كورونا الليبية 🦠

الأخيرة

الحلقة 7 والاخيرة
من كورونا الليبية
للكاتبة شهد رزق .....
وميض🔥 البرق ..او اللبوة الشرسة
اكيد توا نسيتو الاحداث راجعو الحلقة 6 باش تعرفوا الاحدات وآسفة عل التأخير اكيد عارفين رمضان وجوه
~~~~~~~~~~~~~~~~~~~
.في المغرب
دق الباب
استغربوا كلهم قاعدين يتعشوا مني اللي يفكر يجيهم توا 🤷‍♀️
اروي ناضت فتحت الباب
وانصدمت مني اللي في الباب لقت خوها محمد ومرته وصغاره 😳
فرحت بصراحة وبنفس الوقت استغربت جيتهم 😅 : تفضلو تفضلوا مرحبتين بيكم
...سلمت عل الصغار وعل خولة
محمد : وين العيلة امال خيرك واقفة
اروي : اي اي قاعدين يتعشوا خش داخل
خشو داخل رحبوا بيهم الكل وقعمزوا تعشوا جميع .....بعد العشاء
علي 🙃 : شن سبب الزيارة الحلوة هذه
محمد : خيركم كلكم تسألو في السؤال هذا ،عادي حوش أهلي اي وقت نجيه
علي : لا سألت بس
أمل 😍 : عل العموم فرحانه اني بكل اليوم انكم كلكم مجتمعين ياريت ديما قاعدين هكي ،بجد فرحتي ما توصف ،ربي يخليكم لبعض ان شاء الله
الكل 😃 : ان شاء الله
علي : بما انكم مكسدين ،يلا كل وا حد يقولي شن استفد من الحجر تغير منه او لا
عبدوا : كلا اني تغيرت هلبا حسيت روحي انسان تاني ،نحس في الراحة توا ،حياتي قبل بلا معني لكن توا لما قربت من ربي صار فيها معني ،انتم جربوا ترا ديروا زي توا اني قريب نختم المصحف فرحان لين خلاص 🤩
وهذا وين حسيت روحي تعرفت عليكم ،وعرفتكم زين وعرفت شخصياتكم وتقربت منكم .اين حب تحكوا عليه ،ما في احلا من حب العيلة ،تحس بأمان وبالصدق وبالفرح وبالسرور وبالحب ربي ما يحرمني منكم 🥺
الكل 😢 ان شاء الله
أروي ،: اي والله بجديات تغير هلبا عبدو هذا وين حبيتك وحبيت شخصيتك ،قبل نحس فيك نكدي بكل وكنت بعيد عنا هلبا . وحقا كلنا نشاركك في الرأي حب العيلة هو احلي الحب . ما ليكش كان حب امك وبوك .الحمد الله صارت حاجة خلتنا نقعدوا شهور في الحوش ونزيدوا نتقربو من بعض. لان بجد في هلبا عائلات متفرقين كل واحد متعارك مع التاني وعداوة هو وخوه وقاطعين بعض وخاصة والديه في قصص كاثرة هلبا في ليبيا اولاد ملوحين امهاتهم في دار العجزة او مسافرين ومخليينهم بروحهم او متعاركين معاهم ومهاجرينهم وووووالخ هكي يعتبرو عاقين والدينهم ........وشن الفايدة لو مش لاقي حب والدينك وحب خوتك عزوتك ..و قاعد ادور عن حب الناس .🤷‍♀️
معاذ 🤗 : كلامك صح في صح وكلامي يبني عل كلامك هذا الشئ يلي بنقولة ،وتانيا زيدي عليهم لما يكون عندك خوه عزوتك زي عبدوا ،ينصحك ويغيرلك حياتك ،بجد انا كلكم واخدين عليا فكرة اني متكبر مغرور ،ولهذا متباعدين عليا ،وانا كنت مش معدل كان لاسابي الخاصة، لكن لما وعّاني عبد الرحمن حسيت روحي كنت تافه كنت متباعد عليكم لدرجة كبيرة كبيرة ما نعرف عليكم شئ ،لكن توا لما قررت نتغير فتحتلي الدنيا ابوابها حسيت بسعادة ،مع اني مزال متأقلمتش مع الوضع الجديد لكن ان شاء الله نتأقلم ....حلو لما يكون عندك حد يصحيك ويعلمك الخطأ والصح ،ربي يخليك لينا عبدو ☺️
محمد 😲 : لحظة لحظة اني غبت عليكم اسبوعين او اكثر معقولة انت معاذ لا منصدقش من مبكري نبي نفهم حاجة حسيت كلكم تغيرتوا وخاصة انت معاذ وعبدو من بداية الحجر حسيت فيه تغير لكن قلت بالك نتوهم وقصدك اللي غيرك هو عبدو يا سبحان الله، اني اللي مفروض ناخد نصيحتكم لاني متباعد عليكم بشكل حتي اخباركم منعرفهمش 🤦‍♂️
الكل 😁😁😂
أسامة : انت ديما أخر الناس تعلم ما تندري الدنيا وين زارقة معقولة هكي الزواج يدير ،منيش متزوج اني
مهند : حد قالك تزوج هو ،طبعا اني بعد العيد نبي نتزوج
علي شرق باالشاهي يلي يشرب فيه :شنوووو تزوج مهبول انت ،انت ولا حاجة مدايرها في حياتك كلها تفاهة في تفاهة شوف خوتك كيف تغيرو وكونوا رواحهم مش زيك ،وتبي تتزوج يا خوفي تاني يوم الزواج مطلقها عادي نتوقعها منك ،😣🤦‍♂️
مهند 😳 : كليتني من قشوري شن قلت اني ..خيركم تشبحو فيا كاني ولا شئ راهو درت اكبر انجاز حاجات متقدروش اديروها ،متلا عديت كم حبة في شكارة المكرونة كل ما تتعبي الثلاجة نكملها حطمت رقم القياسي في تشبيك البنات ..نرقد للعصر طول الوقت عل التليفون نضحك فيكم واكبر حاجة تعلمتها في الحجر ان التفاهة هي افضل صفة في الحياة لازم تتواجد فيك باش تتخطي كل شئ .. ووووالخ هاذم شني امالا فايدة ولا لا
الكل 🤦‍♂️🤦‍♂️
محمد 😒😓 : بالله عليك اسكت قالك تفاهة ما تفاهة