سيف الشمس

البارت 43

لاتحرق نفسك لأجل أحد، فالشمس حرقت نفسها. لأجلنا ومازلنا نحب القمر

_________________________________

شمس: اجت فاطمه وكعدتني الساعه ٧ ونص
فاطمه: ولچ شمس كعدي حبابه
شمس: هممم مو ايو نايمه
فاطمه: روحي يم سيف هو يريدچ
شمس: اوك غسلت ورحت لغرفه سيف
سيف: هلاا والله شموسه كلبي
شمس: انت كلت لفاطمه تكعدني
سيف: اي حياتي
شمس: اوك لعد اششش خلي انام نعسانه
سيف: اهاا !؟
شمس: ايي رحت شمرت نفسي على الچربايه مالته
سيف: ههههه نعسانه
شمس: كولش
سيف: رحت خليت ايدي جوه رأسه وحضنتها وخليت راسي برقبته ونمنه
شمس: اجه نام يمي وحضني نمت بسرعه

فاطمه: سوينه ريوك اني وعلي طبعا لازم يتحرش ميكدر كملنه ونزلوا الحل ما عده التنبل سيف وشمس ولج ايات كومي صيحي سيف وشمس
ايو: مو انتي كعدتي شمس
فاطمه: مو راحت يم سيف
ايو: مابيه حيلهم
رهف: قموره روحي صيحيهم
قمر: اوك صاعده دكيت الباب ماكو ميجاوبون دخلت اباوع ههه حاضنه ونايم ليكلك حتشرد منه عزا خجلت منهم بس صورتهم شمممس سيييف كعدوا
سيف: هممم اششش
قمر: كعدوااا كااافي
سيف: حتكعد حبيبتي سكتي
قمر: هله هله يأبه ابن العم اكعد
سيف: من عرفته قمر بسرعه وخرت من يم شمس عيب بعدهي صغيره ههه احم احم اوك هسه اكعدها ماادري اختچ اجت يمي
شمس: جذاب ليش تذبها براسي منو دز فاطمه ومنو من نمت على الچربايه اجه دحس نفسه يمي
سيف: ههههه صمي حلگچ حبيبي
قمر: ههههه اني حنزل وانتوا تعالوا ورايه
سيف: اوك طبعا اني بس بعدت عني شمس استحيت اكوم كدامه واني بس بالبرموده يلا حبيبي ننزل
شمس: كمت رحت للغرفه بدلت ولبست شال ونزلنه
علي: هلا والله
حسين: نورتوا
حسام: الاكل برد هلا
سيف: لا هلا بيكم سكتوا
الكل: ههههه
شمس: تريكنه وردنه نغسل المواعين
سيف: لا تغسلنهن مجتبى وحسام يغسلوهن يلا كوموا
حسام،مجتبى: شنو معناها الا احنه
سيف: احنه يوميه نسوي ريوك اني وحسين علي وباچر بيبيتي تجي وبعد محد من الشباب يكدر يسوي فا انتم مامسوين ف غسلوا المواعين والبنات صعدن بدلن
البنات: يحيى العدل هههه
شمس: أخذت ملابسي ورحت لغرفه سيف قفلته وبدلت ووحده بالحمام وثنين بالغرفه بدلنه وهمه بدلوا سوينه شالاتنه ونزلنه

سيف: من تكملون شغلكم خابروا حته نلتقي بمطعم
الكل: اوك
شمس: طلعنه الكل رحنه اهذنه بطاقه مجتبى من مدرسته ورحنه لمدرستنه اني وقمر هم أخذته البطائق طبعا متفقه ويه صديقتي غدير تجي للمدرسه حتى اشوفها شمس: غديررررررر
غدير: شمسس
شمس: حضنتها وكمنه نبچي مشتاقتلج
غدير: حته اني مشتاقتلچ مووت شلونچ
شمس: الحمد لله تمام انتي شلونچ
غدير: الحمد لله زينه ولچ صايره احلى على جو تركيا 
شمس: ههههه اي طبعا جوهم يجنن
قمر: هم بوست غدير وسلمت عليها شلونج
غدير: الحمد لله انتي شلونچ
قمر: الحمد لله تمام
اخ غدير: هلا والله شلونچ شموسه الحمد لله على السلامه
شمس: هلا الله يسلمك الحمد لله انت شلونك
اخ غدير: الحمد لله
شمس: اخ غدير من اروح يمهم هو يسلم ويكعد شويه يمنه ويروح ومرات إذا عدنه درس اضافي أو درس خصوصي هو يودينه اله فيعني متعود عليه ومعوده عليه
غدير: منو جابچ ولچ
شمس: هههه من وراج نسيت سيف سييف
سيف: ها ها
شمس: تعاال
سيف: جاي السلام عليكم
غدير وأخوها: وعليكم السلام
شمس: سيف ابن عمي سيف غدير وأخوها حيدر
سيف: تشرفت بيكم
غدير،حيدر. النه الشرف
سيف: بهمس يم شمس تعرفي
شمس: ابتسمت اي هذا حيدر
سيف: اها استغفر الله
غدير: شمس يعني السنه اداوم وحدي
شمس: اي وحته اني
غدير: ولچ حبابه ضلي هنا هذا العراق العظيم شلون تتركي بي مي وكهرباء ودراسه زينه وصحه وتعيين
شمس: هههههه خبله كلشي مابي من الي كلتيهن واني مو لهذا السبب احنه منعوف العراق بس علمود جدو لسه مريض
غدير: لسه مصار زين
شمس: اي والله خطيه تمشينه شويه بعيد مو يمهم
غدير: هاا يلعوبه شبي سيف ضايج
شمس:يغار ههه شلونه بربچ
غدير: احممم يخبل كده👍👍 خوب عيونه يجنن هيچ وزعاطيطچ يطلعون على ابوهم
شمس: ههههه خبله وبعدين لا تتغزلين بي عوبه
غدير: اكلچ ماعنده اخوان
شمس: هههههه اي عنده وحيل يشبها
غدير: اها خلي اشوف حتى تصيرين سلفتي
شمس: طلعت الفون وشوفته صوره حسام
غدير: امداچ اي والله واني مصدكه هههه يلا أخذوا بنتي لابنكم
شمس: وإذا يطلع اجكم على امه
غدير: نجبي اخبل اني
شمس: رجعته يمهم
سيف: حبيبي علي خابر هو وحسين كملوا وحسام هم يلا نروح
شمس: ابتسمت اي سيفو غدير حيدر تعالوا ويانه على الغده
سيف: اي هله بيكم تعالوا
حيدر: والله عندي شغل
غدير: حباب حبيبي حدور
شمس: شجاك حيدر أجله هو احنه باچر راجعين لتركيا وبعد سنه لو اشوفه لو لا
حيدر: يله امشوا لا تبچن
شمس،غدير: هههه عفيه
شمس: سيف يا مطعم
سيف: خان مندي
شمس: اها حلو يلا
حيدر: حبيبي سيف تفضلوا ويانه السياره چبيره
سيف: مشكور حبيبي لا زحمه ناخذ تكسي
غدير: لا لا حباب تعالوا ويانه
حيدر: لا خويه زحمه شنو تعالوا ويانه
سيف: ههه يلا شمسي
شمس: هاا رحنه صعدنه بالسياره سيف بالصدر واني وغدير وقمر ومجتبى وره
سيف: شمس امي خابرت وكالت سلملي على شمس وخلي تخابرني من ترجعون للبيت
شمس: الله يسلمها مكالت شكو اخاف من ماما من دخول خابريني وبالاسم
سيف: ههههه لا ولچ امي حبابه خطيه دائما تحجي بهدوء لا مكالت بس خابريها
شمس: اي صار
حيدر: تدرون دخت شلون نفس الام ومن ساعه شمس كالت ابن عمي انتم اخوان من نفس الام وغير اب
سيف: هههههههه لا مو اختي بس اكول لأمه امي لان هي ربتني وماشفت امي اصلا
حيدر: اها الله يحفظها الكم أن شاء الله
سيف: حبيبي يحفظ غاليك
شمس: دك مبايلي
سيف: امي؟
شمس: هههه اي الوو مامي
ام شمس: هله حبيبتي شموسه شلونچ
شمس: زينه الحمد لله انتي شلونچ
ام شمس: زينه ماما انتي برا
شمس: اي حبيبي بالسياره رايحين نتغده سيف كال تريدين تحاچيني خو ماكو شي
ام شمس: لا حبيبتي ماكو شي من ترجعين حاچيني
شمس: صار ماما بابا يمچ
ام شمس: اي
شمس: بابا شلونك
ابو شمس: هلا بحبيبه ابوها زين بابا انتي شلونج مشتاقتلج
شمس: حبيبي زينه حته اني والله يلا حبيبي وصلنه من ارجع احاجيكم
ابو شمس: بااي حبيبتي
شمس: بااي
سيف: ها ولج شمسويه
شمس: ههه يا سيف شمسويه هيچ متعرف توصيات ماما
سيف: اي والله هههه
شمس: دخلنه للمطعم تعرفوا وهاي وسوالف وضحك تغدينه مندي وكباب ومشويات رجعنه للبيت

شمس: رجعنه الساعه 3 الظهر
علي: حتنامون ما نعسان
ايو شمس،فاطمه: ما نعسانين
رهف ،قمر: نعسنه
حسام: اليل كله ما نايم وهسه طفيت اروح انام
مجتبى: اني متعود انام بااي
حسين،سيف: ما انام
علي: لعد شنسوي إذا منام
سيف: يلا انتن مو مانعسانات كومن سون عشه لبيبيتي
شمس: هله هله شمعرفني هههه
ايو: تريد تسمم المرأة بأكلنه
فاطمه: ولچن من اليوتيوب ونطبق الوصفه
علي: فديت مريتي النادره
سيف:هههههه عاار
حسين: اني اساعدجن شيف حسين
علي: واني هم اساعدجن شيف علي
سيف: بقت عليه اني هم اساعدچن شيف سيف
ايو: جانوا دكاترا صارو شيوف بطيخ ههههه
شمس:اتحداك تكول شيف سيف خمس مرات
الكل: هههههههههههه
سيف: هههههه هاي منيلچ حبيبي
شمس: من اختراعي حبيبي
سيف: شيف سيف شيف شيف سيف شيف
علي: ها ها شدا تخربط هههههههه
حسين: كافي ولكم يلا نطبخ
سيف: شنسوي عشا
فاطمه: عدنه دجاج نسوي برياني
شمس: ام البرياني يرادله وحده طباخه مو احنه
علي: اوك حبيبي نسوي برياني
حسين: واذا طلع مطيب
علي: مدام فطومتي تخلي أيده بي يصير يخبل
سيف: يلا يلا ولكم
شمس: هههه يلا اذا صار مطيب ندز لو نسوي بيض هههههههه
الكل: هههههههه 😂😂
شمس: كولنا دخلنا للمطبخ نسوي البرياني
سيف: يلا لازم نقسم الشغل
ايو: اسوي التمن
فاطمه: واني اسوي تشريب الدجاج
شمس: اي يعني اني اسوي الشعريه الحشو
شيف سيف وياي مو ههه
سيف: اي حبيبي يلا نبدي
شمس: قلينه الشعريه وببعدين خليت عليها مي وبين متنسلق رحنه نقطع بصل وجزر وبتيته وسيف واكف وراي لو بخلي أيده على خصري لو يخلي رأسه برقبتي محد منتبه سيف حدجچك بالسچينه
سيف: هههه انتي حبيبي متسويها بس دير بالج لا تنجرحين
شمس: ليش فات من يمي النبي يوسف هههه
سيف: خرب ببليسجن قصفتيني عاد نتقمت بسته من رقبته
شمس: سيييييف
الكل: شكو شكو
شمس: عبالي نجرح سيف
سيف: ههههه لا حبيبي مابيه شي
ايو: يلا عدت سلامات
سيف: خبيثه
شمس: انت وكح يلا خلي نقلي ذني
سيف: اوك حبيبي
شمس: سوينا الشعريه وخليته توابل ومدري شنو تذوقنا اممم سيف تجنن
سيف: بله وكليني
شمس: هاك بيبي عممم
سيف: هممم طيب والله يجنن عاشت ايدچ
شمس: اني وياك سوينا بالعافيه حبيبي
سيف: خلي نشوفهم هااا لك علي كملتوا
علي: اشوو اختك تكول خلي يتهدر يصير ثخين مدري شنو
سيف: اها وانت وانت حسووون
حسين: كملنه حبيبي وطلع يخبل
سيف: دنجب يخوي هو تمن شخيتوله وطلع طيب معجون اسنان
الكل: هههههههه 
فاطمه: صدوك صار طيب التسريب فد شي
سيف: والله احنه سوينا الشعريه تخبل
شمس: هو اهم شي تشريب الدجاج ولك سيييف
سيف: ها ولچ
شمس: روح جيب بيبيتي صارت ب5 ونص
سيف: ولج نسيته يلا يلا رايح اسبح حضريلي ملابس
حسين: اروح وياك
سيف: وين تعرفها انت ومولي وياي
حسين: معليك اريد اسوي علاقه وياها
ايو: شنووو لعد واني
حسين: ولج علاقات مال ناس كبار تخبل اروح وياك
سيف: يلا بدل
حسين: راح اسبح حضريلي ملابس حبيبي
ايو: صار
شمس: حضرت ملابس لسيف وايو حضرت ملابس لحسين بدلوا وراحوا ....... يتبع

هلاووو بنوتات أن شاء الله ما تأخرت عليكم بنات صوتوا ⭐⭐على البارت حته اتحمس أكثر وانزل أسرع طبعا اكيد هل فتره راح أتأخر عليكم شويه بس اكو خبر حلوو فتحنه بيج قصص وخواطر على الانستگرام تابعوني عليه سوينا اني وصديقاتي الكاتبات

@ktb4__  اسمه كاتبات وروائيات العراق

اتمنى تتابعوني عليه لان حنشر عليه