ثأرنا في بيت عمي (روايات ليبية)

الحلقة 10

الحلقة العاشرة
#ثأرنا_في_بيت_عمي ❤
EbthaJ MAMAR
حني قاعدين في حوش وحناي نازلة فيا
فيا ...اتصل تلفون مودة بعدها بدت تبكي
ماما:شن فيه يابنيتي
مودة:امي خولة اءء ماتت💔
ماما كانت مصدومه ودموع ينزلوا من عيونها كأنه مصايب كلها التمت على رأسها وطاحت على ارض ....حني قعدنا مصدومين ونبكوا اني خلاص حسيت كل شي صار بسببي ..حتى وفات خولة حسيته اني كنت سبب فيه...
خشيت لدار وقعدت بروحي مكنتش نقدر نقابل حد كنت نحسب في وقت ونقول ياريته ماصار عديت فرص الي ربي عطاهملي وضيعتهم اتذكرت قداش مره ربي سترني ...وقداش اني ضعيت هلبا حاجات نبكي واني الف سؤال وسؤال في رأسي ...ديما كنت نحس انه وقت يمشي بسرعه واني مش ملحقه عليه بس توا كان وقت يمشي ببطء ومش قادره نصلح شي
.....
مرت عمي وبناتها قاعدين يتفرجوا وخلاص مفيش حد قدر حتى يخفف علينا حزنا...
فات يوم كله وروحوا حوش عمي وحناي قعدت باتت معانا
في حوش عمي...
مرت عمي:هوا محمد بيطلع ولا صعب يقدر يطلع ...
عمي:مفيش شي صعب أن شاء الله يقدر يطلع صكري باب اني بنرقد
طلعت مرت عمي واتصلت بيها فوزيه
فوزيه:اهلين فتحية اسمعي منبيش نعطل عليك حوش عمي يبوا يخطبوا كوثر وبسرعه
مرت عمي:اسمعي قوليلهم يستنوا فتره هذي
فوزيه:علاش شن عندكم
مرت عمي:ماعندنا شي لاكن خالد مش فاضي وراه بلاوي من نوره
فوزيه:خيرها هل كلبه شن مصايبها
مرت عمي:بنتها لقوها في فندق عرس مع ولد ولدها ضرب ولد هذا وانحبس
فوزيه:شن هذا والله حق مش متربيه وماربت مهم توا نقوللهم يأجلوا شويه
مرت عمي :تمام باهي توا خلي نقول لي كوثر
فوزيه:باهي سلمي على بنات
مرت عمي:يوصل
.....وصكرت EbthaJ MAMAR
مشت لي دار بناتها
مرت عمي:جهزي روحك فتره هذي بيجوا يخطبوك ...
كوثر فرحانه 😍😍
مريم كانت راقده في سرير ورأسها كان يوجع فيها
مرت عمي:خيرك مريم شن فيه مريضه
مريم:رأسي يوجع فيا شويه
مرت عمي:توا نقول لي نضال يرفعك للمستشفى
مريم:لاااا له ممنبيش حالي باهي ....وناضت خشت حمام وخلتهم
مرت عمي:خيرها اختك شن بيها
كوثر:مش وقتها مهم اني بنسيب قرايتي وبنتزوج
مرت عمي:ايه والله احسن وقت للعرس
وكانوا فرحانين دنيا مش سايعتهم
...عندصحاب محمد💔
ناصر:بلهي شن صار في محمد واللهي مايستاهل هكي خوله هذي كان بيهبل بس بش يتزوجها في آخير ماتت
معتصم:والله اخته الي متنفعش هذيكا واللهي كان اختي قتلتها
ناصر:وهيا شن دارت اخته بس كله كذب حتى بنت الي لقوها في فندق معاه مش اخته هو استعجل وضربه ماذنبها شي
معتصم:خيرك دافع عليها ديما انت شن وراك
ناصر:شن وراي يعني كلام حق وكله كلامهم كذب اني الي نعرف
معتصم:توا ماعندهم حد حتى عمهم مش ديما يجيهم
ناصر:واللهي جبتها هيا نمشوا
معتصم:لي وين
ناصر:لحوش محمد ونشرولهم حاجات
معتصم:هيا نوض.....
في حوشنا
ماما من صبح طلعت هيا ومودة وحناي وقعدوا في حوش لعزاء ...
اني وعبير قاعدين في حوش عبير من صبح نايضه وقاعده بس هكي مقابلتني لاكن مكانتش تبي تكلمني بكل....عبير كانت هلبا قريبه من محمد وكان وجعها انه نحبس بي سببي 💔
شويه ورن جرس مشت فتحت عبير
معتصم:اهلين 😊
عبير:نعم شن تبوا
معتصم:لاغير جاين نطمنوا عليكم
عبير:باهي صحيتوا مع سلامه
معتصم:لاغير استني تفضلوا
عبير:هات مفروض تعطي بدون هدرزه
وصكرت باب
ناصر:خيرها هذي ..
معتصم:لاوالله الا تعجب هذي عبير الي قتلك عليها متحبش حد يتكلم معاها عندها انه شخص تخسره ولاتخسر فرشه من فرشاات مكياج
ناصر:الله الله تعال جااي منوين تعرف كل هذا تعال هني
معتصم هرب......EbthaJ MAMAR 
عبير دخلت حاجات جيت بنكلمها دفتني ..
اني:خيرك اني شن درتلك حرام الي ديروا فيه تبوني نقتل روحي مثلا
عبير:ياريت بدل عاار الي درتيه ياكلبه شن خليتي مدرتيش بس شماتت حوش عمي امس تكفي ...حولي من وجهي ....
....قريب عصر روحوا ماما ومودة من عزآء وحناي روحت لي حوش جدي
مودة:امي اني بنمشي ناخذ أذن من صيدليه لمده اسبوع هكي
ماما:كلميهم في تلفون
مودة:لا احسن نمشيلهم وناقصينا حاجات ونجيبهم
.....طلعت
قعدت في حوش وكأنني منبوذة ولاحد ما يتكلم معاي ولاحد سامع اني شن صارلي وشن واجعني مفيش حد يبي يفهم اني اكثر مصدومه واكثر وحده تأذت بشي الي صار
....
وصلت مودة لصيدليه وهيا طالعه تلاقت مع ....حسام
مودة كل شي وقف قدامها ناس وقت تذكرت آخر يوم في ثالثه ثانوي آخر وعد تواعدوه انهم يقعدوا مع بعض ويقروا في نفس مكان ...حسام كان هو وائل قاعدين واقفين بس ويشوفوا لي مودة......مودة فاقت على روحها وركبت سيارة ومشت ...
حسام :ياريتها ماشافتني يوم ياريتني قدرت اني نمشي ونكلمها
وائل:انت متوقع انها تسامحك بعد ماسيبتها وقت هذا كله
.....EbthaJ MAMAR
مودة في سيارة افكار جديدة تكونت في راسها هو ليش سيبني بس هو خلاني وخاني واكيد توا متجوز ورجع لي ليبيا قبل فترة اصلا توا وجوده معش يهم ......
وروحت للحوش وحني قاعدين جانا عمي ...اني كنت قاعده ونسمع في كل شي
عمي:مش عارف كيف بنقولكم لاكن محمد نحكم عليه يقعد في حبس 12سنه بسبب شروعه في قتل وولد الي ضربه توا نشل ...
امي اغماء عليها وعبير ومودة حاولوا يفيقوها وحتى عمي كان مصدوم كان زعلان على هلبا حاجات صارت في حياة ماما هيا مش ذنبها شي فيهم...
فيقوا ماما وقعدت طول وقت تبكي وعبير ومودة دخلوها لدار وقعدوا معاها ...
عمي روح لي حوشه مصدوم مش عارف هل هو سبب في حاجه ولا هو ماذنبه شي ..
مرووا ايامات وحني قاعدين في حوش حتى كليه منمشوش
في كلية طب
حسام :دورنا عليها في كل مكان خيرها مجتش شن صاير عندها بس
وائل:مرات عرفت كأنك بتجي فاتعمدت متجيش فترة
في حوش عمي
مرت عمي:خالد بنحكيلك موضوع ...
عمي:بلهي شنو وانتي مواضيعك ميكملوش شن فيه ..
مرت عمي:فيه خطابه بيجوا لي كوثر
عمي:باهي كويس بس منو
مرت عمي:حوش سفير ولدهم لؤي بيخطب كوثر..
عمي:شنو سيب بنت خوي بنعطيه بنتي 😡
مرت عمي:اول حاجه هيا سيباته ومعندهاش فيه نصيب ولانسيت انه خوله كان يبيها نضال مشاء خذاها محمد كله بنصيب
عمي:ربي يرحمها ...أن شاء الله خير
مرت عمي:خلاص ره بيجوا يوم
عمي:يوم علاش خيرهم مستعجلين
مرت عمي:حتى عرس مستعجلين فيه ره
عمي:توا جي عرس في وقت هذا ...مهم بلهي خليني
مرت عمي طلعت ......
في وقت الي جوا فيه خطابه لي كوثر وتمت خطبتها ...مريم كانت طلعت مع عبد الحي...وقالت انها في حوش صاحبتها ...
عمي:وين مريم
مرت عمي:في حوش صاحبتها
عمي:للوقت هذا كلميها تروح
...وطلع
مر وقت بسرعه....وفاتت مده محدد للعرس وقعد يومين ويبدأ ...جت زارتنا حناي
حناي:اني بنمشي لحوش عمكم عرس كوثر بيدأ
مودة:امتى نخطبت هيا بس
حناي:نخطبت ليها اسبوع ومستعجلين على عرس
مودة:ومنو عريس
حناي:خطيب لقديم متع عبير..
عبير ناضت خشت مكانتش زعلانه بلعكس فهمت كويس انه لؤي شخص ميليقش بيه حب واي بنت حيلقى فيها موصفات تليق بي عيلته حياخذها مهما كانت تكون....
....وروحت حناي ...
عبير مبكتش صح لاكن كانت متأثرة مودة بس الي كأنها فهمت لعبة كيف جت وشن صار فيها ...
عند مريم..
عبدالحي:عرس اختك شكله بوك صارف فيه هلبا😏
مريم:ايه هلبا حتى انه بيكون حوشنا زحما وكل خالاتي وحتى حناي بتقعد عندنا
عبدالحي:اها معناها حوش جدك بيقعد فاضي ..
مريم:ايه ..بنقولك امتى بتعطيني حبة
عبد الحي:اسمعي معنديش حبة فترة هذي لاكن فيه ابرأ تقدري تاخذيها احسن
مريم:خلاص مهم اي شي راسي يوجع فياا
.....
وفاتت ليلة وبدأ عرس كان بكل تفاصيله كبير وطبعا كانوا فراحنين
في ليلة حنه ...
عبد الحي:اسمع بروا خشوا للحوش خود مفتاح وين فيه ذهب ولا اي حاجه تجيب ركبوها للسيارة ...
وخنبوا حوش جدي فضوه من كل شي...
قبل ساعتين...
عبدالحي:اطلعي بسرعه برى وجيبي مفتاح متع حوش جدك
مريم :بهي دقيقة بس..خنبت مفتاح من شنطة حناي
وطلعت خذت ابرأ وخدا مفتاح...
...
وفاتت ايامات عرس طبعا اكتشفوا كيف حوش جدي انخنب لاكن مبلغوش قالي عادي لانه وضع لبلاد مش كويس فشي طبيعي ومرت مده طويله حني رجعنا للكلية وللقرايا كل حد فينا بدأ بشكل جديد...
اني من كنت طالبة مجتهده في قرايتي وليت انسانه مش هامها شي مجرد قاعده ومش متقدمه في ولا حاجه ...
اما مودة رجعت للكليه بكسل بعد ماتوقع كل رجوعها بقوة بعد بحثها ناجح الي عجب هلبا من ناس ..
اما عبير فهي وحيده فينا رجعت بي قوتها ورجعت مفيش حد اقوة منها ولا يقدر يتحدها حد بدت من جديد بكامل جمالها واناقتها😍لاكن رغم هذا كان قلبها عند محمد
.....
في حوش عمي
كل ملتمين بش يتغذوا وفرحانين بأنه كوثر بتسافر تعيش في تركيا ...
فاطمة مرت بوها لي امي...نبي نتكلم معاك يافتحية شويه
فتحية:تعالي هيا قولي شن عندك
فاطمة :نبي فلوس فيه خطابة بيجوا لي صباح وبصراحة نبي ندير عزومه كبيره
فتحية:ديري من شدك
فاطمة:نبي فلوس ولاانتي ناسيه انك مرت خالد
فتحية:وكان مرته اسمعي اني ماعندي شي وفوتيني
فاطمة:تعيط بصوت عالي واللهي ولاانتي ناسيه قداش ساعتك وصلتك لي هني نسيتي شن درنا في نوره قداش باتت فوق سطح وقعدت تبكي وكيف خليت بوها يجوزها لي محمود بعد ماسافر خالد ولا نسيتي كيف ساعتك تكذبي عليها وتخليها دير لقاء مع خالد ويشوفها بوها
تعالوا نحكيلكم اني شن صار قبل 20سنة👇
ماما عاشت ذكريات صعبة في حوش بوها رغم هذا كله الا انها قعدت تقرأ وطبعا مكانتش تقدر تطلع ولاتخش وكانت صاحبتها مرت عمي ...ايه مرت عمي لانها كانت بنت اختها لي مرت بوها ...فكانت تجي هلبا ولما ماما كانت بتكمل لقرايا وبتولي مدرسه تعرفت على عمي خالد وحباته ....وحكت عليه لمرت عمي ولما عرفت انه عنده فلوس حاولت تفسد على ماما هلبا وخافت انها تتزوجه وتقعد هيا هكي...فاقررت دير خطه ومعاها خالتها ..عمي كان حيسافر خارج بش يكمل تعليمه وكان يبي يشوف ماما للمره اخيره ويرجع بعدها ويخليلها مساحه تكمل قرايتها ماما رفضت تشوفه ..ولما حكت لي مرت عمي نصحتها تشوفه في جنان حوش جدي وتفقت مع خالتها على ماما ..بعد ماجاء عمي وعطاها هديه لي ماما وطلع من جنان قعدت تعيط فاطمة وتنادي في جدي ...وهو شاف واحد طالع من جنان حوش جدي ...وشاف ماما طبعا قعد جدي يضرب في ماما ويحرم فيها من أكل وهلبا حاجات ..وصلت لانه ميخليهاش تكمل قرايتها ..وهني جاء دور فتحية ..وحكت لي جدي انه في حد من عيلة بل قاسم هو الي كانت ماما متعرفه عليه ودايره معاه علاقه وزادوا هلبا كلام وخلوها تتجوز عمي طبعا بعد ماوصل لكلام لي حوش جدي عمي وافق يتجوز ماما وعاش معاها ذكريات كويسه لحد مامات بسبب؟؟؟....عمي بس من كان مساعد
نرجعوا👇EbthaJ MAMAR
فتحية:شن تبي تقولي انتي كل شي نصيب تراه صكري فمك خالتي
فاطمة:ايه صح كل شي نصيب شكلك نسيتي انك سبب حتى في موت خوه نسيتي لما حكيتيلي على عصابه الي اتصلت تبي خالد وكلمتي محمود قلتيله تعال يبيك خوك وقتلوه عصابه
فتحية:خالتي اطلعي من حوش وصكر على هذي دوه ومعش تجيني باهي
.....وقف صوت هذا ونسمع صوت مفتاح طاح على ارض ...ايه مفتاح ...عمي سمع كل شي كل كلمه مشى سافر مع كلامهم لي 20سنه وبعدها وسمع كل شي ..
فتحية😞😟😟انيءء
عمي:ولا كلمه توا نقولك من انتي وضربها كف انتي طالق...
طلع عمي ومعرفش وين يمشي قعد يلود فتره في آخير جاء لي حوشنا
واني روحت لقيت عمي كيف خاش للحوش كنت خايفه حتى نكلمه لاكن هو كلمني وسلم عليا حتى كان في داخله عارف اني مظلومه زي ماما بزبط...
عمي:سلام عليكم
ماما:وعليكم سلام خالد فيه خبر على محمد بلهي قولي وفيه شي جديد ...
عمي:لا حق فيه موضوع تاني بنحكيلك عليه
عمي بكل جرئه ولي اول مره في حوشنا قدر يفتح لي ماما ملفات ماضي حكالها كل شي وتأسف منها
ماما:هذا وقته لكلام هذا توا عرفت انه فتحية مسمومه عندك منها ثلاثه صغار واحد منهم تسبب في وفات خطيبة ولدي وتانيه اشبح كيف لفت وخذت خطيب بنت عمها كله من امهم طالعين ...
عمي:هذا كله مايسوى شي قدام شي الي بنقولهولك اني اسف اني خليتك في وقت الي ماكنتش نحساب روحي خليتك فيه ..واسف اني تزوجت وحده سببت في فراقنا بدون مانعرف اني طول وقت كنت نحساب نفسي ظالمها
ماما:بلهي متقعدش تفتح في مواضيع ليها سنين ماتت وتصكرت ومتخليناش نذكروا حاجات ماتت وعمرها مش حترجع...ومزال تقولي ظلمتها في شنو بس..
عمي:اني ظلمتها لانه من اول يوم تزوجتها فيه كنت نحكيلها عليك ديما من ليله عرسنا كله نحكيلها عليك مكنتش نعرف انها تكرهك هك وتودلك كل شر..
ماما:وشن بيفيد كلامك توا اسفك بيرجعلي بوي من قبر وبيسامحني ولا شن بيرد بس خلاص صكر كل شي
عمي:اني جاي بنحكيلك شي كبير وخايف نموت وانتي وصغار خوي متعرفوشي صغار خوي ثأرهم عندي ايه ثأرهم في حوش عمهم..
ماما:كيفءء
عمي:حكى كل شي لي ماما
ماما كانت مصدومه من كل شي سمعاته
💔
اني كنت نسمع في كل شي ايه سمعت كل شي.........
ماما:شن هذا معقوله هكي كنت عارف كأنه صغار خوك ولوا يتامى بسببك...
عمي:مكنتش نعرف انه خوي بيموت

اني بجديات لاول مره نكره حوش عمي هك بوي مات وقعدنا يتامى في عمره صغير وخوي محبوس وماما خسرت عيلتها كلها مش حنسامحهم وثأرنا كله عندهم..
يتبع......
هل حنقلب سحر على ساحر والا مزال مفعول سحر بيزيد💔