سيف الشمس

البارت التاسع عشر

- هادئة هكذا كـ يمامه ، رائعة كتراتيل فيروز.🖤
_________________________________ام بسام: اي ان شاء الله من يجي ابوي من السفر اخطبهه لبسام
شمس: صفنت بعدين باوعت لبسام الضحكه من الأذن للاذن اباوع لسيف اشو عصبي وبده يكتلهم اباوع لبابا مستغرب ويستحي يرد ....بس عمه
ابو شمس: اوكفي بابا ام بسام البنيه بعدهي صغيره
ابو بسام: أسأله يمكن قابله
ابو مجتبى: خلوها وره منرجع من السفر نسولف بيها
ابو سيف: لا هسه تناقشوا بالموضوع خاف نتأخر بتركيا
الجد: خلي نسأل البنيه وبسام يقبل
بسام: اي جدي اريده
الجد: تعاي جدي شمس
شمس: ها جدو
الجد: شوفي بنيتي لا تخافين ولا تستحين هذا قرارچ وهاي حياتچ وتعيشيه كلها ويه الي تختاري فبكيفچ ياجدي ومحد يفتح حلگه بكيفچ ظلمت مرا مااظلم مرا ثانيه
شمس: جدو قراري نهائي اني مااقبل مو بس لان بسام والنعم منه رجال ومكمل دراسه وابن عمتي ومابي اي عيب بس اني اريد اكمل دراستي اريد اصير شي بالدنيا قبل الزواج لان الزواج مو كولشي اتمنى تفهموني وعمه وعمو مو تزعلون مني
الجد: والله بنتي خوش حچي والنعم ماربيت ابو شمس
ابو شمس: مشكور يابه انت الأصل هاي سمعتوا حچي شمس
ابو بسام: هايهيه بنيتي كولشي قسمه ونصيب
ام بسام: ماصار شي حبيبتي أن شاء الله تكملين دراستچ
شمس: بسام ماحچه بس كولش ضاج وسيف مااعرف ليش ضايج اصلا لعد وإذا انخطبت عادي شمدريني بس هسه صح ضايج بس  احسه مرتاح
الجد: يلا بسام أن شاء الله اذا رجعت من السفر بصحتي الا ازوجك احسن من شمس الفاهيه ههههه
الكل: ضحك
بسام: هههههه أن شاء الله جدو تسلم أن شاء الله ترجع احسن من قبل
الكل: أن شاء الله
شمس: الكل أكلوا وضحكوا صارت الساعه 10 ونص كالوا يلا نروح حتى يرتاحون ينامون كلها سلمت وراحت وبسام قبل لا يطلع يباوعلي خير شو تباوع شكو
بسام: ماكو شي بس تدرين اني صدوك ردچ الي 
شمس: بسام اني اعتبرك اخويه مااكدر
بسام: اخخخ ادري يلا مع السلامه أن شاء الله تلكين الاحسن مني
شمس: الله وياكم انت أن شاء الله تلگه احسن مني على كولت جدي اني فاهيه شسوي بيه ازوج حتى اركص بعرسك
بسام: مو كلشي شغل ترا مو على فاهيه لو نادره هههه لعد انتي خطبيلي
شمس: هاا تفيدك حمديه ام عطوب
بسام: هههه منو هاي
شمس: هاي مخبله تجي يم المدرسه مالتنه
بسام: ههههههه لعد اني اخطبچ لجبار الخبل
شمس: هههههه بااي
بسام: ااا ه باي
شمس: هذا الحچي يم الباب صار  ...... بيت عمو ابو سيف صار وين متروح ناس نايمه الجهال نامت الكل نام بقينه بس اني وقمر وفاطمه وآيات وسيف ومجتبى وحسام كعدنه بغرفه البنات لان الاستقبال نايمين بي
باوعنه فلم وحچينه
حسام: ادري شعاجبه بيچ بسام ادري اعمى وما شافچ لو سكران
فاطمه: غير حلوه هسه يجوز من نروح لتركيا اتراك يگومون يخطبوها
قمر: يمه فديت اختي الي تخبل
ايات: ليش هو وين يلكه احلى من شمس الاملح
مجتبى: اي والله تخبل بت عمي
حسام: نخطبه الك
سيف: صحيح حلوه بس مو كولشي بالحياة زواج لازم يكون الها حياتها يالا تتزوج
شمس: شكرا الكم عيونكم الحلوه بالظبط سيف هذا الي گلته والي اني اريده......ضلينه نحچي ونضحك سيف كال اروح اچيك غراضي خاف ناسي شي واجي راح الغرفه ودزلي رساله
سيف:شمس تعاي لغرفه حسام💬
شمس: ليش اكو شي💬
سيف:شمس تعاي وخلص ترا وعلي اجي اخذچ كدامهم ما استحي 💬
شمس:اووي شجاك عصبي اوك جايه💬
شمس: راح اروح للحمام واجيب كرزات من المطبخ بعد تردون شي
الكل: لا منريد
شمس: رحت لغرفه حسام ردت ادكه نفتحت الباب وجراني لداخل الغرفه يمه ها سيف شبيك خوفتني غير على كيفك
سيف: ماكو شي
شمس: اها لعد ليش صحتني
سيف: شوفي شمس طلعه من البيت ماكو تردين شي حسام يجيبلچ تندك الباب متفتحيه يجي احد ممنوع طلعيله من دون شال
شمس: اي اوك زين ليش تنطي اوامر بس إليه وخواتك ماحاچيتهن
سيف: بكيفي هذا الشي راجعلي وإذا متسوين ذني الشغلات حسابچ بعدين
شمس: اي اصلا حتى اذا مدكول ذني الشغلات مااسويهن ها نسيت ترا اني ماالبس حجاب كدام حسام ومجتبى وانت هم 
سيف: ادري زين ليش متلبسين كدامنه حجاب
شمس: حسام و مجتبى اعتبرهم اخواني لان عشنه سويه بس انت اول ما اجيت ردنا نلبس كدامك بس عمي كال لتلبسن لان يدري بينه ولد العم اخوان الصراحه اني ردت البس حتى من عرفتك ابن عمي لان مااعرفك ولا عايشه وياك بس ماما تكول اني ربيته لسيف يعني اخوچ هل مالبست
سيف: اها زين يعني اني هسه اخوچ
شمس: ها شوف انت مو اخويه بس ماما تكول اخوچ وانت ابن عمي يعني اخويه ههه
سيف: اها بسام ليش رفضتي
شمس: اهو هم نرجع لبسام سيف يعني اي واحد يجي اقبل هي شنو
سيف: لا مثلا لو تردينه اكول نزوج من اكمل مدرسه وهنه بعد ثلاث سنوات ينتظر جوز
شمس: سيف ماراح اكلك صغيره لان كلت ينتظر مو اني اكلك بسام معقد مثل أهله الا البنيه عدهم عبايه و ماكو طلعه وماكو مبايل وماكو مكياج وماكو وحده تتعين يعني عدهم المراه مثل الخدامه بس تنظيف وأطفال وبس حتى رأيهه ميهمه ولا يأثر علي اصلا
سيف: اها
شمس: اي احم انت ليش متزوج
سيف: ههههه
شمس: اشو تضحك
سيف: ماازوج الا الكي البنيه الي مثلي
شمس: هههه يعني شلون مثلك
سيف: ماادري بس بعد ليش تشوفيني كبرت وصرت شايب
شمس: ههههه ذكرتني لعمتي 22 سنه عدههه شايب لا بالعكس احلى شي والشاب يزوج 30او 28 هيچ عمر يعرف ينظم حياته ويكدر يربي أطفاله زين
سيف: اها لعد عمري يصير29 يلا ازوج
شمس: هههه بكيفك شعليه بيك عبالي هسه تزوج حتى نتونس
سيف: اي العالم تتونس واني بنشلع كلبي
شمس: لعد لتتزوج
سيف: انتي تزوجي وتونسي
شمس: شنو لا اكمل المدرسه والكي الشخص الي مثلي
سيف: ههههه شلون يعني مثلچ
شمس: ماادري بس كون يتحمل عصبيتي ومزاجيتي لان اهلي مامتحمليه
سيف: هههه منو يتحمل عصبيه
شمس: لعد ماازوج احسلي
سيف: اشاقه وياچ الي يحب يتحمل محبوبه بحسناته وسيأاته
شمس: اي والله اكلك كملت ترتيب جنطتك لو اساعدك بشي
سيف: كملت بس قمصان مااخذت لان لازم اكويهن يلا اخذهن
شمس: جيب خلي اكويهن ومن تحطهم بالجنطه لا تصفطهن حطحن هيج
سيف: لا خاف اتعبچ
شمس: لا انطيني اسويلكياهن لحد الان مامستفاد مني دا نحچي ومدري منو دك الباب ....عزا سيف الباب تندك
سيف: احم منو
ايات: اني سيف كافي خلي تطلع من يمك شمس كام يسألون عليه الباقين
سيف: اااا مو يمي شمس
ايات: ههههه سيف افتح الباب ترا ادري بيه يمك
سيف: ههههه فتحه شمدريچ
ايات: لان من طبت للغرفه اني چنت على الدرج اريد اصعد
سيف: ههه اها
ايات: شتريد من البنيه
سيف: كلشي مااريد شريد قابل
شمس: ااا يلا ايو نروح
ايات: غير اعرف اخويه شيريد منچ
شمس: انچبي كلشي ميريد بس حاجاني على بسام و على ادير بالي على اخواني و اريد اكويله قمصانه
سيف: عفيه شوشه اكويهن على السريع حتى احطهن بالجنطه
شمس: صار يلا ايو سيف تجي لو لا
سيف: اي يلا
شمس: طلعنه كويتهن اني وايو لان عدهم 2
سيف تحطهن بالجنطه هاك المهم حطهم بالجنطه صارت الساعه 2 الا ربع الكل كعد
شمس: بابا حبيبي خابرنه حباب مو تنسه
قمر: اي لتسوي بينه مثل ذيچ السفره لثاني يوم يلا خابرت
ابو شمس: صار حبيبات ابوهن
ام حسام: يلا تعالوا تريكوا
شمس: همه تريكوا وحضروا جنطهم نزلهوهن بالسيارات راحوا سيارتين لمطار النجف صارت الساعه 2 ودعماهم اباوع سيف اجه حضن ماما وباسهه
ام شمس: حبيبي ابني توصلون بالسلامه
سيف: ماما ديري بالچ على البنات والولد لتخليهم يطلعون وشتحتاجون حسام يجيب الكم
ام شمس: حبيبي وليدي بعيني لا تخاف
شمس: سلم على حسام وعلوش واخواني ومجتبى واجى على خواته اني وقمر واكفين يمهن بوسهن وحضنهن وسلم على قمر وباسه واجه عليه باسني من گصتي 😒
وشاورني ديري بالچ على نفسچ ومو تنسين الوصيتچ عليهن
شمس: اوك صار مو تنسه متخابر
سيف: ليش اكدر انام من دون مااحاچيچ مو السلامه رايح
شمس: ااا الله وياك وسلمنه على بابا وجدو من صعدوا سياراتهم بچينه ماتحملنه سيف وبابا اجوا يسكتوانا
شمس: بابا الله عليك مو تنسه متخابرنه سيف حباب دير بالك على بابا
ابو شمس: اي حبيتي
سيف: بعيني لا تبچين
شمس: بابا راح صعد بالسياره واجه سيف شاورني لا تبچين شوشه كلبي يگوم يوجعني
شمس: احجي وصوتي بي شهگه بچي وامسح بدموعي مثل الجهال اسم الله على كلبك بعد ماابچي
سيف: عفيه بنيتي يلا رايح بااي
شمس: بااي طبينه للبيت بي بس نسوان وجهال و مجتبى لان حسام راح يوديهم للمطار ويه عمو ابو سجاد وأبو مجتبى
ايو: اكلچ انتي تبچين على ابوچ لو على سيف ههههه
فاطمه: لا اكيد على سيف
قمر: هههههه اي لان بابا عادي من سافر ذيچ المرا ما بچت
شمس: انچبن كافي على بابا لان متعوده علي
ايو: زين سيف ششاورچ احنا ماشاورنه بس كاللنه دير بالكم على نفسكم انتي هواي حچه وياچ وانتى هم هواي حاچيتي
فاطمه: ياا شاورچ اشو ماشفته
قمر: اي شاورهه وحتى من اجه كبل اجه عليها ادري مو كول احنه نبچي ليش گبل راح عليه
شمس: كافي بنات ترا صدوك ضايجه اريد انام
الكل: فرته علينا وماكالت نامي
شمس: رحت لفراشي ورحت جوا البطانيه راسلت سيف
شمس: 💬سيف من توصلون المطار راسلني
سيف:💬 اي اوك بس ليش متنامين
شمس:💬 عود انام هسه ساعه واكعود
سيف:💬 اوك
شمس: نمت بس وقتت الجهاز ساعه ساعتين واكعود لان الطريق بين الحله والنجف ساعتين ....... دك المنبه كعدت اباوع البنات سابع نومه راسلت سيف
شمس:💬 سيف وصلتوا لا
سيف:💬 لا بعد ربع ساعه ونوصل
شمس:💬 اها
سيف: 💬 مانمتي
شمس:💬 نمت وهسه كعدت موقته المبايل
سيف:💬 اها
شمس:💬 هي بيش الساعه الطياره تقلع
سيف:💬6 ونص وهسه الساعه ب5 ونص بعد ساعه
شمس:💬 وصلتوا
سيف:💬 اي وصلنه خلي انزل الجنط ونشوف مكان وحتى ادوك عليج
شمس:💬 اوك اكلك بابا ماعنده نت مو
سيف:💬اي
شمس: سديت المبايل ونزلت جوا اشوف بس ماما وعمتي ام حسام كاعدات ها اشو كاعدات
ام حسام: تنتظرهم يوصلون
شمس: شلون تعرفوهم وصلوا لو لا
ام حسام: ابو سيف يدك علينا
شمس: عنده نت
ام حسام: لا حبيبه على الرصيد
ام شمس: ماما شعندچ كاعده من ساعه چنتي نايمه
شمس: وقتت المبايل حتى اعرف وصلوا شلون
ام حسام: والله حبابه وحنينه انتي وعليچ واحد يعتمد
شمس: عمتو حبيبي .... ترا سيف عنده نت
ام شمس: وانت شمدريچ
شمس: مو من چنه نباوع فلم كال كنكت على الخط حتى اخابركم
ام حسام: ها عندچ حسابه دكين عليه
ام شمس: اوكفي خاف بعدهم ما واصلين
شمس: اروح اشرب مي وانشوف هسه
شمس:💬 سيف لا دوك اني عليه اني ادوك
سيف:💬 اوك
شمس: ها ادوك عليه
ام شمس: دوكي خلي نشوف
شمس: دكيت عليه مو كامرا بس صوت📞
شمس: الو سيف 📞
سيف: الو هلو شموسه📞
شمس: هلو وصلتوا 📞
سيف:اي وصلنه 📞
شمس: اها الحمد لله على السلامه📞
سيف: الله يسلمچ📞
شمس:سيف ماما تريد تحاچيك 📞
سيف: انطينياها 📞
ام شمس: الو هلو ماما سيوفي📞
سيف: هلو ماما 📞
ام شمس: الحمد لله على سلامتكم 📞
سيف: الله يسلمچ حبيبتي 📞
شمس:عمتي هم حاجته وحاجوا بابا وعمي
راحن نامن واني طلعت بالحديقه سيف راسلني
سيف:💬 اكو احد يمچ امدر اخابرچ كامرا
شمس:💬 لا ماكو احد يمي خابر
سيف:ها شموس
شمس: هاا
سيف: شمس كومي حطي على راسچ شال
شمس: ليش صرت تركي وبعد مااعرفك
سيف: ههههه لا مو راح افتر بالمطار واحچي وياچ خاف أحد يشوفج
شمس: اها صار ها هسه
سيف: اي هايهيه
شمس: ظلينه نسولف اني ويا كال
سيف: راح نصعد بالطياره
شمس: اها يلا باي اكلك قبل لا طير الطياره خابرني حتى أحاجي بابا وانت هم
سيف: اوك صار
شمس: انتظرت ربع ساعه ورجع دكلي حچيت ويه بابا ونسد الخط لان طارت الطياره سديت المبايل ورحت نمت كعدت الساعه ب2 الظهر الكل كاعد فتحت الباب مال الغرفه حسام بوجهي
شمس: صباح الخير
حسام: صباح النور هههه
شمس: امشي ننزل
حسام: شموسه الحلوه
شمس: اي شتريد
حسام: جوعان ههههه
شمس: حتى اني امشي اسوي اكل وناكل
حسام: اي يلا
شمس'حسام: مساء الخير
الكل: مساء النور
حسام: تغديتوا
ام حسام: اي تغدينه ب 1 لان كعدوا جوعانين
حسام: اي واحنا هم جوعانين
شمس: هسه اسوي اكل اصبر وصلوا لا
ام شمس: اي وصلوا وخابرونه وابوچ وسيف سألوا عليچ
شمس: اها الحمد لله هسه اخابرهم ..البنات يباعون بشك عود لان سأل عليه
قمر: يوم لعد اني ماسألوا عليه بس الله عليج الصدوك
ام شمس: اي بس ابوچ سأل عليچ
حسام: يلا شمس طكني الجوع
شمس: اي صار تريد غده ريوگ
حسام: غده
شمس: اوك اروح احمي
حسام: اوك روحي
شمس: رحت حميت الغدا وسويت زلاطه ولبن حسام حسام تعال
حسام: اي عفيه تعاي تغدي
شمس: اي طبعا اتغده ميته جوع
حسام: اكلي صايره چنچ بقره
شمس: من ساعه چنت شموسه الحلوه
حسام: مصلحه وخلصت
شمس: اها اني العصر تصير مصلحتي يمك واجي اتلوگ
حسام: هههههه
شمس: خلصنه غدا وغسلت المواعين وخابرت سيف وبابا حاجيتهم وصار العصر اخواني وحسام طلعوا وحسام راح يتسوگ ويجيب خبز و يجيب النا حبشكلات
صار الليل تعشينه وسهرنه بس كولش مفتقدين سيف ومشتاقتله كولش صار وقت النوم والكل نام راسلت سيف ماجاوب نايم من التعب اكيد ........يتبع
_________________________________
تابعوني وضغطوا على النجمه ⭐
بااااي 👋⁦❤️⁦❤️⁩