سيف الشمس

البارت الثامن عشر

ضـﺣڪـتكك ډﻧـﯿـآ ڪﻟۿـآ ﻧـﻋـيـم
تشبـۿِِۂ ﯢعـډ ٳۧﭑللۿۂ بـإۧﭑﻟــﭼـنــۿۂ ♥.💍
_________________________________
شمس: تعشينه وكملنه ماصار شي.......شويه وعمتي صاحت حسام
ام حسام: ولك حسام تعال للمطبخ
حسام: خير نبع الحنان
ام حسام: ماما راح يجن عماتك امشي روح جيب حلويات وكيك وعصير
حسام: اي وين سويج سيارتي يمه بيمن اولي ذني المكانات بعيده مااكدر اروح مشي واذا رحت بالدراجه ينجعصن
ام حسام: وين سيف روح صيحه
حسام: اي صار ....سيف امي تريدك بهمس
سيف: اي كايم ...ها خاله كال صحتيني
ام حسام: اي يمه حبيبي تكدر تجيب ....
سيف: اي خاله صار بس خلي يجي وياي أحد لان مااعرف هاي السوالف
ام حسام: يروح وياك حسام لو وحده من البنات بكيفك
ايات: وين على خير
ام حسام: يروح يجيب ....
ايات: اها ومنو يروح ويا
سيف: اي واحد عادي يجي
ايات: اوكفوا هسه اجي....فاطمه ......شتگولين نخلي شتكولين نخلي شمس تروح ويا
فاطمه: خاف حسام يكمز هو يريد يروح
ايات: لا نكللهم يجيبولنه شغلات للسهره وحسام ميعرف يجيبهم واحنا مامبدلين وهي تروح شتكولين
فاطمه: اي يله امشي ....اااا ماما احنا نريد چبس وشغلات هم خلي بجيبهن
سيف: اي صار بس منو يروح وياي
حسام: اني اروح
فاطمه: تعرف تجيبلنه شغلات الي نحبهن وبالنكهات الي نحبهن
حسام: اهو هم تريدن شغلات مااروح وحگ العباس
ايات: لا تروح
فاطمه: لعد خلي شموسه تروح وياك
حسام: شعجب متروح وحده منجن تموتن عل طلعه
فاطمه: مامبدلين ونتأخر إذا نبدل وهمه راح يجون
سيف: يلا ميهم اي احد خلي يجي صيحن شوشه
ايات: شمس شمس
شمس:صخام ها ها
ايات: سيف يريدج بالمطبخ
شمس: شنوو شيريد
ايات: ههههه شبيج خفتي شمسويلج يول
شمس: انچبي شيريد
ايات: تروحين ويا تجيبون غراض ماما تكول
شمس:اوك امشي انشوف .... ها عمتو
ام حسام: حبيبتي روحي ويه سيف جيبوا غراض
شمس: شعجب ماراحوا البنات
ام حسام: يتأخرن بالتبديل وانتي مبدله روحي ويا
شمس: عمه ماكلت لماما
ام حسام: روحي اني اكوللها
شمس:اروح اكول الها وانتي بعدين فهميه ..ماما راح اروح ويه سيف نجيب غراض عمه تفهمج هيه اروح
ام شمس: روحي ماما
شمس: طلعت ها سيف يلا
سيف:ابتسم يلا
شمس: صعدت بالسياره ليش تبتسم اكو شي
سيف: لا ماكو تدرين گرصتچ ليهسه تأذيني
شمس: اي تستاهل انت الغلطان صدوك شبيك صاير مدري شبيك
سيف: غلطانه مابيه شي
شمس:اممم
سيف: كافي حچي يله نزلي ناخذ حلويات
شمس: يلا بس سيف منو كلك اني اعرف بهاي الشغلات
سيف: لعد انتي متعرفين شعندج جايه لعد
شمس: شمدريني انتوا خبصتوني يلا ماانزل بس انت روح
سيف: اني هم مااعرف
شمس: مو مشكلتي اعتبرني ماموجوده
سيف: يلا كافي انچبي لعد اني جاي اونسج اكعدي وايكتي يلا لاتنزايم انتي وال
شمس: اي احچي صاير عصبي وياي ومتتحاجه اوك روح يلا
سيف:اي احسن اني رايح
شمس: الله وياك
سيف: طبيت اباوع للحلويات سألت على الحين وهاي بس مااعرف شكد اجيب زين همه رادوا حلويات وكيك زين هذا كيك عيد ميلاد عيب اجيب منه استغفر الله مااعرف اروح اجيب شمس بلكن تعرف ....احم شمس شمس
شمس: ها خير دكتور سيف
سيف: احم انزلي خاف يجون سيارات منا بيهن شباب يلا نزلي ..اني كلشي ولا اطلع خسران أو غلطان
شمس: اممم ماكو احد يجي
سيف: شمس نزلي احسن الچ مااريد ازعلچ بعد شويه مسافر
شمس: اها يعني هسه انت مامزعلني وخر خلي انزل مالي خلقگ
سيف:اوك يلا
شمس: دخلت يلا وين الغراض الي ماخذهن
سيف: ابتسم بفشله مامشتري لسه
شمس: لا والله كل هاي الشغلات ولسه مامشتري
سيف: احم هسه اشتري اباوعله هي هم لوتيه مااجت ساعدتني وكفت بالزاويه
شمس:هههههه عرفته ميعرف يشتري اباوعله واضحك اجاني عصبي
سيف: ولچ شمس اشو تضحكين انتي متشوفيني حاير تعالي ساعديني
شمس: هههههه اي اجيت تدري مو علمودك لا علمود لان راح يجون ويرجعون واحنا بعدنه
سيف: مو مهم تعالي
شمس: سيف ناخذ حلويات كيلو ونص وأخذ بيتيفور وأخذ بسكت ونأخذ مكسرات
سيف: اي صار اخذناهن وبعد هاي الكيكه حلوه
شمس: هههه شنو عدمه عيد ميلاد ونأخذ كيكه لا آخذ قطع كيك
سيف: اها اي لعد شلون تكولين مااعرف
شمس: والله مااعرف جوز نترزل شمدريني
سيف: محد يحاچيچ اني موجود
شمس: اي بس الك مسموح ترزل اصلا لسه زعلانه منك احجي وياك لان عيب احچي ويه ابو المحل وانت واكف
سيف: ولچ فديت العقل اني هههه من حبك لاشاك واني تدرين بيه عصبي
شمس: اي بس ماكو داعي لعصبيتك اصلا
ابو المحل: وليدي حبيبي حلوو مشاكلكم بيتكم وانتوا عرسان جدد شوكت لحگتوا تتعاركون
سيف: هاا اي حبيبي اسفين على الازعاج بس هي مو مرتي بت عمي
ابو المحل: هاا اسف عمي عبالي عرسان جدد ودا تأخذون للسبعه مالتكم
شمس: اني اضحك ومستحيه كولش
سيف: هي هاي وجه عروس بس تتعارك
شمس: اني اتعارك لاوالله انت وحيدك تعصب اني بس كتلك مااعرف عصبت وبعدين عادي سافر وانت مزعلني والله معليه بيك بس اني صوجي اجيت وياك
ابو المحل: هههه صلوا على النبي شجاكم
سيف: عمو معليك بيه المهم احسبهن خلي انروح حتى مااكعد يمهه وتعكرلي مزاجي
شمس: لا يتعكر مزاجك دكتور سيف انت راح تسافر هناك ينفتح مزاجك قابل يمنه مزاجك معكر اربع وعشرين ساعه
سيف: كافي شوشه اسف اعتذر ست شمس
شمس: مااحب الست قابل اني مدرسه معلمه وتصيحلي ست
سيف:هههه والله موتيني من جنتي صغيره ولسه ماعاجبچ كولشي
ابو المحل: اول مره اشوف هيچ ولد عم شجاكم بانزين ونار
شمس: يلا سيف تعبت كولش
سيف: اي شوشه صار يلا عمو احسبلياهم
ابو الحل: ههههه اي عيني اشو چنتوا اعصابكم نار هسه ابرد من الثلج سبحان الله نفس الشخصيه انتم السعر .....
سيف: ههههه عمو مشكور تفضل
شمس: سيف انطيني اشيل وياك
سيف: اي خاف بنمرد الكيك هاچ شيلي وياي
شمس: يلا اممم طلعنا شجاك سيف شكد عيب من الرجال تعاركنه گدامه (طبعا ابو المحل رجال چبير چا سيفو ماقبل نحچي كدامه شي)
سيف: شعليه اني انتي عصبيه
شمس: لا مو عصبيه والله بطران هذا الرجال هو انت وجهه عريس
سيف: ليش عيني شبيه اخبل ومليون بنيه تتمناني
شمس: اي هههههه
سيف: تستهزئين ولچ هو انتي وجهه عروس
شمس: ياا اخبل اني الف واحد يتمنه بس اظفري
سيف: يلاااا صعدي متستحين تكولين هيج (مااعرف ضجت مدري غرت مااعرف)
شمس: اوك هسه انت ليش ضايج
سيف: مضايج
شمس: هههه لو اعرف شبيك شتريد چان رتاحيت
سيف: مابيه
شمس: سيف
سيف: ها شمس شبيچ
شمس: خلي احچي على كيفك
سيف: احچي
شمس: شوف اني كولش متعجبه بنفسي شلون مامستحيه منك ما انو اني ما صارلي هواي من اعرفك وحتى بالبدايه صح تعاركت وياك بس من اول يوم احس نفسي اعرفك ومامستحيه منك وحتى احبك والله حتى لسه متعجبه من نفسي واني اصلا كولش خجوله والي يحاچيني استحي منه حتى اذا كرايبنه والله مرات حتى استحي اسلم بس انت مدري ليش منك ما استحيت ههههه غريب مو
سيف: (كولش رتاحيت واني اسمعه تحچي ) اي غريب بس مو تدرين عمرچ سبع سنوات يلا عفتچ يعني حتى اني چنت اشربچ الممه هههه وتجين تنامين الا يمي ضليتي كومه تبچين عليه من رحت
شمس: تدري سيف مرات اكول لماما على تصرفات أو شغلات صايرتلنه يعني اذكر ولد يلعبني لو يشتريلي لو انام يمه ودائما اكول لماما وتكلي حسام مره سألت حسام يكولي مااتذكر بس من انت اجيت عرفت جنت انت الي أتذكرك زين ليش ماكلولي عليك أو انت اجيت حتى نعرفك أو حتى اذا نخابرك
سيف: اني چنت دوم مااقبل ولما جدي مااجي اني ردت استقل وماردت أحد لان اصلا اني مااعرف نفسي شريد
شمس: وهسه متعرف نفسك شتريد
سيف: هههه لسه مااعرف شريد
شمس: سيف اني دوم وياك اعتبرني اني شوشه الي عمره خمس سنوات وانت 15 سنه انسى السنين الي فرقتك عنه واني دائما يمك والله اي شي تريده اني موجوده
سيف: ادري بيچ والله انتي لسه شوشه بكلبي وحتى من اجيت كبل عرفتچ وسلمت عليچ قبل اخواني مو
شمس: امممم
سيف: يلا انجيب عصائر وشغلات رادن البنات
شمس: اوك يلا نزلته شترينه كولشي ورجعنه للبيت اوف والله استحي اسلم على رجولت عماتي وولدهن شلون سالفه هاي
سيف: ههههه امشي كبل للمطبخ اني هم شفتهم بس مرتين
شمس: دمشي يمعود والله بس نطب راح كبل تعالوا نسلم وهاي اووف شلووون
سيف: هههههه يلا لعد نضل بالحديقه
شمس: يلا دخلنا للمطبخ اجت عمتي ام حسام
ام حسام: هاا اشو تأخرتوا
سيف: لا خاله ماتأخرنه تعرفين ازدحامات لان كاعده منتظره حسيتينه متأخرين
ام حسام: ها يلا لعد طبوا سلموا سألوا عليكم
شمس: عمتو استحي
ام حسام: ولچ منين تستحين غير عماتج صاحت عمتي ام امجد
ام امجد: هاا ولكم مااجيتو تعالوا سلموا علينه
شمس: يلا هاي اول فشله استلم سيف
سيف: ههههه امشي
شمس: اول مادخلنه هههه ما شاء الله هواي همه حرت بيمن ابدي اسلم اباوع لسيف المن يسلم بالبدايه ههههه اني رحت سلمت على عمتي الچبيره ورجله حتى بوسني عدهم عادي وعلى عمتي الثانيه ولدهم وبناتهم
ام امجد: شلونكم عمه مشتاقيلكم
سيف: الحمد لله عمه انتم شلونكم
شمس: الحمد لله عمه حتى احنا مشتاقيلكم
عمتي ام بسام: يااا لعد شعجب طالعين باليل وحدكم ( هي كولش حبابه وعلى نياتهه بس هي وعمتي ماخذين ولد عشائر من هنه صغار ازوجن وتعلمن اطباعهم )
سيف: طلعنه جبنه غراض محتجين شغلات للسفر
شمس: وطلعت ويا لان ضوجه عمه وحلوه الشوارع باليل
عمتي الصغيره ام عباس: اي والله عمه حلوه باليل هههه
شمس: اي عمتو شلونهم زعاطيطچ
ام عباس: موتيني والله عمه (2 زعاطيط ولد وبنيه ههههه)
شمس: عمه الله يساعدچ على الهوسه ادري يا عمه مجبوره تزوجين
ام بسام: لعد شلون لازم تزوج اول وتالي المره لبيت رجله
سيف: لعد وين البنات
ام امجد: صعدن يكعدن بالسطح وهستوهن صتدن بناتنه وياهن
سيف: اها شوشه مي حبابه
شمس: اي صار رحت للمطبخ جبتله هاك سيف
سيف: اي عفيه
شمس: بالعافيه ورحت كعدت يم عمتي
ام امجد: اريد اشوفلي مره لحسوني ( عدهه ثلاث بنات ثنين تزوجن وبعد وحده عمره 17 سنه اسمه بنين ولد ثلاته امجد عمره 22 مزوج وعنده ولد وبنيه وحسين مامزوج عمره 19 وحسن عمره 11سنه )
ام حسام: مو بعده صغير
ام امجد: يا صغير خيه عمره 19 سنه
ام بسام: اي حته اني اريد ازوج بسومي صار عمره 22 سنه صار شايب
بسام: يمه يا شايب رحمه للحسين لعد ازوج عمري 17 يايمه غير دراسه شي
ام بسام: اي هسه هايهيه راح ادورلك مره
ام سجاد: بنات عمه حلوات زينات
بسام: بنات عمي وباوع صفح
شمس: اني مليت ىدت اكوم وسوف بسام عيونه عليه صافن باوعله سيف ورجع باوعلي صاح
سيف: شمس تعالي
شمس: ها سيف
سيف: هاچ ودي الكلاص للمطبخ وصعدي يم البنات
شمس: ابتسمت بوجهه صار انطيني
سيف: عفيه هاچ
شمس: اوك وتالي اصعد أخذت الكلاص ويديته للمطبخ صاح بسام
بسام: شمس مي رحمه لوالديچ
شمس: صحت اي أخذت كلاص مي وديتله أخذه ويباوع بعيوني ها خير
بسام: انتي الخير
شمس: عيب عليك ترا هاك
بسام: ترا ماكلت شي المهم شكرا
شمس: عفوا ....اباوع سيف عيونه برأسه صارن رحت لغرفه البنات وخابرته
سيف: حيل ضجت يباوعله ومركز وياها حيل يباوع لمشيته من راحت للمطبخ والحقير يباوعله من جابتله سم ومن راحت رتاحيت بس كولش ضايج خابرتني من رخصتكم صديقي يخابر
الكل: مرخوص
سيف: طلعت برا احاچيهه .... ها شتريدين
شمس:على كيفك ليش عصبي
سيف: مو عصبي شتريدين
شمس: ترا اني من كلتلي روحي رحت بس هو مطي وكلي جيبيلي صخام بوجهه
سيف:ادري زين شگلچ قبل لا تنطي ألمي وعصبتي
شمس: ااااا
سيف: اي شبيچ
شمس: مو هو باوعلي وگتله خير كلي انتي الخير ورزلته وكلي شكرا على المي وجاوبته
سيف: أن شاء الله سم بطنه
شمس: ههههه شبيك شعليك بي
سيف: شمس صعدي يم البنات
شمس: وإذا نزلن
سيف: اوووف عود راسليني وأشوف
شمس: شنو يعني متخليني انزل
سيف: روحي شمس بعدين عود
شمس: اوك ....سديته وصعدت يم البنات هو اني مسلمه عليهن كعدنه نسولف ونضحك ها نسيت عمتي ام بسام عده ( ثنين ولد بسام عمره 22 مامزوج و احسان عمره 20 وثنين بنات جميله متزوجه عمره 19 و الثانيه مامزوجه عمره 16 اسمه نبأ ) وشويه وعمتي ام حسام خابرت فاطمه كالت اله نزلن اني گبل راسلت سيف
شمس: 💬 سيف كالوا انزلوا شلون
سيف: 💬 اوووف شسوي انزلي بس لا تگعدين گدام بسام
شمس:💬 اوك صار
سيف:💬 عفيه
شمس: مااعرف هو شعليه بيه أو اني ليش ابررله مدري المهم نزلنه جوه ايات شاورتني كلتلي سيف يكول خلي تروح بالمطبخ وياچن كتله شعجب لعد ماراسلني كالت بكول متجاوب كتله اوك وكمت رحت للمطبخ اني وفطومه وايو راسلته
شمس:💬 سيف انت كلت لايو تصيحني
سيف: 💬اي لان فصل النت
شمس:💬 اهو هاي راح تضل تسأل
سيف:💬 اي وإذا كوليله
شمس:💬 سيف تخشم نفسك متعرف ايو وفاطمه ومخيلاتهن
سيف:💬 والله هاي مشكلتچ
شمس: 💬 اوفف روح خلي اجهز ويه البنات
سيف:💬 عود لتجيبين شي وياهن
شمس: 💬 اي اوك
ايو: اي شمس ليش سيف يريدچ بالمطبخ ومو هناك
شمس: هو اخوچ روحي سألي اني شعليه
فاطمه: لعد ليش تكولين لاايو شعجب ماراسلني يعني انتم تتراسلون
شمس: لا منتراسل يعني مثل حسام مو مرات احاچي وأرسله
ايات: اكلچ يجوز يغار عليه لان ولد عمتي گاعدين
شمس: اهو لا يضلن يحچن ديله طلعنهن للخطار
فاطمه: يلا شيلي ويانه
شمس: اااا ها مو مابيه حيل
ايو: شيلي يختي ذني هواي منگدر نشيلهن وحدنه
شمس: رجعن مرا ثانيه
فاطمه: اكلچ شمس خوب گولي سيف ميقبل اشيل وياچن
شمس: لا شنو شعلي هو قابل اخويه خطيبي وميقبل
فاطمه،ايو: أن شاء الله خطيبچ
شمس: امشن روحن موتني ...راحن وچان عمتي ام حسام تصيح شموسه جيبي الباقيات
شمس: اي عمه اوف سيف شلون يلا قابل هو شعليه بيه ....اخذتهن ورحت اباوع على سيف ضاج وفاطمه وايو يباوعلنه انطيتهم وأشوف بنين بت عمتي تباوع لسيف تريد تأكله بعيونهه اني من دا انطي الهم عمتي ام بسام كالت
ام بسام: شموسه صايره عروس
شمس: ابتسمتله وباوعت من دون محد ينتبه لسيف يريد يأكله هي وبسام
ام شمس: ياا وينه عروس صغيرونه بعدهي
ام سجاد: اي صغيره بس حلوه وهايهيه وياهه الزواج
شمس: اباوعلهم مستغربه شبيهم ههههه هاي شبيكم
ابو امجد: عمي مابيهم شي بس يكولولچ حلوه وهايهيه عمره على الزواج
ام بسام: اي هايهيه أن شاء الله من يجي ابوي من السفر اخطبهه لبسام ..............يتبع

____*_____*_____*_____*_____*___

2207 كلمه اليوم الفين كلمه والله كولش تعبت واني عندي دراسه فشجعوني واضغطوا على النجمه ⭐
البارت بدون مراجعه غلسوا على السحگات 😂😂
وقفله اليوم تجنن مو ههههه والأشخاص الجدد هم شويه الهم دور بالقصه اممم باااي 💕😘