سيف الشمس

البارت الاول

ماما: شمس بنيني گعدي عندچ امتحان
شمس: اممممم
ماما: لتضلين امممم كومي الامتحان راح يروح عليچ يله حبيبتي
شمس: اوك حبيبي كعدت صباح الخير يروحي
ماما: صباح النور حبيبتي يله كومي بدلي بين ماسويلچ ريوگ
شمس: اوك
هلو شلونكم راح اعرفكم ع نفسي طبعا اليوم چان عندي اخر امتحان اني وزاري ونمتحن برمضان بس ماصايمه لان مااگدر اقره إذا صمت المهم  اني اسمي شمس عمري 15 صف ثالث متوسط اسكن بالحله (بابل) ويه ماما وبابا عندي ثنين اخوان واخت وحده الله يخليهم الي اختي اسمه قمر عمره 13 واخواني عبدالله ومحمد محمد عمره 10 وعبودي عمره 8
ماما: شمس شمس انزلي تريگي
شمس: اوك
نزلت تريكت وطلعت انتظر الخط وبيدي كتابي اراجع واخيرا اجه صباح الخير عمو
ابو الخط:صباح الخير بنيتي
شمس: هلو عوبه شلونچ
غدير (صديقتي) : هله زينه انتي شلونچ بالماده
شمس: كلش زينه وصلنه للمدرسه وامتحنه
غدير: شلونچ بالامتحان
شمس:زينه وانتي
غدير:زينه
انتضرنه الخط يجي ورجعنه للبيت اول ما دخلت للبيت تلكتني ماما
ماما: بشري شلونج بالامتحان
شمس: كلش زينه حبي اكلچ ماما راح اصعد انام لتگعدوني تدرين ليعدني شسوي بي اموته
ماما: روحي حبيبتي نامي
شمس: 💤💤💤💤💤 (يعني نائمه)
كعدت نزلت سلمت على بابا
شمس: بابا حبيبي مشتاقتلك
بابا: هله بنيتي حبيبتي شلونچ بالامتحان
شمس: زينه حبيبي لتشيل هم
بابا: باچر تصومين مو
شمس: اي بابا
انتضرنه الفطور وفطرنا المهم ما اطول عليكم باچر اول يوم العيد
شمس: بابا باچر نروح لبيت جدي لو لبيت عمي
بابا: نروح لبيت جدچ
قمر: بابا ليش منروح لبيت عمي
بابا: لا اتفقنه اني وعمامچ نروح لبيت ابوي
قمر ،شمس :اوك احنه صاعدين لغرفتنه تصبحون ع خير وحضروا عيدياتكم
ماما ،بابا:ههههه وانتم من اهل الخير روحن نامن ولتسهرن وعيدياتكم موجوده
محمد: حايرات بس بالفلوس شچاچن
شمس،قمر:معليك تغار
المهم صعدنا حضرنا ملابسنا وشغلاتنا تعرفون شغلات البنات بعد
شمس: حخابر ايات (بت عمي)
قمر: روحي خابريه
شمس: الو حبي ايوته(اسم الدلع) شلونچ
ايوته: هلو تمام انتي شلونچ
شمس:زينه اكلچ باچر نروح لبيت جدي
ايوته:اي بابا هم گال ماراح تجونه
شمس: ولچ جدي مااحبه كلش ومرته هم مااحبه اوووف ومرت عمي احمد راح تضل تتنعوص وهي استغفر الله
ايوته: اووف اي والله
المهم حچينه وسديته منه
شمس: قمر كافي يله نام
قمر :اوك
💤💤💤
ماما :شمس قمر يله كومن ابوچن راح يجي من الصلاه
بعد المماطله گمنه ونمشي چنه سكرانين لان نمنه متأخر
شمس: كل عام وانتي بخير يعمري وان شاء الله حجيه
ماما: واني بالف خير يارب اشوفچ دكتوره
شمس: حبيبتي أن شاء الله
واجه بابا من الصلاه وعايدنا وتريگنه
بابا: يله كومو بدلو خلي نروح
الكل: اوك
صعدنه بدلنه ورحنه لبيت جدي
عايدنه جدي ومرت جدي 
واعمامي وعماتي والكل
طبعا حعرفكم عليهم
عندي ثلاث عمام وثلات عمات
عمي الچبير اسمه محمد (دكتور جامعي هندسه)وعنده اربعه ثنين ولد  ( علي عمره 9 سنوات) (حسام عمره 18) وبنات ثنين ( فاطمه عمره 20)(ايات ايوته عمره 16)
وعمي الثاني اسمه بهاء(مهندس) عنده ثلاثه (مجتبى عمره 13) ( نور عمره11)(مصطفى عمره سنه ونص اصغر واحد بالعائله)
وبابا(ظابط بالشرطه) وعنده عرفتكم علينه 👆👆
وعمي الصغير احمد(همات يداوم بالشرطه) وعنده اربعه ( سجاد عمره 11) ( حسين عمره 7) والتوأم مالته(نرجس عنره 7) ( زهراء عمره 10سنوات)
حسام: اي ست شمس شلونچ بالامتحانات اكيد الاولى
شمس:يمه من عيونك الهم صلي على محمد وال محمد زينه الحمد الله وان شاء الله الاولى انت شلونك بالامتحانات
حسام: احمم زوين
شمس: اها يعني شطلع شكد المعدل
حسان: شوف هاي شوفي عزيزتي طبعا انتي لتقيسين بالدرجات هذي مجرد رقم قيسي بالتعب
شمس: ههههه حقك (طبعا حسام الحشاش مال العائله)
ماما ونسوان عمامي: كومن نقلن المواعين للصاله يله
البنات :اوك
المهم اكلنه
عمي محمد : يابه اشو صاير كلش ضعفان وجهك شاحب
جدي: لابويه كلشي مابيه
بابا:بويه شنو كلشي مابيك من يخلص العيد ناخذك للطبيب
العمام: اي ناخده للطبيب حالته مو طبيعيه
جدي:أنه كلشي مابيه بس هايهيه اروح إذا تريدون
العمام وبابه : اي طبعا ناخذك
شمس : ورجعنه للبيت وطبه وطلعه مال العيد خلص العيد وقررو يأخذون جدي للطبيب ..... طبعا روحه الطبيب راح تغير حياتي تابعوا ...🌹🖤