أحلام يقظة

أبرار وعاطف

جماعة هاتولي زي عاطف 😂😂😂🥀
منقول :

لما اتجوزت جديد مكنتش بعرف أطبخ ماما كانت دايماً تقولي انتي مش هتعمري وهتطلقي من اول يوم
الجملة دي كنت بسمعها من كل الل حاوليا
ليه بقى
عشان شايفيني تافهه ومبعرفش أطبخ ... أنا تافهه؟!
طيب أنا اعمل ايه مبعرفش أطبخ لاني الكليه كانت واخدة كل وقتي
واتجوزت
كل يوم كنت بحاول أعمل أكل بس كل محاولاتي كانت تبوء بالفشل
وهو كان ييجي من الشغل يلاقيني معملتش أكل ويطلب دليفري وهكذا كل يوم
لحد ما حسيت أن فلوسه قربت تخلص روحت دخلت المطبخ وعدت المحاولة بجدية
جه من الشغل نادى عليا لقيني ف المطبخ قاعدة ع الأرض ومتشحتفة من العياط
جري عليا بلهفه
-مالك مالك يا أبرار فيه ايه ؟!
- من وسط عياطي قولتله الرز اتعجن والملوخيه سقطت مني 😓😓
فضل يضحك عليا وعلى منظري وقعد جمبي باس على راسي
- طيب خلاص يا حبيبي نجيب أكل من برره
-هو كل يوم هنجيب يعني ، وبعدين انت متجوز علشان تلاقي الل تأكلك وتعملك كُل حاجة
-أولاً أنا مش متجوز عشان كده آه دي أسباب متفرعة من سبب أسمى وأعظم ، بس احنا متفقين ان محدش فينا هييجي على التاني ، وياستي انا مقدر ان انتي مبتعرفيش وبتحاولي وهتتعلمي
-وانت عرفت منين إني بحاول ؟!
ضحك وشاور ع الباسكت - من ده ، كل يوم بلاقي أكل محرووق😂
- بس انا كان نفسي اعملك أكل حلو
- طيب يلا نعمل سوا
قام فتح التلاجه وطلع منها أكل وجاب التليفون على برنامج الطبخ وجبنا طريقة عمل الحواوشي
كان جاي من الشغل ومفرهد ومن غير ما يغير هدومه ساعدني عشان يجبر بخاطري
خلصنا وعملنا سلطة وأكلنا وطول ما احنا بناكل كان يطبطب عليا ويقولي تسلم ايدك يا حبيبي
رغم ان هو الل عمل وانا ساعدته بس 🌸🌸
....
ومن يومها وانا اتعلمت المطبخ كل ما اتزنق أجيب اليوتيوب وبقى بيجي من الشغل يلاقي أكله جاهز
بس انا عمري ما هنساله الموقف ده
الخلاصة

- اتجوزوا الل تعرفوا تشاركوهم كُل حاجه فشلكم وخيباتكم وحزنكم قبل ما تشاركوهم نجاحكم وفرحكم
اتجوزوا الناس الحنينة الل بتسهل الدنيا ، الناس البسيطة الل تعرف تمشي أمورها
اتجوزوا الل ميجوش عليكم أبداً

حبّة رومانسية بقى عشان مرارة السناجل 😂😂
أني آسف
وعشان كمان الوردة اللي مش ناوية تكمل الثانوي تيجي جنبي هنا ونلطم 😂😂😂☄️

#يوميات_عاطف_وأبرار 🌸❤
#ايمآن_بنت_آمين 🦋