش سلسلة انا جبتلك وطلع فون ايفون احدث موديل خدى ده بتاعك
فاطمة: بابا حبيبى ربنا يخليك ليا
محمد: انا كده بقا منظرى زبالة صح لا ايه
فاطمة: والله هو صح الصح شكلك قمة الزبالة
سماء: وانا بقول كدة برضو
محمد: طب خلاص خدو دول وطلع من جيبة تزاكر دريم بارك وشنطة شوكلاته كبيرة مليانة
فاطمة: احلى ميدو فى الدنيا ده ولا ايه
سماء : والله يا محمد انت عسل وسكر يلا يا بت يا بطة ندخل نشغل الفون الجديد ونلعب عليه
دخلوا الاوضة وقعدوا يلعبوا ويهزروا ويضحكوا لحد ما ناموا