سيف الشمس

البارت العشرون

لاتحرق نفسك لأجل أحد، فالشمس حرقت نفسها. لأجلنا ومازلنا نحب القمر

______"'_______"'_______"'_______"'

شمس: راسلت سيف وما رد نمت لان كولش نعست ثاني يوم گعدت تريگنه ونظفنه صار الغده تغدينه و خابرناهم گاعدين بفندق وراح سيف يأجر ڤله لمده 6 اشهر
( حبايبي راح اختصر لان ماصار اي أحداث بگعدتهم يم بيت عمهم فقط اكل وسهر ونوم
واكيد.تحچي ويه سيف قبل لا تنام فا اختصر احسن )
شمس: صار عشر ايام يم بيت عمو  فديوم گاعدين العصر وخابرناهم كال سيف
سيف: بعد يومين واجي و وراها بيومين نرجع لتركيا
شمس: يعني بعد اربع ايام
سيف: بلي اربع ايام
شمس: كملنه حچي وياهم وسدينا وره يومين اجه سيف راد حسام يروحله هو وعمو ابو سجاد ماقبل وگال لا اني اجي ماكو داعي فسوينه غده ومنتظري يجي
ماما خابرته
ام شمس: الو هلو سيف📞
سيف: هله ماما 📞
ام شمس: شوكت توصل حبيبي 📞
سيف: نص ساعه و اوصل 📞
ام شمس: توصل بسلامه📞
سيف: الله يسلمچ امي 📞
ام شمس: يلا حبيبي مع السلامه📞
سيف: الله وياچ 📞
شمس: شويه و وصل اجه دخل سلمنه عليه وماما تبوس بي وإخواته و حسام سلم علينه وهم باسني براسي ادري امك اني استغفرك ربي راح سبح وبدل واجه تغده ويانه ونام والعصر الكل گعد بيت عمو ابو سجاد وأبو مجتبى اجو اني رحت اكعده جذب ردت اسلم عليه وا واحچي ويا
شمس: سيف اكعد كافي نوم
سيف: هممممم نعسان
شمس: اهووو سيف اكعد ترا مابيه حيلك
سيف:اوووف كعدت ها شتريدين
شمس: لا بله والله مو صوچك صوچي اني الي اجيتك وردت اشوفك اوح احسلي وها نسيت ترا عمامك جوه
سيف: اي لعد همه بس عمامي مو عمامچ ولج جايه تشوفيني و تتحارشين بيه
شمس: لا اتحارش ولا ابد اصلا رايحه گمت اريد اروح سحبني وحضني طبعا هو كاعد على الجربايه واني يمه كاعده گال ولچ مشتاقلچ بگد رحمت الله
شمس: ااوي سيف دا اتأذيني انت مو تحچي عليه شلون مشتاقلي
سيف: هههه اشاقه وياچ ولچ ما مشتاقتلي
شمس: ههههه كولش اشتاقيتك ولبابا هم
سيف: عوفچ من بابا شسويتي ماسويتي
شمس:ههههه اووي دهدني واحاچيك كلشي ماسويت بس اكل ونوم
سيف: مابيج فائده يله وخري خلي اكوم
شمس: ياا صرت اني الي لازمتك
سيف: اي انتي مو انتي الي اجيتي على غرفتي
شمس: اها اوك انزل جوا عمامي
سيف: صار يله
شمس:غسل وبدل ونزل جوا سلموا عليه وسوينه عشاء تعشينه وعمي ابو سجاد كال
ابو سجاد: سيف شوكت تاخذلي اجازه
سيف: باچر عمي نروح
ابو سجاد: اي هايهيه باچر
ام سجاد: اكول هو هم اكو ونسه لو بس نروح من هناك نكعد ببيت
ابو سجاد: احنا مارايحين نتونس احنا رايحين نعالچ ابونه وعلمود نفسيته كولها راح تروح
ام سجاد: يعني بس كعده بالبيت لا عيني لعد نضل اني وجهالي يم اهلي هناك مااعرف اكعد وجهالي صغار تصير هوسه مااروح
ابو مجتبى: شوفي خيتي احنا غايتنه نعالج ابوي وراح نروح نغير نفسيته ومااعتقد اكو ونسه فا انتي إذا تردين ونسه ماكو خاف هناك تكولين طلعونه شي لا ترا احنا نحير بأابونه بالطلعات وبقت بكيفج
ابو سجاد: ها تروحون تضلين
ام سجاد: لا جهالي زغار مو مال سفر وراح نجي المدارس بعد 3 اشهر لا منروح
ابو سجاد: اني اروح لعد ضلي يم اهلچ
ام سجاد: وهو كذلك
ابو مجتبى: ام مجتبى ترا سمعتي ماكو ونسه
ام مجتبى: لا عيني عادي نروح هو علمود علاج عمي
ابو مجتبى: ماشي باچر نفيز
سيف: اي عمي أن شاء الله
ام شمس: سيوفي شوكت لعد تاخذنه نكمل غراضنه بالبيت
سيف: عكب باچر تلحگون بنص نهار تكملون
ام شمس: اي اكيد
سيف: اوك يمه عكب باچر اخذكم
ام شمس: أن شاء الله
شمس: كولها راحت صار الليل سهرنه ونمنه ب3 گعدنه ب 2 الظهر تغدينه بس سيف كاعد من الصبح رايح هو وعمو ماخذين اجازه و مفيزين وراح يحجزون باجر وكولها شربوا چاي
سيف: راح انام نعست كاعد من 6 الصبح
ام شمس: نوم الهنا حبيبي
ام حسام: روح ابني نوم العوافي
شمس: ابتسمتله وهو هم وراح نام احنا ضلينه كاعدين على نت وسوالف وماما ومرت عمي نامن والجهال هم ناموا صار العصر گعدوا سوو چاي وكعك وبسكت واكلنه
شمس: سيف
سيف: هاا
شمس: انت حباب وحلو واحسن دكتور يله بنات وياي
ايو: واحسن اخ بالدنيا
قمر: طبعا غير هذا ابو السيوف
ايات: انت قدوتي الجميل
حسام: اسمع الطلبات لواگه
سيف: ههههه ادري بيهن گمت اعرفهن من يردن شغله
شمس: طلعنه ضايجين
حسام: مو راح نسافر على شنو ضايجين
فاطمه: انت انچب حسام
شمس: الاملح هم يحچي دسكت
سيف: وين تردون تروحون
فاطمه: بكيفك حبيبي وين ماچان المهم طلعه
سيف: اوكفوا صديقي يخابر
سيف: الو
حسين: الو هلوو سيفو شلونك
سيف: والله وهلا حسون الحمد لله تمام انت شلونك
حسين: الحمد لله زين اكلك
سيف: گول
حسين: سيف احنا بالحله البارحه اجينه
سيف: حتى اني بالحله
حسين: مشتاقيلك لعد خلي نشاوف
سيف: اي وين نروح
شمس،فاطمه: اهوووو هم حسين لا سيف انت كلت راح طلعنه
حسين: ذني شمس وفاطمه مو
سيف: ههههه اي
حسين: افتح مكبر صوت خلي احاچيهن
ها ولچن شلونجن مشتاقين
شمس،فاطمه: هلووو حسين
حسين: اهوو وحده تحچي مو ثنيناچن  
شمس: اكلك من الاخير بعد اربع ايام مسافرين ونريد نطلع وانت ودكتور علي تردون تخربون طلعه
فاطمه: عفيه بالظبط
حسين: اممم اكلكم خلي نطلع وياكم لعد
فاطمه: اهو حسين الازرگ هم راح يجي
حسين: وياي علي الاشكر هههههه
الكل: هههههه
حسين: بسم الله الرحمن الرحيم اكلك هواي ناس يمك وبنات
حسام: اي حسون مليان بنات مليان
سيف: دنجب اي ولك ذني خواتي وبنات عمي
حسين: يعني غير الي نعرفهم بغداد
سيف: اي اخت شمس واختي الثانيه
حسين: هاا كلت عندك بعد ولد عم
سيف: اي هواي بس ذولاك زعاطيط
حسين: ههههه لا أذكر مرا واحد خابركم گلتوا ابن عمنه
سيف: اها مجتبى عمره15 يم اهله
حسين: يله جيبوا وتعالوا نروح
سيف: يلا اتفقوا وين نروح
ايات: انروح للآثار والمنتجع
شمس: اي ولچ ايو عاشت ايدج
حسين: هذا صوت جديد ههههه
سيف: اي هاي اختي ايات
حسين: هاا ديلا هسه نروح مثل ماكالت
الكل: اي
شمس: اوكفوا بس ترا نروح للمطعم هم
حسين: اي طبعا لتخافين نروح للمطعم اني هم احب الاكل ههههه
سيف: ديلا خابر علي وكوله
حسين: اوك يلا مع السلامه
سيف: الله وياك ...... يلا بدلوا على السريع
شمس: البسوا كجول لا تلبسون قمصان رسمي
الكل: اوك يلا
شمس: كولنه لماما وخابرنه مجتبى راح يجي لبست بدي اسود وبنطرون كابوي ازرق لان الاسود يصير بي تراب ولبست حذاء رياضي وردي وشال وردي وجنطه وردي
سيف: لبست بدي اسود وبنطرون كابوي ثلجي وساعه ونظارات
فاطمه: هم اسود مثلي تقريبا بس شال وجنطه وحذا احمر
قمر: لبست بدي اصفر وبنطرون اسود وشال وحذا وجنطه سود
ايو: لبست بدي احمر وبنطرون ثلجي وشال وجنطه وحذاء اسود
حسام: لبس بدي مخطط ابيض واسود وبنطرون اسود
شمس: اجه مجتبى ورحنه لمكان نلتقي بي منتزه صغير نزلنه سلمنه
سيف: هذي ايات اختي صف خامس اعدادي وهاي قمر بت عمي اخت شمس صف ثاني متوسط وهذا ابن العم مجتبى صف ثالث متوسط 
حسين،علي: اشرفنه بيكم وعاشت الاسامي
الكل: شكرا النه الشرف
شمس: ها نروح نضل هنا
حسين:ههههه امشي نروح للمطعم
شمس: حسين دنيا العصر يا مطعم هههه
علي: سفيه حسين صاير لا امشي نروح
شمس: علي مو مرا كلت عندك اخت
علي: اي صح
شمس: اي شجاك ماجبته وياك نتعرف عليها لو عيب
علي: لا ليش عيب مو هاي سيف اجه وجابكم
شمس: اي حباب امشي نروح نجيبه
علي: خاف تتأخر
سيف: لا حبيبي نروح نجيبه
شمس: انت تعرفه سيف
سيف: اي طبعا اعرفه
شمس: اها لعد نروح يلا خابره علي خلي تجهز نفسه بين منوصل
علي: اي يلا اوك....الو رهف
رهف: هلو علاوي
علي: تردين طلعين
رهف:هههه مأكول لا طبعا
علي: زين ويه اصدقائي وخواته وبنات عمه ولد عمه
رهف: غير سيف و حسون
علي:اي وخوات سيف وبنات عمه ولد عمه
رهف: زين وين تروحون
علي: المنتجع وللاثار وللمطعم
رهف: اي اروح بس ابدل
علي: يلا حبيبتي مو تتأخرين
رهف: لا مااتأخر
علي: تروح متفوت طلعه ههههه
سيف:اي هو منو يفوت طلعه مو شمس
شمس:اهو شعليه اني
سيف:والله اكثر وحده تموت على الطلعه انتي حتى اذا لبو الأسواق تچلبين الا تروحين
شمس: ها سيف تريد تتعارك والله ولا اضوج كبل اروح ويه حسون وعلي
سيف: يلا صعدوا
حسام: اكلكم والله حاصريني اني ومجتبى بالصدر متنه
مجتبى: اي والله
علي: تعالوا ويانه ورهف تروح وياهم
سيف:حسستوني راح اصير ابو خط للبنات
حسين: هههههههه اي والله
حسام: يلا مجتبى خلي نطفر
مجتبى: ههههه يلا
شمس: راحوا صعدوا الشباب بسياره علي وسيف صعد ردت اصعد وره كالت فاطمه
فاطمه: شمس صعدي بالصدر 
شمس: انتي الأكبر صعدي
فاطمه: مااحب الصدر وايو هم متحبه صعدي انتي
سيف: يلا شوشه صعدي
شمس: ابتسمت اوك سيف رهف حلوه
سيف: هههه اي حلوه تشبه أخوه علي
شمس: اها
فاطمه: احم شدكول نخطبه الك إذا حلوه
ايات: اي وهيچ شگره مثل علي يعني حلوه
سيف: ماادري نشوف يجوز اخطبه من نرجع من تركيا
شمس: انت مو كلت بعدك صغير والا تلگه الي تشبك مدري مثلك
سيف: گوه حابس الضحكه چنه غارت،اي ماادري
قمر: لا صدوك سيف(ضاجت لان تعرف شمس معجبه بسيف)
سيف: هههههههه لا والله اشاقه احسه بارده وهيه مثل اختي والله نطلع وناكل متعودين لان همه حيل فري
شمس: حسيت رتاحيت
فاطمه: ياا حرامات يلا اكو وحده ببالي اخطبه الك
سيف:لا عيني اني اريد مثلي مثل شخصيتي
ايات:منين نجيب مثل شخصيتك متقلب بارد وعصبي ومزاجي وذكي هم
سيف: اكو معليچ
قمر: اي والله صدوك اكو مثل هل شخصيه استغفر الله مللتني من الدنيا
سيف: اي منو مثل شخصيتي الله ويدچ
قمر: محلوه متفيدك
سيف: هههههه شمدريچ يجوز حلوه بعيني تطلع
ايات: خويه وصلت للعظم غلس
الكل: ههههههههه
سيف: وصلنه
شمس: طلعت البنيه حلوه والله سيف نزل هو وحسون وعلي سلمت على سيف وتلكه مشتاقين وهاي وسلمت على حسين تكوله مليت منك حتى تبات يمنه ماعندك أهل
سيف: يلا رهوفه وياي بسيارتي
رهف:لعد وسياره علي
علي: بيه ولد عم سيف تجين
رهف: وسياره سيف
سيف: بنات عمي وخواتي
رهف: ابتسمت اها يلا وياك سيف
سيف: يلا
شمس: اجت تمشي صعدت
رهف: هلووو
الكل: هلا بيچ
رهف: اي سيف وين خواتك وين بنات عمك
سيف: شغل السياره وگال له حزري
رهف: بلا الي يمك ماشفته
شمس: باوعت له وابتسمت
رهف: امم اكيد اختك
شمس: لا حبي غلطانه بت عمه
رهف: هههه اها ....سيف انت دا تسوق لا تعرفني عليهن لا شو شتسوي
شمس: كالتلي عرفيني عليكم
شمس: اممم اني بت عمه اسمي شمس عمري 16 ووووو عرفتهم عليهن
رهف: اها ايو وفاطمه خوات سيف وشمس وقمر بنات عمه
ايو: اي حبي
شمس: اي عرفينه عليج
رهف: ابتسمت اسمي رهف عمري 16 رحت صف رابع اعدادي
فاطمه: ويه شموسه
شمس: ابتسمت اي
سيف: الووو علي
علي: ها سيف
سيف: ولك خويه خلصني راح اموت كومه حچن
الكل: هههههههههه
حسام: اي كيفن امهات السحوره
شمس: ولك حسام والله نوب اغلط عليك لو ما اكبر مني
حسام: ولچ انچبي شميسه
شمس: حسااام
حسام: اكلچ شمس إذا رحنه مول مطعم چلبي بسيف خاف تطفي الكهرباء بالمصعد
شمس: ياا حسام رجعت نفس السالفه
حسام: اكلچ شدكولين اسولف السالفه اني وفاطمه واخلي الكل يضحك عليچ
قمر: هههه اي حسوو الله عليك متقبل تحچينه
رهف: هههههه شبيچويه المصعد
حسام: اسمع صوت غريب
شمس: رهف كولش خجلت خطيه اي حسام هاي سحاره جديده ويانه
حسام: ههههه اخت علي
علي: ههههه اي اختي
حسين: اووف بس اني وحيد بلا لا اخ ولا اخت
سيف: غير انت ملطلط اخر العنقود والأكبر منك مزوجين
حسين: اي والله يلا راح اكبل واجيب الكبل مالي
الكل: ههههههههه
رهف: الازرگ منو تقبل بيك
حسين: هههههه مثل شمس هم تكولي الازرگ
شمس: هههه اي غير كايله الحقيقه
حسين: طبعا تشوفيني ازرگ غير علي وسيف بيضان
حسام: اخخخ ياخويه اني هم ازرگ
شمس: هههههههه ازرك ومعصعص
حسام: دنچبي هو انتي هم شكل
سيف: شبيه احلى منك اشو تخبل شوف الغمازه
شمس: ههههه بخجل
علي: هههههههه شبيك سيفووووو
حسين: ها وها وها
سيف: يلا ولو
شمس: تعبنه
سيف: تردين مي شي
شمس:لا هذا اكو
سيف: لعد هسه نوصل
فاطمه: اكلك نريد چبس وكرزات وعصير بارد
سيف: صار هسه اشوف ابو اسواق  ننزل نشتري
ايات: ننزل كولهنا شنو مداهمه
قمر: خلي تنزل شمس تعرف شنحب
فاطمه ايات: اي صح
شمس: خاب اسكتن يوميه اني وسيف نجيبلچن حتى ملينه
سيف: هههههههه اني انزل وانتي بكيفچ
فاطمه : خزرته تنزل ...اي سيف تنزل
شمس: ليش متنزلين انتي
فاطمه: اهوو انچبي كتلچ نزلي
علي:الو سيف
سيف:ها علي
علي: تنزلون تجيبون شغلات
سيف: اي بس البنات يكولن مننزل كولنا فيلق شعدنه
علي: اها الي ينزل اربعه شوف منو بنزل
حسين وحسام ومجتبى: مننزل
ايات فاطمه قمر شمس: مننزل
سيف: حبيبي علاوي ننزل اني وانت ورهف وشمس
علي:اوك
شمس: سيف مو كلت ماانزل
سيف: لا تعودت عليج وياي وغمز
شمس: ههههه كافي سيف
سيف: يلا رهف وشمس نزلن
شمس،رهف: اوك
شمس: رهف راحت لسياره أخوه
رهف: ها علاوي تنزل
علي: اي يلا
رهف: باوعت وراه اكو ولد ثنين عزا خجلت
شمس: رحت لحسام يباوع لرهف بهمس
ولك اثول عيونك أخوه عيب
حسام: ولچ هاي راح تروح ويانه تخبل
شمس: ههههه كافي راح اروح هناك مو تفضحنه
حسام: ماادري
سيف: ها شتشاورون
شمس: هههه يلا سيف اني اكلك ههههه يباوع لرهف يكول حلوه
سيف: اها ههههه زاحف
شمس: ههههه راح نخطبه اله الك
سيف: ولچ عوبه كتلچ مثل اختي ومتعجبني هم
شمس:اها يلا نشتري
سيف: يلا
شمس: اشترينه ونطيت كل وحده غراضه بجنطته وللولد علاقه انطيناهم وغراض سيف حطهن عندي يكولي مو تاكليهم هو بس حب وچبس ههههه
شمس: وصلنه تونسنه شويه وجان تشاورني ايو: اكلچ شنو هذا حسين والله حلو
شمس: خاب انچبي فضحتينه منيله اجلح املح
ايو: يلا علساس اني شلوني
شمس: ههههه لا حلوه
ايو: لا ترا صدوك احچي اني مو كولش حلوه
شمس: هسه عوفج منه حسين شبي
ايو: حلو يشاقه هواي مو مثل العقده علي وسيف
شمس: شبي سيف حلو واصلا احلى لعد يضل يكمز مثل حسام وحسين
فاطمه: اكلچن علي حلو
شمس: شلون بتليت اختچ تكول حسين وانتي تكولين علي خلي تجي قمر تشوفله واحد
رهف: بنات ذاك الولد الاسمر الضعيف اخوج شمس
شمس: ليش حبي حلوو
رهف: ههههه مو قصدي بس اخوج
شمس: هههه لا حبي مثل اخويه تربينه سويه اخو فطوم وايو
رهف: اها الله يخليكم
الكل: شكرا
رهف: فطوم انتي شكد حلوه شنو تخصصج لان اكيد كليه
فاطمه:  حبيبتي عيونج الحلوه اني كليه تمريض
رهف: اها حلو زين وهذا الولد الثاني
ايو: حبي هذا ابن عمي الثاني
رهف: اها يعني اخو شمس
شمس: لا حبي ابن عمي
رهف: اها شنو اسمائهم
شمس: حسام هذا الطويل الأسمر ومجتبى هذا الثاني
رهف: اها
سيف: شمس
شمس: ها سيف
سيف: مي حبابه
شمس: اي هاك
سيف: ابتسم شكرا
ايات: ترا كل احنا عدنه مي
سيف: ااا ها ماادري
حسين: عوفي فطوم عوفي
علي: هسه انتم شعليكم
فاطمه: اي صح شعلينه
علي: سيف راح نسافر كل احنا اهلي وياي
سيف: اها لعد أخذ فله يمنه بس شويه اصغر
علي: اها اني بعد أسبوع وأروح
سيف: اها لعد اني اأجره الك
علي: اي اوك
حسين: لعد اني وين اولي اعيش چنه كل احنا بشقه وهيه شلون
سيف: ولك غبي أخذ امك و ابوك خطيه خلي يتونسون
حسين: ها والله خوش فكره اشوف
شمس: سيف حباب نصعد باليخت
سيف: خاف ميصعدونه لان شباب مو عائله
فاطمه: حباب سيف
رهف: حباب علي بس هلمرا
حسام: احم متصعدن توسلن بيه
حسين: اي حتى اني
قمر: حباب حسام اسكت اقبل
حسين: بعد اني
ايات: اي يلا حسوون انت مو حباب اقبل
حسين: احم اوك روحي
الكل: هههههههه
فاطمه: يلا شدكولون
علي: لازم نچذب عليهم يلا نصعد
فاطمه: يعني شلون
سيف: يلا يلعبقري شلون
علي: ذوله ميقبلون يصعدون شباب شوفوا ذولاك راحوا وحده خاصه بالشباب ولازم نعوف البنات واحنا راح نصعد علمودهن
سيف: اي لعد هيه شلون
علي: شوفوا كل واحد يكول هاي خطيبتي ونصعد
الكل: هههههههه
حسين: والله خوش فكره
حسام: وإذا رادوا عقد شي
سيف: خاب اسكت طابين فندق احنا نگله هيچ جايين وانت قمر ومجتبى جايين ويانه هيچ لان ماكو مخطوبين بكدكم
حسين: ههههه اي والله نصير مضحكه
مجتبى:اي دهسه يلا
حسين: قسمونه كل واحد وخطيبته هههههه
علي: هههه بلا ضحك حسين
شمس: علي انت واختك تشابهون مو مال مخطوبين
علي: اي هههه رهف شوفيلچ خطيب
رهف: ههههه علي
حسين: وخروا اني اقسم
سيف: وخر اني اقسم
شمس: اهووو يلا اي واحد ترا هي چذب
سيف: علي منو تريد
علي: حسستوني صدوك راح أخطب ههههه اي وحده
حسين: اهوو يلا علي
علي: فاطمه تجين وياي
فاطمه: كولش خجلت
حسين: ترا ماراح نعقدلكم بس روحي ويا
فاطمه: ها اي
سيف: يلا لعد رهف روحي ويه حسام
حسام رهف: اوك
حسين: يلا لعد واني شكد ماعندي حظ
سيف: هو بعد منو من البنات
علي: بس ايات وشمس
سيف: اها شمس وياي
حسين: هههههه وغمزله تعاي ايات وياي
سيف: اخخخ راحن خواتي
حسام: لعد بس خواتك
علي: واختي
قمر: ههههه واختي
شمس: متت خجل من كال سيف وياي اباوع لفاطمه وآيات واغمز الهن اباوع لرهف اشو هاي مكيفه
حسين: اكلكم شلون يصدكون لا حلقات خطوبه لا صخام
علي: اي والله
سيف: باوع شوفوا ذاك محل مال اكسسوارات بنات روحوا جيبوا اربعه
علي: انت روح جيب
سيف: امشي شمس
شمس: اوك
سيف: مشينه شمس مو تأخرينه عبالچ صدوك مال خطوبه على السريع
شمس: ههههه يا سيف شبيك
سيف: السلام عليكم
ابو المحل: وعليكم السلام
سيف: طلعلي حلقات خطوبه
ابو المحل: هذني
سيف: يلا اخذي اربعه
شمس: اممم خاف كبار
سيف: كدري وحده الج والباقين شنسويلهم
شمس: راح اخذ كلهم نفس الكبر لان نتلابس
سيف: اوك شمس هاي حلوه الچ
شمس: باوعتله ترا چذب وانت كلت
سيف: بس ميمنع تأخذين شي حلو
شمس: اوك هاي الي وهذني للبنات
سيف: اوك
شمس: أخذتهم ودفع فلوس ورحنه طبعا مو ذهب
سيف: هاچن
شمس: هاي الي وأخذت كلوحده ولبسته
علي: هسه يلا
مجتبى: ليشوفكم يكول اخوان مو مخطوبين هههه
قمر: لا چنهم شياب لا والله الشياب احسن
حسين: لعد شنو
مجتبى: ألزم ايد خطيبتك صخام
الكل: هههههههه عيب
مجتبى: لعد كول طردونه وراح نرجع
سيف: اني خطيبتي عادي ألزم أيده مو
شمس: هههه اي عادي غير ابن عمي وخطيبي
سيف: هههههههه
حسين: لعد عليك حلال وعلينه وحرام اني هم ألزم ايد خطيبتي
ايو: يا حسين
حسين: اني رجلج غصب ماعليج تسمعين كلامي
سيف: هههههههه احترمني أخوه
علي: اي ترا صح حجي حسين حلال عليك وحرام علينه
فاطمه: ياا علي حتى انت
حسام: إذا علي يلزم ابد اختي ألزم ايد اخته
رهف: هههههه لا عيب
قمر: يلا حبابين كل واحد يلزم ايد خطيبته ويلا
مجتبى: صار عندي جفاف اشو كلهه خطبت بقيت بس اني
الكل: ههههه ولزم ايد خطيبته
...........................................................
سيف: نطيني ايدج خطيبتي
شمس: سيف هههه شنو هاي
سيف: قابل مچذب مو هاي حلقتي بيدج
شمس: اااا اي سيف كافي
سيف: انطيني ايدچ حبيبتي شوشه
شمس: ااا اي هاك
سيف: اي عفيه عليچ
شمس: هههههههه
سيف: اكلچ خلي ناخذ صور ودزيهن لصديقاتج كوليلهن نخطبت
شمس: هههههه اي هاك صور ادينه
سيف: كيفتي ولج
شمس: لا شبيك راح اكللهن انخطبت واخليهم يسألن ومااجاوبهن قمر
قمر:ها
شمس: تعاي اخذينه صور
قمر:من نريد نرجع لان هيه بعد متصل وگت
شمس:اوك ولي سيف أخذ بس الادينه
سيف: اوك هاچ
شمس: اوكف خلي ادزه
سيف: ولج وصلوا ها يلا لعد باليخت ادزه الهن واصور هم
سيف: اوك يلا
.........................................
حسام: ايدچ رهف
رهف: اااا حسام مو
حسام: اوك براحتچ
رهف: لا مو هيچ بس لان استحي هههه
حسام: هههه اكيد
رهف: قدمت ايدي
حسام: لزمته يلا
.......................................
علي: فاطمه
فاطمه:ها
علي: هههه ايدچ
فاطمه: هاا
علي: ولچ مو راح نروح يله وقدم أيده
فاطمه: لزمت أيده
علي:ابتسمت
فاطمه: ابتسمت له
......................................
حسين: ايو ايدچ
ايات: اكلك مو
حسين: شنو ولچ مو انتي خطيبتي
ايات: ههههه شوكت
حسين: يموعوده نطيني ايدچ
ايات: أخذ ايدي
.......................................
سيف،علي،حسين،حسام،مجتبى: السلام عليكم
ابو اليخت: وعليكم السلام
سيف:حبيبي 10 مقاعد نريد
ابو اليخت: ماادخل شباب روحو بذيج بس مال شباب
سيف: لا حبيبي احنه عائله
ابو اليخت: وينهم
سيف: هاي ذوله
ابو اليخت: شنو تصيرون من البنات
حسين: كل واحد هو وخطيبته
ابو اليخت: منو يكول خطيباتكم
سيف: حبيبي هذوله اصدقائي خاطبين خواتي وأخوي خاطب اخت خطيب اختنه وذولاك الصغار ولد عمي والبنيه اخت خطيبتي
ابو اليخت: اها هههه حبيبي اسفين بس ماعدكم عقد أو جناسيكم
علي: بعدنه ما عاقدين محكمه بس سيد
ابو اليخت: اكلك إذا بعدكم خاطبين جديد شعجب مسون عركه علمود تلبسون حلقات هههههه
سيف: ههههه احنا منلبس بس هنه يلبسن
ابو اليخت: الف مبروك حبيبي أن شاء الله يوم زواجكم
الشباب: أن شاء الله
ابو اليخت: هههههههه روحوا
حسام: شكد يسأل مشغول الصفحه
شمس: هههه غير يتأكد
حسين: اي مو مأجرين منه غرفه
البنات: ابتسمنه بخجل
شمس: اكلكم اخاف
سيف:تعاي يمي
ايات: حتى اني اخاف
سيف: تعاي يمي
حسين: شعليك بيهه تعالي يمي مو خطيبتي
سيف:هههههه ولك احترم
شمس: كل واحد گعد يم خطيبته هههه
شمس صورت ويه سيف وألمي ههههه اغور صديقاتي واخلي ايدي عليه واخذت كومه صور ههههه صار المغرب
سيف: يلا ايدچ خلي ننزل
شمس: نزلت وگلت لسيف سيف قموره نزله
سيف: باوع مجتبى منزله هههههه
شمس: اها خوش ههههه
ايات: رحت شاورت شمس اخخخ كون اكله لحسين تعال صدوك اخطبني
شمس: ههههه ليش حلوه التجربه
ايات: اي هيه حلوه
شمس: اخذتي صور لا
ايات: ولچ استحي صورت بس المي وانتي
شمس: يا كومه صورت سيف
سيف: ها شمس
شمس: سيف الله عليك صوره
سيف: تعالي ايو اخذينه صوره
ايو: ابتسمت يلا
سيف: حطيت ايدي على چتفه ولزمت أيده
شمس: الصوره تجنننن
سيف: ايو الصوره مشوهه
شمس: مابيه شي عادي
سيف: ولك علي تعال
علي: ها
سيف: اخذلنه صوره اني وشمس
علي: يلا
سيف: وكفنه نفس الوگفه واخذلنه صوره
شمس: هاي كولش حلوه و واضحه 
رهف: شمس شعجب هيچ خذتوا صوره
شمس: هههه هيچ اريد ادزه لصديقاتي والي هيچ
رهف: بس چنه سيف مكيف عليه هههه
شمس: لا عادي ههههه
مجتبى: اي نزعتن حلقاتجن بنات
البنات: لا مانزعناهن
قمر: لعد شمنتضرات
شمس: اي هسه ننزعهن
سيف: ليش تنزعيه
شمس: هههههه لعد ليش اضل لابسته قابل مخطوبه واضل لابسته
سيف: اوك بس لاتذبيه
شمس: لا طبعا مااذبه
رهف: واني هم انزعه
فاطمه: واني هم
ايات: لعد حتى اني
شمس: نزعناهن ورحنه للمول حتى نشتري ونتعشه هم وصلته لهناك مرات اشوف علي يباوع لفاطمه وحسام اصلا كام يحب رهف ههههه حسين صح اول مرا شايف ايات بس حيل يضحك هواي وياها تعشينه واشترينه شغلات مو هواي مرات من ندخل وحدنه محل اني ادفع بس اذا كلهم سيف ميقبل وهو يدفع المهم تعشينه وسلمنه عليهم و رجعنه للبيت كبل نمنه من التعب .......يتبع
_________________________________
٣٥٦٢ كلمه والله كولش تعبت ضغطوا على النجمه للتشجيع
البارت من دون مراجعه غلسوا على السحكات 😂😂

وأخخـاف أن أڪـرهڪ يومـا م̷ـــِْن شـدت غيـرتي ؏ـليڪ 🐰💔☹️