نضال:تي هيا دخل سفرة
فؤاد:باهي
نضال:شويه وجايكم تعال صادق معاي
صادق:قول خيرك شن فيه
نضال:نبيك تعرف خوله اخت فؤاد من تكلم وهل هيا مخطوبه أولا
صادق:من وين بنعرف
نضال:من شركات الي عندك إسأل توا تعرف
صادق:بهي اقعد انت مع لولاد توا نجي
اتصل صادق بي مروة وحده من معارفه
مروة:أكيد تبي شي هذا ليش متصل
صادق:غير بنسأل على وجهك بنسألك مهم خوله اخت فؤادمن تكلم وهل عندها علاقه ولاشي
مروة:علاش لطف بتخطبها مثلا
صادق:مدخلكش مهم اعرفي وليك هديه
......
للكاتبةEbthaJ MAMAR
في يوم تاني في حوشنا
مر يوم زي اي يوم عادي واني الف فكره وفكره في راسي ومش قادره نرتاح بكل
مودة:ميار اعطيني تلفونك بنترجم بيه تلفوني علق
اني:اءء بهي خوذي ها زي ماكنت متوقعه خشت الرسائل وشافت مكالمات وكل شي
مودة:تعالي معاي للدار😡
اني:مشيت وكنت خايفه منها ومن مصايب الي ممكن تجيني
موده:احكي كل شي بدون كذب ولف ودوان
اني:بهي وحكيتلها كل شي وحتى على شيماءاني صح قبل فترة كبستني مودة نحكي معا جهاد وكانت بتاخذ مني تلفون واني قلتلها اني بنفوته
مودة:واضح انه جهاد متاعك انتقم منك بتوزيع رقمك واضح يعني
اني:لاكن جهاد يتهم فيا بلخيانه بيجي توا يوزع رقمي علاش
مودة:هذي علاش مش وقتها مهم توا انتي مشكلتك شفرة هاتيها توا نديرلها حل نوضي وتي روحك بنطلعوا كأنه مصار شي
اني:متوقعتش ردة فعل مودة هكي حسيتها اقرب انسانه ليا بجد رغم انه طول وقت كنت نخاف منها
موده:عبير تعالي وتي روحك ولبسنا بش نطلعوا
كيف طالعين محمد رجع للحوش
محمد :طالعين
موده:مالا خاشين أسئلة زي وجهك
محمد:وخيتي موده متنسينيش عاد نبي بدله عربية وركبيلي معاها وشاح تركوازي وشنطة خضراء😂
موده😏😒😒
ماما:كان تبي فلوس ولاشي قول وليدي
محمد:لاغير جيت بناخذ شحني وحاجاتي بنبات في استراحه معتصم يوم
ماما:تمام صكر باب وراك
وحني طالعين كان عقلي في مكان تاني وطبعا حتى منتبهتش لي لبسي معش يهمني شيء عبير كانت طالعه بي كامل اناقتها مهما كان لبسها طويل وشن ماكان فهيا ديما بكامل اناقة 😍
في سيارة ناصر ....
معتصم:شوف خوات محمد بلهي تقول هذوا خوات لمختش هذا
ناصر:عيب يا معتصم هاذوا خوات محمد ره
معتصم:عارفهم خواته مالا امه شوف هذيكا الي لابسه عباية سوده وشاح بيج هذيكا الي يقولوا تكلم في جهاد
ناصر:قعد يشوف بلهي حق 😲💔متقولهاش انتبه على روحه وتانيه شنو ماشاء لله عليك طلعت خبره
معتصم:مش عارف تانيه توا كان اني بنادم ومكمل اموري خطبتها من محمد لاكن الله غالب
محمد جاء:جيت ياولاد مهم شحني ملقتاش بسرعه
معتصم:بلهي على خاطر شحنك معطلنا
محمد:ايه وجبت مفتاح سيارتي😁
معتصم:بدينا في حركات شحني وسيارتي😏
وطلعوا
حني وصلنا للمول ولدنا طبعا ملقيتش حاجات الي نبيهم بسرعه زي كل سنة بعدين خلاص قعدنا ندوروا واني لقيت زوز مساوين ومعاهم عجوز مش عارفه كيف حبيتهم
اني:اهلين كل عام وانتوا بخير
مرأة(صباح):اهلين تعرفي واللهي محصلنا شي
اني:زي اني بزبط 😅
وتعرفت عليهم
مودة:ماما شوفي بنتك مهبوله في من تكلم الي تلقاه تهدرز معاه
ماما:ميار هكي طول عمرها تحب تتعرف على ناس
عبير طبعا كانت لاهيا بحاجات مكياج وإكسسوارات هذا حياتها
ماما:موده نادي اختك خلي تشوف هذي
مودة:ميار تعالي
اني:باهي شويه بس كنت نختار في بدله لي ولد فوزيه الي تعرفت عليها
مودة:قلنا هيا
اني:باهي نخليكم توا هذوا ماما وخواتي
صباح:توا نجوا نتعرفوا عليكم
اني:ياريت والله
اني:خوذي هذي تهبل وبسته لولد محلاه بجد
مشيت لي ماما ولقيتها مختارتلي لبسه تهبل ذوقها حلو طبعا 😍
أنت تقرأ
ثأرنا في بيت عمي (روايات ليبية)
Mystery / Thrillerالاقارب عقارب هذا اكثر كلمة نعرفوها لاكن مستحيل يكون هذا منطق عمرهم ميكونوا عقارب الى في حال كان فيه حساسيات بين بعض او قلة ثقة بنفس ومرات يكون مجرد حسد وحقد تبنيه وتزيده ايام مهما كان وصار مستحيل حقد او حسد يوصل لدرجة ثأر وعند الاقرب الاقارب حاجات...
