نضت درتله شن ياكل وفاتت ليلة على خير اني كنت مصدومه في عبير كيف مش مدوره وعادي عندها رجعت لهت بي ما سكاتها وشعرها ورقدت ...
مرت ليله وكان عند عبير انه لؤي حيقعد يومين ويرجعلها ويراضيها رغم انها عارفه انها متحباش بس انسان عادي بنسبه ليها
ومروا يومين ومدورش بكل عبير بدت تتضايق لانه مدورش بكل
واما عند حوش فوزية
فبدت فرحانه هلبا وكلمت امها وقالتلها انه عبير فسخت من لؤي
فاطمة:جديات خلاص ضروري عروسته تكون اختك على اقل وحده نعرفوها
فوزية:صباح اكبر منه امي وهكي مش حتتربى نوره
فاطمة:واللهي بش تبدأ وحده متعرفيهاش سلفتك ضروري وحده نعرفوها
فوزية:خلاص لقيتها كوثر بنت فتحية هيا دور في عريس دور لي بنتها
فاطمة:واختك تقعد هكي لاكن يرضى بوها زعما
فوزية:وهيا فتحية بتخليه يرفض متعرفيهاش قداش واعره ...
فاطمة:خلاص توا نقوللها اني وانتي تعرفي كيف تقنعي حوش شيابينك.
فوزيه:ان شاء الله خلاص
....EbthaJ MAMAR
في حوش خوله
رن جرس ...
خوله :ماما افتحي باب نقرأ اني
ام خوله:نوضي انتي مشغوله اني
خوله :باهي
...وناضت فتحت لقتها بنت
مروة:اهلين كيف حالك
خولة:اهلين بخير تفضلي
مروة:اهلين فيك اني بصراحه قالولي عليك بنت شاطره هلبا ومرات نحول للهندسه نبي مساعده منك
خوله :تفضلي ياريت والله نفرح لما نشرح لي حد 😍
وقعدت مده تقرأ معاها وتشرحلها في كل شي
مروة:بنعطيك رقمي انتي خشيتي قلبي ❤
خولة:ولا حتى انتي
وقعمزوا يهدرزوا ....
مروة:انتي مرتبطه اني ايه
خوله:ايه مخطوبه مزاال❤
مروة:ماشاء الله مهم مره جايه نهدرزوا اكثر
.....واستمروا مده طويله مع بعض ...
في يوم قعدوا يهدرزوا مع بعض
مروة:تعرفي حبي هدالي ايفون وعطر....يهبلوا وانتي شنوا خطيبك
خوله:ااءء اني وجوده معاي اكبر هديه
مروة:😂😂معش تقولي هكي توا يحسابك خفيفة ويقول هذي اي حاجه تقبل بيها
خوله ركزت في كلام وحست وكأنه مروه عندها حق
خولة:يلا عادي
مروه:اسمعي بصراحه في حد قالي معجب بيك وهو معبي وهيديلك هدايا هلبا
خولة:تحسابيني مهبوله نسيب محمد على خاطر هدايا😅
مروة:غير استني متعرفيش من سعيد حظ
خولة:منو حد نعرفه ؟؟؟
مروة:مش عارفه كان تعرفيه اسمه نضال خالد
خولة:كيف اسمعي كان بعتك هذا فرخ قوليله قتلك خوله محمد بس الي نشوف فيه في دنيا يابنيه ياخواف شكلك محمد مرباكش بطريحه قبل هكي وقوليله موت ومحمد ..
طبعا مروة كانت متعوده تعبت رسائل أول بأول لي نضال ....
مروة:لا اني غير بس قالي يبيك اني منعرفاش
خولة:هل بنيه هذا ميفهمش اني مخطوبه لي ولد عمه وهو زي بنت خزي عليه
مروة:عيب عليه والله
......نضال كان مش مصدوم كان بيموت بحقد متاعه ومصدوم من كلام الي قالاته وبدأ حاقد عليها وعلى محمد حقد متاعه ممكن يدير اي شي ....
مررت ايام وبدأ عرس انتصار وطبعا كان جهاد يجهز في مفاجأته
عندنا...
اني :ماما نسيت مقلتلكش بنحضر عرس انتصار
محمد:هذي بنت خالها لي خوله وله
اني:ايه صح
ماما:خلاص امشي انتي وخواتك
عبير:منبيش نمشي اني بنقعد هني🤐
مودة قعدت تشبحلي بعدين خلاص اني توا نمشي معاك
......
نضت بعد عصر لقيت روحي متأخره على اني نجهز روحي للعرس عطلت هلبا ...
اني:مودة هيا جهزي روحك بسرعه عطلنا
وقلت لي ماما وبدلنا
أنت تقرأ
ثأرنا في بيت عمي (روايات ليبية)
Misterio / Suspensoالاقارب عقارب هذا اكثر كلمة نعرفوها لاكن مستحيل يكون هذا منطق عمرهم ميكونوا عقارب الى في حال كان فيه حساسيات بين بعض او قلة ثقة بنفس ومرات يكون مجرد حسد وحقد تبنيه وتزيده ايام مهما كان وصار مستحيل حقد او حسد يوصل لدرجة ثأر وعند الاقرب الاقارب حاجات...
