بعد أنجم سافرت مسخت علينا البيت شديد،،واي شي نعملو نتذكرا،،كانت ماليه لينا البيت بهجه وضحكه،،،ف يوم وانا قاعده ف غرفتي جاني خالد،،قال لي ارح نلعب كوتشينا،،قلتا ليهو عندك ؟،،قال لي اي جبتها اسي،،قلتا ليهو ارح طوالي،،فعلا مشا جابا وجا وبقينا نلعب في الصاله ،،بعد شوية انضمت لينا امي ،،واحمد قال م عايز وبقى شغال بي تلفونو وكان زهجان كدا،،بقينا نلعب احنا التلاته،،لحد م فترنا😂،،امي قالت لي ارح يختي نسوي لينا شاي تعبتا انا،،قلتا ليها بسويهو انا انتي اقعدي،،وفعلا مشيت سويتو،،احمد جا داخل المطبخ ومتوقعاهو يشاغلني زي كل مره،،لكن م قال اي شي بس شرب موية وطلع،،سويت الشاي ووديتو ليهم وكبيت ليهم،،سألتا احمد وقلتا ليهو اكب ليك كم معلقه؟،،قال لي لالا م عايز،،امي قالت ليهو غريبه مالك م عايز،،قال ليها بطني ملانه بس،،خالد قال ليهو الأمور ماشى كيف ف الشركه؟،،قال ليهو كويسه كويسه ،،وقام على حيلو وقال لينا انا تعبان ماشي انوم وطوالي مشى،،ناس امي وخالد اتعاملو مع الموضوع عادي بس انا اكل معاي جنبه وانو احمد د م كويس ،،بعد شربنا الشاي لميت العدة وغسلتها،،قلتا لي امي انتي رومانه وين((الشغاله))،،قالت لي قالت اختها عيانه مشت ليها بتجي بعد بكرا،،قلتا ليها ايوا،،مشيت قعدتا جنبها هي وخالد وقلتا ليهم اها عرس بكري د متين؟،،قالت لي احيييي اسكتي جبتي لي وجع الضهر تاني😂،،قلتا ليها بالجد شغلة متعبه شديد،،قالت لي ارحكي بكره نمشي ناس ابتسام ونشوف بكري عايز شنو ونجهز معاهم ،،قلتا ليها طيب..
خالد قال لينا من هسي بكره م بقدر اوديكم شوفو احمد😂،،امي قالت ليهو انت من متين قاعد تودينا حته😒،،اصلا ح نكلم احمد..
تاني يوم الصباح جهزنا انا وامي ،،بعدها قالت لي امشي صحي احمد د خليهو يلبس يودينا،،قلتا ليها طيب،،مشيت غرفتو وكانت بااااارده والانوار مطفية ،،جو يخليك تنوم بعمق😂،،مشيت ناحيه احمد،،م كان لابس فنيلة،،نايم كدا ف البرد د كيف،،ختيت يدي ف يدو عشان اصحيهو،،بس لقيت ليك.يدووو د.ناااااار💔،،هبشتا راسو من شدة م هو سخن لمن زحيت يدي،،كوركتا لي امي بخوف وخلع،،جات جاريه قالت لي مالك ف شنو؟؟،،قلتا ليها اهبشي راسو،،امي هبشت راسو ولقتو مولع،،،وبببببعلي د شنوو ي ولدي،،لاحولا ولا قوة الا بالله العلي العظيم،،،امشي ي تنسيم نادي خالد مسافه ألبسو،،فعلا مشيت صحيت خالد وهو زاتو قام مخلوع ،،،قام اتسوك سريع سريع ولبس ليهو ترنسود كحلي وتشيرت كحلي ولبس شبشب البيت وشأل مفتاح العربيه وفتحها وجا داخل لينا عشان يشيل أحمد.لانو م كان بقدر يمشي،،انا بالجد اتخلعتا شديد لدرجه اني بقيت ببكي،،خالد.هرشني وقال لي اسكتي م تبكي،،خالد شال أحمد بعد تعب لانو كان تقيل وأحمد دايخ،،قمتا شلتو معاهو لحد م دخلناهو العربية وركبنا سريع سريع وعلى اقرب مستشفى..
#في جانب تاني..
_بالغتي والله م للدرجه د ي نوران
*كيف يعني م للدرجه د؟؟،،اكتر من كدا عايزاهو يعمل شنو يعني؟
