أثناء م انا بفكر في الماضي الأليم د انتبهتا لنفسي بصوت امي،،قالت لي معقولة ي ناهد م شايفه ؟؟شوفي انتي جرحتي يدك كيف؟،،وكانت ماسكه يدي وخايفه علي،،فكيتها منها ومشيت عملتا لي يدي ملح،،وانا اتجرحتا أثناء م بقطع ف السلطه،،بس الجرحه عميقه،،م ركزتا كتير وكبيت ملح وليمون،،امي بقت تعاين لي بصدمه ،،،ي بت جنيتي؟؟،،الشي د بحرقك💔💔💔،،سكتا وم رديت ليها ولفيت يدي بشاش ومسكتا السكين وبقيت بقطع ف السلطه،،امي قالت لي ي بت انا بتكلم معاك،،قلتا ليها اها ي امي،،قالت لي اها شنو؟؟،،لي عملتي ليها ملح قدر د وليمون كتير كدا؟،،قلتا ليها قصدك عشان م تحرقني ولا عشان كملتا ليك الليمون؟؟،،قالت لي الليمون د بعملوهو حبه م قدر د،،غالي هو قاعده تشتريهو انتي؟؟،،قلتا ليها ايواا كان كدا معليش،،قالت لي شنو هو المعليش؟؟،،شلتا الصحن وقلتا ليها الصينيه وين عشان اختو؟،،عاينت لي من فوق لي تحت وقالت لي برا،،مشيت شلتا السلطه وختيتا برا..
وبقيت برص معاها ف الاكل..بعد خلصنا قالت لي امشي نادي ابوك واخوك د،،مشيت ناديت اخوي وقلتا ليهو نادي معاك ابوي،،فعلا جو وانا قلتا ليهم م عايزه اكل..
ومشيت غرفتي ..
ماف واحد فيهم قال اشوفها مالا ولا لي م اكلت🙂،،دخلتا غرفتي وبقيت قاعده وبعاين للشباك الفي غرفتي..
...
بتذكر لمن رحلنا من البيت وقعدنا مع حبوبتي ام ابوي..ف يوم حبوبتي لبست توبا وكانت شايلة ليها كيس كدا وقالت طالعه وجايه،،ف قبل اليوم د هي اتشاكلت مع امي ..كانت عايزة تعمل الغداء وحبوبتي قالت ليها م تخلطي الملاح بخلاطتي لانو بتكسريها لي،،وحتى كمان كانت بتقفل مننا المطبخ وحتى موية م بنشربا بس من الماسورة 🙂💔💔،،حتى انا كنت صغيره كمان وبحتاج اني اشرب لبن او زبادي وكدا،،امي بتشتريهو لي وتختو ف التلاجه..وبتجي حبوبتي وتقفل المطبخ وتعمل ليها اعذار نظام ح يجي حرامي ويسرق الانبوبه وبتاع🙂،،اها حبوبتي طلعت وم عارفنها مشت وين وجات المغرب كتطدا وقعدت زي الم حصل شي،،وابوي كان شغال وجات قبل مواعيد الرجعه حقتو عشان م يسألها ويقول ليها مشيتي وين
مرت الايام وانا كبرتا شوية ،،كانت بتجي عمتي وترمي لي الكلام حااار وانا بس بسكت،،وبتعمل لي امي حركات ،،وهي وحبوبتي م مقصرين في امي ،،شغالين مطااعنات من كل الجهات،،في اقل شي هم بترفزو وبسيئو لي امي ،،لحد م مرت الايام و امي نزلت شغل جديد ،،بس تاني يوم جات ورقدت ف السرير وقالت لي ابوي رجلي د م حاسه بيها،،قال ليها كدي تعالي النشوفا ليك،،بس امي قامت من السرير وجات واقعه في تربيزة،،وكسرت رجلها ..بقت قاعده شهرين بدون شغل وشغل ابوي براهو م مكفينا💔،،بقيت قاعده وامارض فيها حتى المدرسه خليتها(كنت في تانيه ثانوي)،،ورجلها كل يوم ماشى للاسوا،،لحد م مشينا لي شيخ وقرا ليها وطلع د.سحر💔وراهو ليها ومشت جابتو وحرقو،،وامي أصبحت كويسه،،والسحر عملتو عمتي(عندي عمتين،،ابتهال..سهير،،والاتنين بتاعين سحر وشعوذه)،،وامي قالت لي ابوي امشي اتصرف واتدين عديل انا م قاعده هنا،،عايز تقعدني معاهم لمن يقتلوني؟؟،،فعلا ابوي بدأ يفتش ف بيت ويلم قروشو،،ولحد م انا نزلتا تانيه تاني وطبعا المقرر مألوف بالنسبه لي ف كنت دائما الاولى،،ودخلتا تالت وامي كانت عايزاني امشي طب وانا رغبتي هندسه💔،،بش مشيت احياء برغبتها،،وامتحنتا وكان بتذكر انو ف الايام الاخيره شديت حيلي شديد وبقيت حافظه المقرر كلو،،ونسبه لي اني في تانيه كنت اولى الدفعه وفي تالت برضو كنت الاولى،،ف عمتي سهير عملت لي عمل وخلتني م اركز وانسى اي شي،،بس عشان م انجح ف امتحان الشهاده وبتها تفوتني(عندها بت وولد ،،البت اسمها يسرا والولد عثمان)،، طبعا سقطتا ف امتحان الشهاده 💔💔💔وبما انو امي وابوي عارفين عماتي بتاعين شيوخ ف ودوني لي شيخ،،وبقيت كويسه،،لكن المحيرني انو لي امي وابوي ساكتين ليهم؟؟؟كان ممكن ابوي ييحسمهم مدام هو أكبر واحد لكن أنا مستغربه انو لي م عمل كدا؟؟
اها بعد الحصل د امي قالت لي ابوي انا م بقعد ف البيت د ولا يوم وسريع ارح أجر،،فعلا ابوي اجر لينا بيت وقعدنا فيهو،،وامي نزلت شغل عادي،،وانا نزلتا سنه تالت من الاول،،وامتحنتا وتاني عملو فيني عمل اني م انجح بس المره د انا بقيت بقرا قران كتيير ومتصبره بالصلاة بس،،لحد.م امتحنتا وجبتا 66%وم كانت بتدخلني طب💔💔ف حولوني مجال ادبي و دخلوني it،،وكل البيت زعل مني،،رغم انوو هم عارفين انو د العمل السوتو لي عمتي،،وكان ممكن اسقط زي المره الفاتت بس الله ستر،،بتذكر قاطعوني شهر إلا حيدر اخوي ،،الايام الاولى بس م كان بتكلم معاي لكن تاني رجع لي عادي ومشى سجل لي في الجامعه it،،بدون م يشاورني💔💔💔بس سكتا وقبلتا بالواقع ونزلتا الجامعه وناس امي وابوي صالحوني..
سنه اولى عدت عادي ،،بس الجامعه كلها بتتكلم فيني،،انو انا البت المتوحده وانا البت المفتريه وبتاع،،وشوية شوية بقو يقولو انا مجرمه وكلام كتييير وبالجد بجرح💔💔،،بس انا كنت ساكته ساييي ولحد م اتخرجتا من الجامعه،،وبقيت مؤجزه وبفتش ف شغل،،بس م لقيت كلوكلو..💔💔،،
ومره امي د فجاءه مرضت وشكلها اتغير 360،،م خلينا دكتور م وديناهو ليها وقالو م عندها شي،،واخوي سافر برا واغترب واشتغل،،وامي لسه عيانه وضعفت شدييد ،،لحد م مشينا لي شيخ وطلع عمل💔،عرفتوهم منو صح؟؟،اتخيلو بس خاتين العمل مع ضب💔الشيخ قال لينا لو الضب د.مات امكم كانت ماتت بس الله ستر💔💔💔،،ياه انا في اليوم داك رجعتا البيت و بقيت ابكي ابكي بكى م طبيعي💔💔،،يعني لي هم بعملو كدا؟!عايزين يثبتو شنو؟،،او احنا عملنا ليهم شنو؟💔💔💔بالجد انا متأزمه من الحياة د شديد💔
امي بقت كويسه ومرت الايام ولقيت شغل،،ومشيت قدمتا في شركه سمممحه💓،،وصاحبتا المدير شديد،،بس بعد اسبوع من شغلي وقعدتا وكسرتا رجلي💔،،تاني كتبوني💔،،بقيت قاعده ف البيت اربعه شهور لانو الكسر كان عملو لي فيه عملية عديل من شده م هو خطير،،وكمان جاتني ازمه وجيوب انفيه💔💔💔لا بأكل ولا بشرب💔💔💔
(المشكلة انو ابوي بكلم عماتي اني اشتغلتا💔وبتجي منو عفوا م بكون قاصد،،ف هم بكتبوني طوالي) ،،بعد م بقيت كويسه مشيت الشغل تاني ،،وبعد يومين ابوي فجاءه بقى م بتكلم معاي ومن يجي داخل يقع فيني ضرب💔💔💔جانا الشيخ ف البيت وقرا ليهو وطلع سحر برضو انو بس يكون مضاديني ويدقني وم يتكلم معاي💔،،والحاجه د م اتكررت مره واحده..لا اتكررت مرهه ومرتين وتلاته،،بقيت متعوده انو ف اي لحظه ممكن يجي داخل ويدقني ويخاصمني ويكونو كتبوهو تاني 💔
،،لحد م مرت الايام واخويا حيدر بقى يرسل لينا قروش كويسه وصلحنا البيت واشترينا هدوم وحاجات كتيره،،وجاب لي تلفون،،ومرت السنين وانا بقيت قاعده ف البيت عشان لو طلعتا اشتغل بكتبوني تاني..وخايفه ابوي يكلمهم بدون قصد أو هم يعرفو من زول غريب،،وم استبعد فكره أنهم بتعاملو مع الشياطين حتى يعرفوا اني شغاله ولالا💔،،بس حاسديني شديد وم عاررفه ع شنو🙂💔
مرت الايام واتعرفتا ع واحد وبقينا أصحاب شديد لحد م في يوم ..
#رجعتا لواقعي بصوت امي وهي بتناديني..
مشيت ليها وقالت لي لمي الصينيه د،،إلا اكورك ليك واسمع الجيران حسي،؟،،م إلا أناديك م تجي براك .
م اشتغلتا بكلاما ولميت الصينيه وغسلتا العده وشربتا موية ومشيت غرفتي..💔
#اقتباسهه..
"سيِشتٍآقون آلّيِگٍ ، عندمٌآ يِفُشلّون فُيِ آيِجُآد شخصِ مٌثَلّگٍ ..💔"
#نتلاقى..
