سيف الشمس

البارت الحادي عشر

اني بالي صعب ميطبله ياهو الجان.💕
_________________________________
هلو شلونكم حبايبي
والله كلش مشتاقتلكم بس دراسه والله ما لحگت أن شاء الله اعوضكم من اگدر
*-------*--------*-------*-------*--------*
شمس: كعدت الصبح محد گاعد بدون ماابدل رحت غسلت وجهي ورحت اسوي چاي وريوگ سويت كباب وبيض الكباب ماما مسويته بس كليته وحطيت علي بيض لان مااعرف اسوي شغلات أكبر وطلعت جبن وقشطه وجهز الچاي واني دا احظر اجه سيف
سيف: صباح الورد
شمس: صباح الهيل
سيف: ههه شمعنى الهيل
شمس: مو الچاي مهيل وريحته طالعه طيب
سيف: هاا اي صح اشو بس انتي هنا
شمس: اي مو فطوم بعدهي ماگاعده راح اروح اكعده هي وحسوو وانت كعد جدو وعمو
سيف: اوك روحي كعديهم
شمس وسيف: كعدوهم ورجعو للمطبخ
الكل: صباح الخير
سيف وشمس: هلا صباح النور
ابو سيف: عاشت ايدكم كلش طيب الاكل
فاطمه: بابا هاي بس شمس سوته
شمس: بالعافيه عمو
ابو سيف: هاا والله عمي طيب
سيف: اي والله كلش طيب عاشت ايدچ
حسام: اي طيب والله طلعتي تعرفين تطبخين عاشت ايدچ
فاطمه: اي نادره بنت العم عاشت ايدچ
شمس: عليكم بالعافيه شكراً الكم
كملنه اكل وسيف خابر لطبيب حجز عنده لجدي
سيف: ب٣ نروح
ابو سيف: هاا الله كريم اي هم زين جبنه ويانه حسام حته يظل يم البنات
حسام: اي شفتوا فائدتي
سيف: ههه اي الحمد لله
شمس: لك حسام طلعت نتائجكم
حسام: سمعي شمس إذا طلعتي چذابه ازوعچ العافيه
شمس: ها بكيفك
حسام: هاا شمس چذبتي
شمس: اي انت مو هم هيچ سويت بيه هاا نسيت انت مو ماتهتم للدراسه مسوي نفسك
حسام: ولچ اجيتچ اوكفيلي
شمس: ركضت يم سيف سيف حباب لا تخلي يجيني
سيف: لا ابد فنه ليوصلچ
حسام: لك انطينياها اليوم اعلگچ بالبنگه
شمس: شبيك والله ما چذبت عليك باليل ينزلن النتائج مالتك 
حسام: والچذاب
شمس: الله يذبه بالنار هههه
حسام: اوك باليل يشمس إذا مانزلن اموتچ
شمس: لا شبيك والله باليل گالو
اني وفاطمه كمنه سوينه دجاج شوي لان شوي سهل وكعدنه نتغده ووره شويه كالوا راح يأخذون جدي للطبيب
سيف: بدلت وأخذنه اني وابوي جدي للطبيب وصلنه للعياده چان قبلنه واحد دخل وطلع واحنه ورا دخلنا للطبيب
الكل: السلام عليكم
الطبيب: وعليكم السلام
ابو سيف: سولف للطبيب والطبيب بده يسأل الجد والجد يجاوبه
سيف: دكتور يعني احنه ميصير نأخذه يتعالج بالخارج
الطبيب: اي بلي تگدرون تاخذونه إذا عدكم امكانيه
سيف: اي دكتور احنه الحمد لله حالتنه زينه
( طبعا سيف كلش غني لان معروف بتركيا جراح زين)
الطبيب: اي اخو للخارج وان شاء الله يصير زين
سيف: زين دكتور اني هم دكتور واعرف انو تركيا احسن مكان للعلاج من السرطان
الطبيب: اها نتشرف بيك دكتور اا
سيف: اسمي سيف الي الشرف طبعا
الطبيب: شوف دكتور أخذوا لتركيا واني أن شاء الله متأكد يتشافه
سيف: اها أن شاء الله
الطبيب: هاي الابر والحب أخذوا من الصيدليه تخفف الألم وشوي تمنع انتشاره
بين ماتاخذوا للخارج
سيف: مشكور دكتور تعبناك
الطبيب: لا شكر على واجب دكتور
سيف: طلعنه وخابرت حسام كتله ليسون عشا البنات راح اجيب من بره بس جدو خلي يسوله نزلت جبت عشا ورجعنه للشقه
شمس: اها اجيتوا الله يساعدكم شكالوا
سيف: هسه ابدل واجي نسولف
شمس: ها اوك
فاطمه: حضرت الاكل على الطاوله بالمطبخ واجو أكلوا وسالفوا على العلاج مال جدي بالخارج
شمس: ومنو يروح وشوكت
سيف: منو يروح ماادري بس شوكت هم ماادري راح نرجع للبيت عكب باچر ونشوف
شمس: اوك كملنه اكل وغسلنه المواعين سيف ننزل نجيب حبشكلات من السوبر ماركت
سيف: مابيه حيل روحي اني وحسام
شمس: حسام انروح انجيب اغلاض السهره
حسام: اوك يله لبسيلچ شي
شمس: مابي شي تراكي
حسام: خاب اسكتي اطلعچ بتراك
شمس: حسام والله مابي شي مستور بس البس شال
حسام: اوك ضلي اني انزل اجيبهن واجي
شمس: لا لا اوكف هاي راح البس فستان على السريع
حسام: الله نوب فستان بابا منو كلچ راح اروح للملهه
شمس: هههه 😹 لا ولك مال محجبات
حسام: هاا اوك روحي
شمس: لبست ونزلت ويا رحنه للسوبر ماركت هو بس ننزل من المصعد شوي ممر لو على الشارع لو على السوبر ماركت فجبنه اشكال وانواع وصعدنه بالمصعد طفت الكهرباء ( لا تكولون طوختيه مال الكهرباء بس هي كهرباء العراق هيچ وانتوا تدرون )
على فكره وره ماطلعنه من المصعد
شمس: حسام تلفونك اعلگ الضوه
حسام: ماجبته وياي انطيني ايدچ لا تخافين
شمس: شوي وسمعت حركه وراي عطت يمه يممه وحضنت حسام لان كلش كللللللش خفت
حسام: على كيفچ هاي اني يمچ ماكو شي
سيف: هاا اسف خوفتكم
حسام: لا خويه ماخفت بس هاي شوف كلش خايفه
سيف: ( ماادري مدري شحسيت واني اشوفه حاضنته بغيره مدري شنو ) سحبته منه شمس ماكو شي هذا اني لتخافين
شمس: وهي تلهث ه اه ا صدك تحچي سيف متت خوف
سيف: يله كافي امشي(مااعرف ليش عصبت ماانو حقه تخاف)
شمس:رحنه للشقه شوي واجت الكهرباء بس سيف مدري شبي بس ينافخ چنه ضايج
خلص الفلم والكل راح نام اني ما نمت بعدني مانعسانه ضليت اگلب بالمبايل وشوي واجه سيف هاا سيف مانمت
سيف: لا مانمت ( بعصبيه وهدوء)
شمس: اوك لعد شبيك ضايج
سيف: ما ضايج  ،هم بعصبيه،
شمس: لا سيف كول چنك ضايج وزعلان مني من اول ماصعدنه انت ضايج
سيف: هاا ليش حضنتي حسام
شمس: والله خفت اصلا من اخاف بعد مااشوف گدامي وانت تدري مرتين احضنك لان اخاف واي واحد كدامي الزمه احضنه ماادري
سيف: وإذا اكو احد غريب يمچ هم تحضني
شمس: هاا والله مااعرف مامتعرضه لهيچ موقف دائما من اخاف لو صديقاتي لو اهلي
سيف: ااهاا اوك
شمس: وانت ضايج من هاي الشغله
سيف: اممم ماادري
شمس: ههه هم متدري اسفه متنعاد
سيف: ههه اوك
شمس: سيف اخذني وياكم لتركيا حباب
سيف: اي مو رايح لباب المشهد واخذچ وياي
شمس: ههه لا بس اريد اتونس اشوف
سيف: ولچ اهلچ ميقبلون رايحه لدوله من دونهم
شمس: اي مو ماما كالت وين ميروح سيف عادي اروح وياك
سيف: ولج مو لاي مكان
شمس: اوك الله كريم
سيف: شمس
شمس: همم
سيف: لا هيچ
شمس: هههه اوك
رحنه نمنه تصبح على خير سيفوو
سيف: وانتي بالف خير شوشه
( طبعا حسام هم زين نسه سالفه النتائج لو متذكر چا هسه الله يرحمني ههههه)
""""""""""""""""""""""""""""""""
شمس: طبعا اتأخرت بالنومه لان نمت متأخر
فاطمه: حبيبي شموس اكعدي اتريكي كافي نوم
شمس: هممم كايمه ..... صباح الخير
الكل: صباح النور
شمس: كعدنه نتريگ كال حسام
حسام: اي شمس وين النتائج
شمس: ياا اني شعليه همه كالوا
حسام: امم ماكو داعي اعاقبچ عقاب البارحه يكفي
شمس: اي والله كلش كافي حتى إذا حاولت تسوي مقلب ماراح يخوفني مثل البارحه
حسام: اي الله وياي وخلاچ هيچ تخافين
شمس: ههه اي لان چذبت
عمي بهاء خابر وگلناله على الي گاله الطبيب
كال الله كريم تعالوا ونتناقش بالموضوع
_______*______*_____*______*____
١٠٤٨ كلمه لا تنسون⭐
بااااي 👋