بقيت زعلانه جدجد وكيف احمد يعرس ويمشي يخليني،،تاني م ح يكون معانا طوالي ف البيت،،ح يجينا زيارات بس💔،،قربتا ابكي لحظتها،،بس مسكتا دموعي ودخلتا جوه المطبخ وبقيت ببكي،،يمكن تكون د.غيره بس لاني اتعودتا ع وجود احمد د شديد وانا بحبو والله م عايزاهو يمشي مني💔،،يعني بس احمد فضل ليهو اسبوعين بس ويمشي مني؟؟!،،زعلتا وقعدتا ابكي ف المطبخ،،بعد خلصتا وعيوني ورمت،،غسلتا وشي وقلتا احسن امشي غرفتي،،بس فجاءه ظهر لي مهاب،،قلتا ليهو بسم الله ناطي زي الشيطان كدا مالك،،قام عاين لي وقال لي مالك بتبكي؟،،قلتا ليهو ماف شي😂،،قال لي تسنيم الله كم؟،،قلتا ليهو ياخ ببكي بس عشان احمد ح يعرس ويمشي مني💔،،،قال لي د سنه الحياة ،،((ودييييههه سنه الحياااااااة😂))
عارفها بالنسبه ليك حار بس كمان هو م ح يطير منك،،وف اي وقت انتي إشتقتي ليهو ممكن تضربي ليهو،،او تمشي ليهو ف البيت،،وبعدين مرتو ياها بت خالتك م فيها شي،،قلتا ليهو صح بس ياخ تاني البيت ح يكون مسيخ ،،وانا متعوده انو كل م اصحى ألاقيهو ويشاغلني ويجرني من شعري💔،،بقيت ببكي تاني،،مهاب م عرف يقول لي شنو ،،،خلاني ابكي مسااافه وبعدها قال لي خلصتي؟،قلتا ليهو اي،،قال لي امشي غسلي وشك،،مشيت غسلتا وشي وعملتا ميك اب عشان م يظهر اني ببكي،،وطلعتا ليهم برا واتعاملتا مع الموضوع عادي..
اليوم مر عادي والناس مشت بيوتها،،واحنا بقينا نجهز لعرس احمد،،ومشيت قعدتا مع نوران كم يوم وانا وربا ونور وميناب بنمشي السوق نشتري ليها حاجاتها،،وغايتو بالجابس كدا خلصنا،،وخالاتي كل يوم وحده فيهم تمشي لي امي اشراقه ويشتغلو معاها،، خلصو الخبيز،،وأنجم قالت بتجي العرس💜ود أكتر شي فرحني،،نوران نزلت دخان طوالي عشان الزمن ضيق،،وغايتو بعد تلتله وتعب خلصنا اي شي،،وكان الليلة حنة احمد وامبارح كانت حنة نوران،،حنه احمد اللي هي الليلة كنت لابسه فستات كحلييي غاااامق ولبستا معاهو اكسسوارت رمادية وشبط رمادي💜،،والحنه كانت بفنانه هجاجه شديد،،وشفتا احمد عريس وبحننو فيهو،،والله بس قعدتا جمبو،،وقعدتا ابكي،،بقى بس حاضني لانو عارفني ببكي ليه،،قال لي تسنيم انا زاتي والله الحكايه واجعاني م تبكي💔،،ف اي لحظه انا ح اكون معاكم ،،،قلتا ليهو برضو م زي اسي،،ح تنشغل بالبيت وح يكون عندك اولاد ومسؤليه💔،،قال لي برضو د.م بشغلني عنكم ابدا،،بس بقيت ببكي لمن عيوني اتورمت،،خالد قال لي د شنو د؟؟،،يعني انا حالتي كنت جاي اقول ليكم عرسي بعد احمد تجي تعملي د كلو؟،،يعني م اعرس؟،،قلتا ليهو انت برضو ماشي؟،،،زدتا ف البكى تاني،،احمد قال ليهو مالك انت ياخ ،،انت شايف د وقتو😂،،خالد قال ليهو احسن اكلمها اسي عشان م تتفاجأ..😂
بالجد حردتا الحنه كلوكلو،،ودخلتا غرفتي وقفلتا الباب ورقدتا ف السرير وتميت بكى..
لي تاني يوم انا بالحاله د،،وتاني يوم العرس،،ومفروض من الصباح نمشي مع نوران الكوفير بس انا ابيت امشي ،،مشيت كوفير براي،،وشلتا حاجاتي ومشيت،،وكلهم يضربو لي بقول ليهو ف كوفير واحد تاني م تجوني وكنت زهجانه شديد،،رسمو لي حنه ووعملتا جلسات لي وشي ،،ووقت العصر كدا بديت ألبس ،،لبستا فستان كان لونو أحمر انجليزي ،،،وطبعا انا اصلا م بحب اللون الأحمر بس د كان درجتو حلو شديد وجاي مع لوني،،،كسرتو بأكسسوار دهبي وقصيت شعري وعملتا ليهو استشوار وكويتي،،وعملو لي ميك اب بالدهبي فظييع والروج كبدي،،ومع الحنه كنت حلوه الصراحه😂💜💜💜،،لمن خلصتا المغرب اذن،،بقيت قاعده شوية كدا وقلتا بعد مسافه اطلب ترحال وامشي الصاله،،بس مهاب ضرب لي م رديت ليهو،،بقى يضرب كتييير لحد م رديت وقلتا ليهو عايز شنو؟،،قال لي بحده،،انتي بتقصدي شنو بتصرقاتك د؟،،م كلنا ف النهايه ح نعرس يعني ح نكون قاعدين كدا؟؟،،د سنه الحياة كدا،،ماف داعي تعملي الدراما د كلها،،اسي بت خالتك العروس م مشيتي ليها،،د تصرف صاح ؟،،احمد د طاير منك ولا ح يموت؟،،م ياهو قاعد معاك ف زفت البلد د ومتى م تكوني عايزاهو امشي ليهو ولا هو بجيك،،واسي م عايز اكتر معاك كلام لحد م الاقيك،،سريع قولي لي انتي مترزعه وين،،وريتو اسم الكوفير ووصفتا ليهو وقفلتا الخط،، كان هائج شديد وزعلان وزهجان ،،انا زاتي خفتا منو،،يمكن هم شايفنو شي عادي بس والله انا حارقني شديد💔،،،يعني انا م معترضه على زواجو،،بس يعني فراقو بالنسبه لي حار،،واكيد ح اتعود بس م بالساهل،،بعد نص ساعه مهاب جاني وكان صاري شديد،،قال لي ارح اركبي،،قمتا ركبتا واتحركنا،،قال لي عايني ي تسنيم،،انا عارف انو انتي بتحبي احمد قدر شنو وقدر شنو انتي خاته ليهو مكانه ف قلبك وم عايزاهو يبعد منك،،،وهو زاتو والله بحبك وخاتي ليك مكانه اكبر،،وم هاين عليهو يخليك كدا،،اسي من الصباح الولد.د.ناقي وقال إلا يفتشوك،،والعقد ابا يحضرو عديل لمن حنستو تحانيس وقلتا ليهو ي زول د.عقدك،،قال م ماشي،،،ف النهايه قلتا ليهو امشي بفتشا انا،،حتى بعد داك اقتنع ومشى حضر عقدو،،واسي هو ف الصاله من قبيل بدق لي لقيتها؟،،اها لسه؟،،يعني م ممكن ابدا،،،مفروض ع الأقل ف عرسو د.تخليهو مبسوط ماف داعي تعكري مزاجو كدا،،وانا متأكد انك ح تتعودي ع الحاجه د ،،بس عليك الله اسي م تعملي اي دراما وخليك عادية وامشي اعتزري ليهو،،قلتا ليهو طيب،،قال لي بعتزر لاني قبيل اتكلمتا معاك بإسلوب م حلو بس حقيقي كنت زهجان من تصرفاتك،،قلتا ليهو اوك..قال لي بالمناسبه انجم جات..قلتا ليهو بالجد؟،جات متين؟،،قال لي غايتو حصلت العقد كدا،،قلتا ليهو ايوا تمام
