عماتي بقو فاتحين خشمهم د سبعه أمتار من الخلعه،،وامي وحيدر ديل من الصدمه م برمشو،،،كيف م يتصدمو؟؟،،كيف م يتصدمو وانا عودتهم اني اكون المسكينه الهادئه الدايما مظلومه،،كيف م يتصدمو وانا عودتهم على انو يختوني أمام الامر الواقع ف اي شي،،كيف م يتصدمو وانا م برد ليهم الاساءه بالاساءه؟،،كيف م يتصدمو وهم اول مره يشوفوني بتكلم كدا،،،سكتا وبلعتا كتيير وبطني دي شبعت وجع،،،م بقدر استحمل واسكت اكتر من كدا،،،كل مره بقول بتتصلح بتتصلح وهم بعقلو،،بس الظاهر كدا هم م عايزين يوقفو البعملو فيهو د،،،ف انا بعرف اتصرف واوقفو ليهم
عماتي وقفو على حيلهم وطوالي طلعو وعيونهم د قربت تطلع من حتتها من الخلعه الدخلت فيهم،،،إتعودو على اني دايما ساكته وهادئه ومسكينه،،،بس تاني وييييين!!!
غايتو بعد اتفشيت فيهم كدا ارتحتا ،،،قلتا وقت الردح بريح الزول كدا احسن تاني م اسكت والعايزه اقولو بقولو،،،اصلا والله الناس د الحسنه م بتنفع معااها،،،تكون مسالم وكويس وطيب يستغلوك ويقولو عليك عوير وجاهل وم عارف شي،،،ف حين اني بكون عارفه اي شي بس م بحب اتكلم،،لكن تاني والله م اسكت نهائي واصبروا وبتشوفو
"نتفق انو المواقق هي البتغير الزول،،،سواء للاسوا ولا للأفضل"💜
بعد طلعو امي قالت لي ارقدي ارتاحي،،،وحيدر وقف على حيلو وقام أداني كف،،قال لي بأي حق تتكلمي مع عماتك بالطريقه د؟؟،،حتى ولو هم غلطانين هم أكبر منك ولازم تحترميهم،،،اتخيلو بس!!!،،،قلتا ليهو بغض النظر عن الكف!،،احترمهم.؟؟،،انت شايف اني مفروض احترمهم؟؟،،والله ياخ م مشكلتي اذا انت م مسؤل ولا م بتحس،،،ليك حق تجيني وتقول لي احترميهم لأنك م عارف اي شي،،،وتعرف كيف زاتو وانت أربعة وعشرين ساعة مع اصحابك وكل دقيقتين عايز قهوه وعايز شاي وعايز فطور وعايز غداء وعايز وعايز؟؟،،،تعرف كيف وانت بتطلع الصباح وبتجي وقت النوم بس،،،تعرف كيف وانت م قاعد تقعد مع ابوك وتتكلم معاهو وتفهم الحاصل شنو،،،تعرف كيف وريني؟؟؟،،،وثم ثانيا انا م بتكلم ساي ولا بجيب شي م راسي ،،،اذا انت شايف انو م عملو ليك شي انا عملو لي وكتييير كمان،،وامك د برضو عملو ليها كتير لمن فترت،،،وياهو ابوك عملو ليهو لمن كتلو🙂،،،احترمهم انت وامشي ألحقهم ياهم برا وبوس رجلهم وقدرهم وارقد ليهم عدييل ،،،اما انا م عندك بي شغلة ولا بحترمهم🙂،،،يلا انت زاتك اطلع برا م ناقصه وجع راس انا،،،حيدر كان عايز يديني كف تاني بس امي مسكتو وطلعتو برا بالجلالة،،امي جاتني قالت لي مبالغه يختي مبالغه منك،،،كدي ارقدي ارتاحي انا طالعه،،،قلتا ليها اي احسن تعالو بعدين ،،،عاينت لي ومشت طلعت..
احيييي انا لو من زمان بدي الناس ف رأسها م كان ف زول حقِر بي ولاظلمني،،،كان عملو لي ألف حساب واسمي د تحتو خط أحمر،،لو كنت من زمان بعمل كدا م كان هسى انا وصلتا للحاله د،،بس الحمدلله ..
