الحلقة12 والآخيرة
#ثأرنا_في_بيت_عمي ❤
كاتبةEbthaJ MAMAR
فوزية:اني جايبتلك معلومات على امك بشرط انك تسامحي ماما
ماما:شن تقولي انتي امي عايشه
مودة😥😨
فوزيه:ايه عايشه ورجعت لي ليبيا ومعاها ولدها ...ليها فتره
ماما:خلاص مسامحتها غير وين امي...
فوزية....
طلعت مودة هيا وماما ومشوا للعنوان..
بعد ساعات نضنا وفطرنا صح جرح محمد كان كبير بس كان مخبي كل يوم يكتب بيت شعر جديد وينزله ....على فراق💔
وقت ظهر بعد ماطيبت غداء رجعت ماما ومعاها عجوزه تشبها هلبا في كل شي وراجل معاه بنته...
ماما:وفرحى مش سايعتها تعالوا سلموا على حناكم وخالكم...
وآخيرا لقيت حناي ...وخالي وكانت بنت خالي تهبل اسمها سرور...وقعدوا معانا
ماما:طلعوا لغداء خلي نقعمزوا 😍
كانت ماما مش سايعتها فرحه ...وتبكي وكل مشاعر اختطت
في اول لقاء...
ماما ومودة مشوا للعنوان فتحتلهم سرور
سرور :اهلين تفضلي من انتوا
ماما:امي خيريه هني
سرور:انتي عمتي نوره 😨💔
ماما:ايه وينهم غير قولي
خالي حكتله كل شي حناي على ماما وكيف جدي حرمها تشوفها بعد مانحرمت من ماما تزوجت من ابوا خالي عبد الغفار..وجابت خالي ومات راجلها.وخالي تزوج قريبته وجاب سرور وبعدين مرته طلبت طلاق وتزوجت وهو ربها لي سرور بعد ما امها تخلت عليها حناي ليها فتره راجعه لي ليبيا واكثر من مره مشت لي حوش جدي وسألتهم على ماما قالولها هربت من كثر سمهم وكرهم ليها ....لاكن ربي اكبر منهم.....
نرجعوا 👇
ماما خشت تبي تشوف حناي وكان لقائهم هلبا يوجع سنين طويله بعدوا على بعض آخر شي تذكرت لمابوها قعد يجبد فيها ويبعد فيها على حناي بكوا هلبا وآخيرا ماما تلاقت مع خوها وهدرزوا وقعمزوا هلبا وطبعا كان حوش الي قاعدين فيه بإيجار فماما نادتهم يسكنوا معانا في حوش..
وجونا لي حوش واستقبلناهم وهلبا عجبتني بنت خالي تهبل😍
خلي نحكيلكم عليها كانت بشرتها بيضاء وعيونها سود نظرتها حاده وشعرها كان طويل ولونه اسود جمال وجسمها رشيق وبنت عسل 💓
وقعمزنا وتعرفنا عليها اكثر كانت تحب ماما بدون ماتشوفها 😍....وطبعا بدت تسكن معانا وفي دارنا كانت قاريه تصميم ازياء وتحب لخياطه...منحكيلكمش كمية فرحه الي حني فيها...
.....بعد مرور سنتين ..
اني قاعده نجهز في روحي لفتح محل حلويات بعد مابديت من نت في بيع حلويات ومكمله في قراية هندسة ومتفوقه فيها
....
عبير فتحت بوكيت صغير هيا وسرور وتوا بي كبروه وبيفتحوا فرع جديد ليهم ...كانت مهتمه بلبشرة ومكياج عبير...اما ازياء وجانب تنسيق فكانت سرور ..
مودةنخطبت لي دكتورها زياد في كلية بعد ماتعركت مع حسام للمره آخيره ولزاته
آخر لقاء.بينهم
حسام:اسمعيني بس لمره هذي كنت ناوي نرجع بس خذتني لقرايا
مودة:عفوا اني مشغوله توا ومنبيش نسمع حد
حسام:غير اسمعي بس مره هذي..
مودة:قول نسمع فيك
حسام: اني كنت صح نبي نتجوز المانيه ناجحه واصله على اقل نقدر نوصل شن نبي..بس انتي ناجحه توا واصله
مودة:كملت باه اسمع اني ناجحه صح بس انت انسان تافه تعرف ليش مش لاني احسن منك في قرايا ولا انه جتني منحه من دولتي ومش على حسابي نسافر لاا انت تافه لانك تقيس في نجاح بي ..انه انسان يقعد معروف وتبي تجوزني بس لاني ناجحه مش على خاطري اني بس لي هذا طلعني من حياتك اما عن حياتي فأنت خارجها من زمااان
حسام فقد امل خلاص ومعش قدر يحاول اكثر
أنت تقرأ
ثأرنا في بيت عمي (روايات ليبية)
Misteri / Thrillerالاقارب عقارب هذا اكثر كلمة نعرفوها لاكن مستحيل يكون هذا منطق عمرهم ميكونوا عقارب الى في حال كان فيه حساسيات بين بعض او قلة ثقة بنفس ومرات يكون مجرد حسد وحقد تبنيه وتزيده ايام مهما كان وصار مستحيل حقد او حسد يوصل لدرجة ثأر وعند الاقرب الاقارب حاجات...
