كورونا الليبية 🦠

6

الحلقة 《 6 》
×
لكورونا الليبية
×
شهد رزق
×

نضت بنجيب العشاء لان قال مش متعشي ،وبالحق لقيتها مش امدايره خاطي مبكبكة ،انصعقت وفقدت اعصابي : تي معقولة يامره مبكبكة مبكبة وخوي جاي اول مرة ديريلنا معجنات كسكسي ،زي اللي تشبحي فيهم في النت ،جدري اكيد من النت هذا تبيش تتأخري عليه ،قلت تو كان درتها مكرونة تقعد طشة واطيب ولا ،علي صوته ،وانت ديما نت نت ،كل ما نشوفك نلقيك شادة هل النقال ياريت نافعك فالحة كان في فلانة دارت علانة نزلت و، وووك نبي نكلم بنت بنت عمة بوي نشوف اخبارها بالك تزوجت ،ولا اوه اليوم شفت رسايل لبنات عمي راحو صحبة اي ووالخ ،ووقت نقولك عطيني من وقتك خلني نهدرز معاك تردي ،لا والله عندي شغل في النت شوية 😤 بزنس ماه ،تقول متزوج موقع تواصل اجتماعي اني ،كل وقت يبي تفعيل نت ،ويشوف اخبار الناس ، من اليوم يا أميرة يا بزنس النت باباي احلمي بيه اوكي
خولة ،: والله منيش النت اليوم نبيه معندكش الحق انك تاخده .....
واستمر العراك بيناتهم بعد ما سكروا باب الكوجينه المفتوح ..🤦‍♂️🤦‍♂️🤦‍♂️
أسامة نسمع في محمد يعارك وقال كلام انصدمت منه ،وضحكت بصراحة ،شن قال قال متزوج موقع اني 😂😂 عراكهم تقول صغار، احنا في العايلة تقول عندنا عرق النفسيات ،والله
المكرونة سقعت شكلهم ماهم ساكتين من عراكهم خلني نوقضهم خير ما ننقز عليهم نفخولي راسي اف ،دقيت باب المطبخ وهما كأنهم استوعبوا سكتوا للحظة ،اني رديت مكاني ،خش هو بملامح شايطة وشاد الصفرة
اني : علاش متعب روحك اكيد سقعت توا ،ههه
محمد: مش فاضي لسخافتك راه ،هاك كول ،قسم بالله الواحد مفروض يهج من الناس كلها ،
اسامة : بالله ماتكون زي عصبي بكل راه حتندم زي ما اني توا نادم ردبالك تخسر خولة حب حياتك بعصبيتك كلمها بشوية فهمها تي 5 سنين ياراجل ومزال متأقلمتش عادي هي مشكلتها انها كسولة مطيبش هلبا الحوش ديما حايس صح ولا لا لكن في تربيتها كويسة باستثناء تصرفات لؤي لانه تربي معانا ، اهتمامها فيك انت بشكل كبير ،احترامها لينا ولأمك هذه حاجة كويسة ،لان في الوقت هذا معش في كنات يحترموا أهل زوجها ،فمتنكرش هذا كله وتجي عل التطييب والضمان ،كلمها انت بشوية بأسلوب بلا عصبية قوللها خرابيط النت سيبيها تعلمي تطيبي ليا اني بس ضمي الحوش ووووالخ ،هكي علمها انت عارف حياتها كيف عاشتها لأن أمها متوفية محد علمها عايشة حياته في دلع ورفاهية عل الاساس يعوضوها عل غياب امها ،...مش معقولة اني خوك الصغير ننصح فيك المفروض فاهم الحجات هذه اف ،بري في الصبح جيبلها وردة ولا هدية وراضيها ،هاه شنو تمام
محمد : والله تو نشوف ،
##########شهود
مر أسبوعين علي ذاك الحال وتوا خشينا شهر 4 ومزال أسبوع علي رمضان ...
طبعا الحجر لازال قاعد ،ومن الصبح للساعة 2 بس نطلعو وبعدها تطلع الدوريات "الشرطة "
تتجول ويمسكوا اللي طالع .....
الاسبوعين هاذم صار أحداث جديدة لأبطالنا
مهند صار يحتك في العيلة كلها ويحاول يطلع مهنة يشغل نفسه فيها ،خدي كورس تصوير عل النت وبدا كل شوية يصور ويساعد في خواته في المطبخ تعلم شوي تطييب زي الدحي بالطماطم ومكرونة ،والكيكة ،لكن تفاهته في الامور قاعدة مزال 🤦‍♂️
~~~
أما أسامه ،رجع لربي وألتزم في الصلاة من الفجر للعشاء أما النوافل مرة مرة يصلي فيهم ،يحس في صعوبة انه يصليهم جميع ممكن لأنه مش متعود، يدور أي حاجة في الحوش تبي تصليح ،" برباش من يومه 😁"
المهم من بعد ماروح وهو مصاب من محمد محد اهتم بيه خاطي بوه وامه اما خوته حمدولة عل السلامة وهدرزو عليه شوي ،بس مشافش الخوف في عيونهم ،فقال لازم نتقرب منهم ،لاني مش قريب هذا علاش هما بعيدين عليه 🤷‍♀️...فاحتك في أميمة اللي كان ميحبهاش بكل ،لكن توا علاقتهم حلوة حلوة سهريتهم مع بعض ،اكال وتلفزيون وووو ....
..~~~~~
معاذ، اووه مع كبدي معاذ 🤤 الضحكة وأخيرا طلعت منه ،هو البسمة للعيلة في 15 يوم هذه ،الكل استغرب تغيره ،لكن يضحكوا عل خجله يتحشم في طلب الحاجة، يتحشم في دوة معاهم لكن عادي اهم شي تغير 360 درجة 😅 ...طبعا علاقته مع ريان تحسنت ،مع انها لما مات خوها صح سيباته وحزت اللقطة فيه ،لكن حب المراهقة مش كيف ،حبها بصدق ومن حبا منساهاش ،كل يوم يتكلم معاها ،
وخوه عبد الرحمن دار ليه فضل كبير كبير ،بعد ما خبره سره مشو في اليوم التالي لي عيلة معين ( الله يرحمه ) صح ما رحبوش فيهم لكن الضلم واعر ،وضحلهم عبدوا بأسلوب الحكمة ان معاذ بريئ ومش هو اللي قتله ،وعطاهم دليل بصدفة عبدوا شافه هو قبل ما يموت معين وبعد ما تصالحوا صورو تصويرات ليهم ولما يجروا ،ورا ليهم الوقت امت صورو ،تأسفوا أهله من معاذ وحسو باذنب ولزموا يتغدوا معاهم .بس معاذ رفض بعذر ان مش فاضي والحقيقة ميقدرش كرامته منعاته هما قبل لازينا من حوشهم وضالمينا فكيف يتغدي عندهم ،وفعلا روحوا بعد ما خدو حقهم .....

((( صح أغلبكم بتقولوا كيف سامحوا فيسع وتأسفوا من معاذ وخوه ،وكيف معاذ مقبلش يتغدي ،ولكن في الضلم ربي ينصرك اكيد وعبدوا كان يحكي بأسلوب حلو و معبر من قلبه انهم ضلموا خوه ،فهذا علاش تأسفوا خوت معين لان حكمة عبدوا في الكلام وكيف يعاتب فيهم حسستهم بالندم ،.
والسبب في حكمته ان الذي يحافظ علي قراءة القرآن الكريم وتدبره وترتيله بشكل دائم وبأنتظام تجعل لسانك فصيحا وتجعل أسلوبك بالحديث في ثمة الرقي والجاذبية💓😍

.....
الكرامة أهم شئ متخلي حد يطيحهولك ويضحك عليك ،ومعاذ كرامته اهم شئ فلهذا مقدرش يزيد يقعد قداهم ويتغدي )))
~~~~~~~~ كاتبة شهود
أما عبدوا اكيد تعرفوا ،هو كان الفضل كبير للعيلة هو اللي قدر يغير خوته كلهم سبحان الله، { ربي يفتحله في وجه 😘 } وخله عيلته متماسكة بعد ماكانت متفككة خلي خوته يداوموا عل قرآن والصلاة ،شي كبير بكل فخر لما يكون عندك خوه زي هكي يوعيك علي هلبة حاجات مهمة انت كنت مش مهتم بيها ،استفاد في عطلة انه يوعي خوته بدل ما يستفرد في قرايته فضل خوته عل الطب 😍 ....
~~~~~~ شهد💓
أما أروي وأميمة أكثر من توأم ،كل شئ جميع تعلموا أكلات وكل يوم عشي وغدي وحلو من ايديهم ،كل يوم قناع لين وجههم تنور 😂
" مع انهم جميلات ميستحقنش لكن هذا هو "
خدوا كورسات ميك أب من أمهم ومن الفيس وكل يوم يلَيسوا في خليقتهم بالمكياج 🤣😉 .
وتعلموا مع معاذ يلي اصبح صديقهم بنظرهم ،كورسات E عل يوتيوب ...
ايه وخدوا مع مهند تعليمات عل التصوير ،
" عاد عندنا احسن تليفونات ومنعرفوش نصوروا 😯 مع ان حشيشتنا تصوير احنا ..
نحكي عل البنات "
××××××
أما محمد ..من بعد ما قاله خوه عل مرته ،حاول انه يحسن روحه ويتحمل تصرفات خولة ،جابلها وردة في الصبح وحاول يرضاه ونصحها علي العيوب يلي فيها .......

" محمد ملشي دور هلبا في الرواية ولهذا مركزتش عليه 😊 ممكن كان درت جزء تاني حنركز عليه هلبا ونحكي عل قصة حبهم "

####### شهد
في العشية كل واحد شاد تركينه وقاعد مع حاله كساد
أميمة 😤 : واااك نبي نطلع نشم هواء
عبدو 🤪 : قالت تبي تطلع تشم هواء بالله يا يا معاذ خود شكارة اطلع عبيلها بيها هواء وجيبها ،اختك خاطرها تشم هواء
معاذ 😂 : والله فكرة خطيرة اوكي تم
اميمة : زيدوا تسهوكوا انت وياه راه في فرق بين البرادة والبصارة
معاذ 😒
اميمة : اوه شن النظرة هذه ،ما صدقت معش اديرها ..خلاص سكتت
معاذ 🙂 : احسن
أسامه واخد قدومة في يده : أمي أمي معندكش حاجة تبي دق وخدمة ،راهو توا كملت من دق البيبان
اميمة همست بشوية : قلنالا دير حاجة باهية مقنلاش بربش ☹
أسامه : شن نسمع فيك تقولي ،خيرك تبي القدومة تجي علي راسك
اميمة : لا سلامتك مقلت شئ
أروي جت تجري : تعالوا شوفوا مهند شن يدير
صبت أميمة : ها شنو
لقوه واخد شكارة المكرونة يعِد فيها 🤦‍♂️🤦‍♂️
مهند فطنلهم : وهاذي 8ألاف حبة وهو يسجل في كراسة ،هي جيبولي شكارة رز خلني نعدها حتي هي..
اروي 😅😁: وربي لا فاضي وحق ربي ..
.....خشت أمل للمطبخ فتحت الثلاجة وقالت 😡 : مين الجيعان اللي واكل زبادي ،اللي بندير بيه كيكة
اميمة تسحبت بهدوء بتطلع
اروي الغبية 🤦‍♂️ : اميمة متقوليش الزبادي اللي درتي فيه القناع
أمل : الله يغربل ابليسك .. مفيش جيعان في العيلة كان انتي تبربشي عل كل حاجة ، مفيش توا لا كيكة لا بطيخة ،لا حول الله
وطلعت
...في المغرب
دق الباب
استغربوا كلهم قاعدين يتعشوا مني اللي يفكر يجيهم توا 🤷‍♀️
اروي ناضت فتحت الباب
وانصدمت مني اللي في الباب
#### يتبع في الحلقة 7 ...
للكاتبة شهد