محمد:جيعان ديرلي حاجه ناكلها
اني:هيا باهي😟
مشيت درتله شن ياكل ...وقعدت ساهره شويه مع جهاد على واتس وبعدين صكرت تلفوني ورقدت ....
تسريع الاحدااث........
مررت ايام عيد بسرعه وفاتت اني كل يوم واني نحكي مع جهاد ...ورجعنا للكليه وكان كل شي تمام فجأة واني طالعه من محاضرة جهاد جاني وجابلي هديه وقعدنا نهدرزوا مع بعض لوقت وحكينا في كل شي....
في كلية طب عند مودة كانت مستعده لتسليم اكثر بحث هيا تعبت عليه وقعدت وقت طويل تبحث وتتأكد منه وكانت كليتها كرمتها انه تكون مناقشت بحث بحضور مجموعه كبيره من متفوقين ودكاتره كان بحث يتكلم عن مرض السكري وخطط تخلي مرضه وغيرهم يستفيدوا من حياة صحية بدون حرمان...
هيا ناضت من صبح واستعدت كانت كلها ثقة وقوه ..واول ماخشت للمدرج كان فيه حضور كبير لدكاتره ليبين كانت خايفه في أول وبعدين تغلبت على خوفها وبدت تشرح بكل ثقة وكانت ترد على أسئلة دكاتره وحتى طلبه وكل استفساراتهم ...خارج قاعه
حسام:عطلنا هلبا ان شاء الله يكون قعد بس بحث علمي حسيته مشوق...
وائل:خلاص بسبب طيارة عطلنا معش تنق هلبا...
وخشوا وأول مادخل حسام شاف مودة تذكر سنين فاتت ومرت كل وعوده الي وعدهم لي مودة تذكر كيف سيبها متوقعش انه حيلاقيها في نفس كليه الي تواعدوا يقروا فيها زاد جمالها وتغيرت وبدت اكثر قوة...
وائل :بتقعد واقف يعني قعمز هيا
وقعدوا يتفرجوا على بحثها بجد كانت وجه مشرف غير حني مكناش نقدروا في هذا ..
كمل بحثها مع تصفيق طلبه وشكرها وتكريمها من قبل عميد كليه ...مش هكي بس كانوا محضريلها مفاجأة منحه لدراسه في المانيا احسن بلد يدرس طب في عالم كانت مفاجاة كبيره ليها ومقدرتش ترفضها ...
حسام كان يبي يبارك لي موده لاكن كان خايف من رده فعلها ومقدرش يمشي يكلمها
روحنا بعد تعب طويل في كليه وكعاده جينا قعدنا بجنب ماما كانت فرحانه بينا وبنجاحنا
مودة:نجحت في بحث وعطوني منحه نقرأ برأ...
ماما:مشاء الله يابنتي لاكن سفر انتي عارفه متقدريش الا بي مرافق واني منبيش نحرمك من حلمك ...
مودة:عارفه اني اصلا نبي نقعد في ليبيا ونقرأ هني ...
عبير:غبيه بري اطلعي شوفي ناس ليبيا سنه يقروا وعشره لا شن تبي فيهم ...
مودة:بلادي بلادي غير هكي لا ..
اني:انتي وراحتك اهم شي جعت اني
ماما:بري سخني لغداء ونوضي خوك
مودة:أن شاء الله ممشاش للكليه شن يدير قاعد هني
ماما:مباش ينوض بارح سهر هلبا
اني مشيت نسخن في غداء وخشيت لقيت دارنا سخونه ولعت مكيف ..اتصل جهاد
اني:بسرعه استاحشتني
جهاد:اكيد 😍ياا💓مهم بنقولك اختي انتصار عازماتك على عرسها اسبوع جاي وقالتلي ضروري تحضر وحتى بطاقه عطتهالي
اني:بجديات هيا تعرفني حكيتلها عليا
جهاد:اكيد ياعمري اسمعي غدوا نجيبلك بطاقه ..
اني:تمام بنمشي لغداء على ناار
جهاد:سلمها ميورتي فالحه باهي باي توا
اني:بااي💓
....نوضت محمد وتغذينا مع بعض وهو شادها تسهويك على موده 😂😂
محمد:المانيا يامودة تي غير بشويه علينا وين وين...
مودة:مدخلكش بدون براتك توا فكني منها 😏
ماما:تغذى وانت ماصدقت حد يقولك حاجه
محمد:اسمعي توا نمشي اني وياك خولتي😁😂
موده:هذا ماناقص نمشي بنقرأ ولانقعد نربي فيك وفيها علي تصرفاتكم بايخه ..
محمد:شن خيرها خولتي جواا ولا 😂😂
عبير:خولتي خولتي هذا بس مخطوبين مالا كان تجوزتوا شنوا😂😂
محمد:صكري فمك توا تاخذينا بلعين
اني كان تفكيري بعيد عليهم هلبا كنت نفكر في جهاد وكيف طلع كويس معاي حتى اخته حاكيلها عليا محلاه بجد 💓
ماما:عبير أنتي اغسلي لماعيين اختك من رمضان وهيا تغسل
عبير:ماما واللهي دايره منكير في ايدي
محمد:تي تحشمي واغسلي بديري عاار في حوش راجلك انتي 😂😂
عبير:خيرك ياخاطب انت بشويه 😂
عبير:باهي توا نغسل غير ندور قوانطي ونغسل
اني:بنمشي نرقد توا.....
في عشيه متلاقيا مرت عمي وخالتها ومعاهم فوزيه وصباح ...حق معلومه جديده ولي اول مره مرت بوها ماما تكون خالت مرت عمي..
فوزيه:ماشاء الله عليها بجد عبير خطيبت سلفي
مرت عمي :منوا عبير 🤔🤨
فوزيه:بنت وحده اسمها نوره وبوها محمود متوفي من عيلة...
مرت عمي:شنوو خالتي بنت نوره ...نوره بنت راجلك
فاطمه مرت جدي:نعم وانتي متقوليش شن هذا
فوزيه وصباح شنووو😲😲
فوزيه:نوره اختي وعبير بنتها وكيف قلتونا نوره عند امها انتي وبابا الله يرحمه
صباح:معقوله اختي موجوده وببناتها كبار وحني منعرفوش
فاطمة:اختك عينك وشن عرفكم بوك طلق امها لانه مكانش يبيها اصلا ومش واثق فيها وبعدين هيا مرضت بوكم وقتلاته
فوزيه:هيا سبب مرضه هل كلبه حرمتنا منه في عمر صغير 😟😡
صباح:حسبي الله ونعم الوكيل فيها
فاطمة :اسمعي عقربانه بنت نوره ضروري تخليها تفسخ بلي صار وزني في رأس حمواتك واحكيلهم كل شي علي امها لحد مايسيبها ..
فوزيه:مالا تحسابني بنخليها هذي كلبه
مرت عمي بطير من فرحه كأنها حققت انجاز كبير في حياتها....
في حوش عمي...
عمي كان مريض مطلعش من حوش ومقعمز في داره ....
وكانت في دار مريم قعده فاتحه نت وتهدرز مع عبد الحي...
مريم:امتى بنشوفك حاسه راسي بيتفجر ونبي حبه ضروري 😞😞
عبد الحي: غدوا جهزي روحك متلبسيش لبس مدرسه بنفاجئك بي حوشنا جديد
مريم:ميهمنيش حوش نبي حبة بس بلهي عليك 😖
عبد الحي:مشكله يا مريم معنديش فلوس للحبه وانتي تعرفي هيا غاليه هلبا
مريم:توا نجيبلك الي تبيه كل شي نديره بس نبي حبه بنموت
عبد الحي:علاش تموتي غدوا نعطيهالك غير ديري زي ماقتلك اني..
مريم:بنصكر توا بااي
عبد الحي:خودي راحتك..
مريم كانت مش طبيعه بجد كان جسمها كله يرعش ومريضه هلبا مهيش عارفه حجم مصيبتها كانت تشوف في راحه بس في هذيك حبه ..مشت طلعت من دار وخشت لدار امها وبوها ..
عمي:خيرك انتي شن فيه خيرك تبكي ..
مريم:صححباتي كلهم شروا تتلفوونات الا اني😖😞😟
عمي:خيرك انتي غدوا نشريلك
مريم:لا نبي فلوس توا نشريه مع امي..
عمي:باهي افتحي هذكا دولاب وخودي شن تبي منه
مريم خذت فلوس بدون حسبان كانت تشوف في كل شي حبوب بس
...عند نضال
نضال:اسمع تتذكر في بنت الي كلمتها وجابتلك معلومات على خوله
صادق:ايه خيرها تي بنت نخطبت
نضال:عارف غير نبيها اعطيني رقمها
صادق:تي غير شن ناوي انت بس
نضال:تي غير اعطيني بس وانت زي هم ..
صادق:خود .091......
نضال اتصل برقم
مروة:منوا انت
نضال:اهلين بلعسل اني صاحب صادق
مروة بنت تموت على فلوس وعارفه نضال معبي
مروة:اهلين كيف حالك تعرف طول وقت نبي نتعرف عليك غير صادق معرفناش على بعض ربي يسامحه تبي شي تفضل
نضال:ايواا توا انتي عيني نبي خدمه منك وعد مني ليك ايفون مني 😍
مروة:خلاص تمام قول نخدمك بعيوني
نضال:شفتي خوله الي جبتي معلومات لي صادق عليها
مروة:ايه خيرها
نضال:نبيك تبدي صاحبتها وتقنعيها تسيب محمد وقوليلها على هدايا ولفلوس الي بيجوها مني رد بالك تنسي
مروة:رغم انه صعب لاكن نجرب ليش لا لاكن نبي مده بش نصاحبها ونبدأ قريبه منها
نضال:خودي راحتك لاكن على قد ماتستعجلي تكبر هديه😉
مروة:تم سلام توا😍
نضال:سلاااام
صادق:شن صار لعقلك انت شن فيه بس شن هدايا الي بتعطيهملها
نضال:لبنات كل يبوا الي يعطي والي يدلع😎
صادق:غالط لبنات مش زي بعض وفوته موضوع خيرلك ره
نضال:انت منبي منك شي وجه فقر اسكت وتفرج بس ..
....في حوش حسام متعشي مع اهله بعد مارجع بعد مده طويله هلبا حاجات تغيروا في ليبيا في فترة غيابه ناس وطريقتهم حتى عااداات بعضها نعدمت وباقي تكسر......
حسام:وائل بنحكي معاك في موضوع
وائل :قول وانت ماتكمل مواضيعك بكل
حسام:شفت بنت الي دايره يوم بحث
وائل:ايه والله ذكيه باين عليها وحلوا
حسام:صكر فمك وتحشم شن حلوا هذي 😡
وائل:خيرك تقربلك ولاشنوا هممم😞
حسام:لا وحكاله كل شي وقاله انه يبي يمشي يكلمها
وائل:مصح وجهك بعد هذا كله تحسابها بدورك وانت سيبتها بدون حتى ما تقوللها
حسام:اني جتني سفرتي بسرعه وكنت فرحان بيها هيا كانت صعبه ومستحيل توافق نمشي ومقدرتش نضيع فرصه اني 😟
وائل:كنت خايف ضيع فرصتك لاكن هيا ضيع عادي عيب عليك حرام هكي😯
حسام:غطتي كبيره عارف لاكن نبيها تسامحني كنت نتوقع نرجع نلقاها متزوجه ولا اي شي مكنتش نتوقع انها قاعده مصره على حلمها 😟
....
في حوشنا سهرنا بعد عشاء فترة وبعدين كل حد خش لفراشه
مودة بينها وبين نفسها لوكنت نقدر نمشي لي المانيا كنت اكيد حنتلاقى مع حسام ونشوفه ..بلهي اكيده تجوز وتوا يقرأ في احسن كليه💔
اني تفكيري بروحه في عرس اخت جهاد الي قرب وتفاصيله شن بنلبس وكيف حندير
....
اما عبير فا تفكر شن بيكون لون وشاح متع كليه ولا فارقه معاها😂
.....
في حوش فوزيه مرقدتش وقعده متذكره كلام امها كله ...تستنى في راجلها يروح ....شويه ورجع
سامي:سلآم عليكم ...خيره وجهك مخطوف هكي شن فيه
فوزيه:شي تبي تتعشى
سامي:غير قولي بس
فوزية:انت ترضاها على اسم عيلتك انه بنت الي خاطبها خوك مش معروف اصل امها وبعدين نااس كلهم يحكوا عليها
سامي:كيف هكي انتي امس بس عجباتك ليش تغير رأيك توا
فوزية:مكنتش نعرف عاار امهم هكي
سامي :خلاص توا نقول لي لؤي غدوا ساهل جيبي لعشاء توا
فوزيه مشت وكلها حقد وكره...ليناا....
في صبح نضت واني مستعده لي يوم جديد وكنت فرحانه هلبا ....
لبسنا وطلعنا للكليه ....في حوش عمي كانت مستعده مريم بش تخش لاكبر باب حيقلب حياتها اكثر..
مريم وصلها سواق للثانويه مخشتش اتصلت بي عبد الحي وطلعت معاه ...
في كليتي كان فيه حدثين ...
تلفوني رن قبل منخش محاضره
جهاد:صبااح عسل هيا اني في كفيتريا متاع كليه
اني:ااء محاضرتي كيف بتبدأ
جهاد :شنوا كيف يعني اهم مني تي غير تعالي جبت بطاقة بعدين تزعل انتصار
اني:باهي شويه بس ..
وطلعت كان مسعجل عطاني بطاقه ومشى ...
رجعت لي محاضرتي
......
لؤي:باهي ياسامي توا نتأكد من كلام مش قصدي مرتك تكذب تي غير باهي
سامي:برى تأكد مهم اسم بوي ميطيحش ارض
....لؤي تذكر كل مره يسأل فيها عبير عل على عيلة ماما متعرفش شي حق لكلام اول لا...
لؤي مباش يكلم عبير في تلفون وأصر يمشي للكليه ويواجها بي لكلام ...اتصل بش يكلمها
عبير:اهلين 🙄
لؤي:كيف حال وين مال
عبير:في كليه وين بنكون يعني..
لؤي:جايك توا هيا ....
عبير:باهي نراجي فيك...
شويه وجاها عبير بينها وبين نفسها جاي لي خطيبته فاضي 🙄
لؤي:اهلين مرات نعطلك على محاضراتك
عبير:لاله عادي قولي نسمع فيك
لؤي:ديما نسأل فيك على اهل امك عمرك ماجوبتني ديما ساكته
عبير:وانت ديما تسأل علاش شن تبي فيهم
لؤي :هكي مالا تحسابي اسم بوي شويه انتي ناسيه انه ...وقاطعت كلامه
عبير:وزير ...شخشير وبه به شن بنديرله اني نبي نفهم بنتزوجك ولا بنتزوج اسم بوك اني عيلة امي مش حنحكيلك عليها شي لاني منعرفهاش وحتى لو نعرفها مدخلكش بيها
لؤي:مدخلنيش صار واللهي تبني نتزوج وحده امها مقطوعه من شجره هذا الي ناقص
عبير: صكر فمك على امي بلهي تحسابني ميته فيك وهو خاتمك خوده وتعال يوم ارفع حاجاتك .....مشت وخلاته وسيبت كل شي💔
لؤي مكانش متوقعت وصل امور لدرجه هذي لاكن كان ديما يخاف بس على اسم بوه ومشى وكأنه لم يكن....
طبعا في جيهة تانيه كانت بنت عمي مريم مصدومه من منظر الي شافاته وتبكي...
تعالوا نحكيلكم بشويه....
بعد مارفعها من ثانويه مشى بسيارة لمكان بعيد وحتى كان برى مدينه وخش لي استراحه
مريم:وين حني
عبد الحي:خودي حبه هذي بس وانسي
خذتها ونزلوا للاستراحه كانت معبيه ولاد وتجار مخدرات وبنات وسخين مناظر قذرة متنشافش قعدت تبكي وتبي تهرب مقدرتش ومره هذي كان عندها فلوس ودفعت بش تحمي نفسها وروح بيها عبد الحي في نفس دوام مدرسه ....
في حوشنا
عبير:خلاص اني الي يتجرأ يقول كلمه عليك امي مستحيل نرجعله اصلا هوانسان مريض ولا منظره ولا شي اني خلاص معش نبيه ..
ماما:كل شي بتفاهم مش هكي يابنتي
مودة:اكيد طولتي لسانك عليه نعرفك
عبير:نقولك يقلل في قيمة امي بنرجعله خلاص محدش يدخل ...
محمد ناض من نوم على صوتنا
محمد:خيركم شن فيه
عبير:فسخت ياحمودي😂
محمد:حق ومزال فرحانه علاش
عبير:شافت لي ماما وبعدين لا غير ممل بكل ودراها ...
محمد:عندك حق فوتي امه ميار بناكل
......
شن مفاجأة عرس اخته لي جهاد وشن محضرلي ...شن ممكن بسبي يخسروه عيلتي...وعدم مبالات عبير لحد وين بتقعد ..حلم اشاره للواقع ولا شنو....
أنت تقرأ
ثأرنا في بيت عمي (روايات ليبية)
Mistério / Suspenseالاقارب عقارب هذا اكثر كلمة نعرفوها لاكن مستحيل يكون هذا منطق عمرهم ميكونوا عقارب الى في حال كان فيه حساسيات بين بعض او قلة ثقة بنفس ومرات يكون مجرد حسد وحقد تبنيه وتزيده ايام مهما كان وصار مستحيل حقد او حسد يوصل لدرجة ثأر وعند الاقرب الاقارب حاجات...
