سيف الشمس

البارت الثالث

تجي ابالي ثواني شبيك وتطير
هلك ربوك قابل وي عصافير

القصه خيال ⁦🕊️⁩💜
قراءه ممتعه🖤🌹
.....................................................
سيف
اني سيف ابن محمد عمري 25 سنه دكتور
شكلي كلش حلو (تبا للتواضع) عيوني زرق على امي الله يرحمه ماتت وهي تولدني (هسه اسولفلكم قصته) طويل كلش طولي 185 سم وعندي عضلات وحيل مهتم لجسمي حنطاوي على ابيض يعني حلو
ابوي اتزوج امي من جانو عمرهم 19 بالكليه
ابوي من بابل الحله وطلعله كليه ببغداد امي جان شكله كلش حلو(شايفه بالصور) وعيونه زرق مثل البحر  ابوي حب امي بس جدي ماقبل يخطبه اله لان من غير طائفه بس ابوي يحب امي وهي تحبه وهي يتيمه عايشه بيت جده خطبه واتزجوا من دون موافقة أهله بس هو ماعنده امكانيه يشتري بيت ولايگدر ايجر فكعد وياهم وره شهرين من زواجهم امي حبلت بيه ابوي أخذه وراح لأهله وكللهم اتزوجته وهسه هيه حامل بس جدي ماقبل بيه وكله منين ماجلته رجعه ابوي ضل مزوج امي ومن صار وقت ولاتي راحت للمستشفى وهي تولدني ماتت بس اني طلعت أشبه كلش ابوي بوكته اخذني لأهله وجدي ماقبل اعيش يمهم وبيبيتي الله يرحمه كلتله اني اربي عوفه بس بعد حكم القوي ع الضعيف ماقبل ورجعني يم بيت جدي أهل امي وبيبيتي ربتني لمدت سنه وماتت الله يرحمه وبعده ابوي ميكدر يسوي شي فوداني لحضانه حكوميه وهم ربوني لحد ماصار عمري اربع سنوات ابوي اخذني  لجدي بلكت يحن عليه من يشوفني بس چان العكس وجدي بوكته كله لابويه تخلي هنا بس ع شرط انو تتزوج لان جان بوكته ابوي رافض فكرت الزواج لان يحب امي ابوي بوكته قبل واتزوج وبهذا الوقت عمامي چانو مامزوجين فتزوج وجاب مرته على البيت هي المره ابد مااذتني  بس جدي آذاني اوكع انفشخ محد علي بيه وبيبيتي دارتني بس مو ذاك الكد لان مابيه حيل تركض وره زعطوط وره ثلاث اشهر مرت ابوي حبلت
ومن جابت اني هنا صار عمري خمس سنين هملوني بزايد وصرت يوميه مريض ملوا مني فاابوي رجعني للميتم بس وداني ميتم اهلي لان صار عنده امكانيه وضليت هناك وأبوي بين يوم ويوم يجيني وضليت هناك حد ماصار عمري 7 سنوات عمي ابو شمس اتزوج قبل عمي بهاء لان عمي بهاء كان يدرس وأبوي بوكته اخذني لعرس عمي وضليت يمهم ثلاث ايام ام شمس بوكته شافتني ابچي لان چان عند اختي فاطمه جبس واني ماعندي بوكته اخذتني غسلتلي وانطتني جكليت وجبس وسكتت وكالت لابوي خلي عندي اني إداري لان حبتني
وچانت حيل تحبني حته من جدي يضربني هي دافعلي وتكله ابني مااقبل تضربه وسجلتني بالمدرسه وگامت تقريني واني كمت حيل احبه وره سنه وشكم شهر حبلت وهنا كان عمري 8ونص وبقت تداريني وماقصرت وياي حته گمت اصيحله ماما
وجابت واني عمري 9ونص وهم بقت تداريني وتحبني واني كمت احب شمس حيل لتخليني اشيله وتحطه بحظني يعني خببتني بيه حته ما اغار منه وصار عمري 11سنه وشموسه عمره سنه ونص عاد حبلت مره ثانيه وهنا ابوي حس بتأنيب ضمير وكاللهه ارجعه للميتم لان شافه هامله نفسه وبته وهي حامل يعني انضغطت بوكته هي ماقبلت بس هو عاند اله اودي وداني واني ابجي عليه وهي تبچي ونوب كانت تجيني هي وعمي بس متجيب شمس واني كلتله نوب جيبيه وياج كامت تجيبه وياهه وطبعا بهاي الفتره عمي بهاء تزوج ومرته حامل وبعدين مرت عمي ام شمس جابت قمر وبعد متجيني بين يوم ويوم گامت تجيني بالاسبوع مرتين ومرات تأخذني ابات يمه شكم يوم وصار عندي 3 اخوان من ابوي بس اني احب شمس وقمر أكثر من اخواتي لحد ماصار عمري 17 سنه وعمي شال من بيت ابو وكعد ببيت بوحده بس قريب عليهم وكمت اروح الان يمهم ومن صار عمري 18 سنه كلت الابويه اريد اروح اكمل دراسه بتركيا وبلبدايه عارض بس بعدين اقتنع ورحت ودعت امي الي هي ام شمس ورحت لتركيا بس صرت اخابرهم وأبوي اجه مرتين لتركيا واني اروح وارجع للعراق بس حته لامي مااروح مااريد اتعلق بالاحد المهم لحد ماصار عمري 25 سنه ومره ابوي خابرني
محمد ابو سيف: الو السلام عليكم شلونك بابا
سيف: وعليكم السلام زين انته شلونك
ابو سيف: زين الحمد الله بويه عندي موضوع مهم وياك انته فارغ ماعندك شي هسه
سيف: اي بابا فارغ تفضل شنو الموضوع
ابو سيف: سيوفي بابا جدك يريد يشوفك
سيف: هههههه صارله 25 سنه ناسيني شنو اجيته بالحلم ويريد يشوفني
ابو سيف: وليدي مو وكت ضحك جدك بي سرطان ومنعرف شوكت يموت تعال خلي يشوفك
سيف: والله يابه اني مو وكت الي يريدني اجي وكت الي يكول روح اروح وثاني شي اني اعرف عليمن يريد يشوفني لان ضلمني هواي ويعرف لو مو هو چا هسه امي عايشه بس لان تعبت وحالته النفسيه هم تعبت ماتت  ويريد اسامحه مو والله يأبه لو يكلولي باجر راح يموت مااسامحه واني اعتذر منك اذا ضجت من كلامي بس هذا واقع حال 
ابو سيف:هاهيه يأبه براحتك مع السلامه
سيف: الله وياك..... هههههه يريد اسامحه خلي اخابر امي اشوف شنو السالفة
سيف: الو هلو حبيبتي ماما شلونچ والله كلش مشتاقلج
ام شمس: هله بيك حبيبي وليدي اني زينه انته شلونك اني هم مشتاقتلك بس مااكدر افتح كامرا هسه
سيف: عادي يمه ادري شبي جدي الله يرحمه ههههه
ام شمس: ههه ولك عيب ميصير خطيه مريض وراد يشوفك ويريدنه احنه وانته نسامحه
سيف: هههه عرفت يمه هو شبي
شمس: ماما بابا يكول وين قميصي يريد يطلع بتسوق
ام شمس: ادري ياماما متشوفيني دا اخابر
شمس: ويه منو تحچين
ام شمس: ويه خالچ
شمس: اووف كليلي وين القميص
ام شمس: القميص مامكوي اخذيله البدي النيلي
شمس: ادري هو رجلچ لو رجلي كومي انتي انطيها واني احجي ويه خالي
ام شمس: تريدين رجل امشي واي انطيهيا عسريع
سيف: هههه ماما هاي شمس
ام شمس:اي حبيبي صايره خبله
سيف: والله ماما مشتاقله ههه تذكرين من چنتي تحطيه بحضني حته مااغار منه اكلچ يمه هي تعرفني
ام شمس: ههههه اي حته متغار منه لا متعرفك الصبح جدك كال خابرولي سيف كله اخوانك وشمس وقمر ماعرفوك ضلو يسألون
سيف: يمه مشتاقلج انتي وعمي وشمس وقمر واريد اشوف زعاطيطچ الجدد
ام شمس:هاي كلمه زعاطيطچ مثل كلمه شمس من اكله سوي شغله تكلي زعاطيطچ انتي حيري بيهم
سيف: هههه يمه لعد اني راح اجي اريد اشوفكم
ام شمس: يمه صدك اهئ اهئ (تبجي)
سيف: ماما حبيبتي ليش تبچين خلص مااجي
ام شمس: لا ولك تعال يمه حباب اريد اشوف الدكتور اني حبيبي رفعت راسي ربيتك وماضاعت ترباتي بيك يكلبي
سيف: هههه يمه خلي يتوسلون بيه بعد واجي اشوي ابيع ثكل عليهم
ام شمس: ماما يعني تسامح جدك
سيف: ههه طبعا لا بس اجي اشوفكم واشوفه
ام شمس :هله بيك يكلبي
شمس: ها ماما مو كلبچ وبعدن صارلج ساعه تحچين ويه خالي اليوم منين نزلت المحبه
ام شمس: لا مو هاي خالتچ اجتنه ومالكتنه بالبيت وخابرتني
شمس: بكيفج حبيبتي اشاقه وياچ ضلي ويا اهلچ منا لباجر بس زعاطيطچ راح يتيهون بالمنطقه وترسوا روحم تراب لا يكوملهم جدي يعفسهم عفس يموت على التراب يله راح يموت وخلي يشبع تراب ههههههاي
ايوته: ولچ تعاي شمس اروح للستقبال نكعد عمي احمد بمي
شمس: ها هااهههاي (ضحكه شريره) يله امشي
سيف:هاي منو ماما
ام شمس: هاي ايات اختك الصغيره
سيف: هاا اوك يله اني اروح لا تجي شمس مره ثانيه وتكلي أخذت امي
ام شمس: خلي تولي اني امك قبل لا اصير امه براحتك حبيبي ماما
...................................
العراق_ بيت الجد
الشباب،البنات: منو سيف
ابو شمس: ابن عمكم
الشباب البنات: يعني ابنمن
العم بهاء: اسكتووواااااا كافي اسئله خلي نفتهم (طبعا هو حيل عصبي)
الكل سكت
العم بهاء: بعد محد يحچي بالموضوع وخاصتنا انتن النسوان لتكوللهم شي
النسوان: اي صار
الجد:محمد كوم خابر سيف
العم محمد: طلع بره يخابر وعرفتوا👆👆
بويه ميقبل يجي 
الجد: إذا مااجه اغضب عليكم كلكم
العمام: لا يجي نخابره بس لاتضوج
الجد: يلا روحوا
.............بعد مرور يومين
العمام كاعدين وحدهم بالاستقبال
ابو سيف: راح اخابر سيف صوت وصوره
الكل: يله
ابو سيف: الو السلام عليكم وليدي شلونك
سيف: وعليكم السلام زين الحمد لله انته شلونك
ابو سيف: وهو عيونه مغورقه(🥺) يعني بيهم دموع والله ياوليدي ابوي راح يغضب علينه ويموت وهو زعلان لان ما شافك
ابو شمس: السلام عليكم سيف شلونك
سيف: هله عمي زين الحمد لله انتم شلونكم
العم بهاء: والله ياعمي موزينين واحنه انشوف ابونه يريد يموت وهو غضبان علينه
العم احمد: شلونك سيف تعرفني
سيف: لا بس يمكن عمي لا تشبهم
العم احمد: كام يبجي لان ابن اخو ماعرفه
وماعاش وياهم وهو يذكر ولد اخوانه الباقين شلون يحبونه لان يشاقه وياهم هواي
سيف: عمي ليش تبجي اشاقه وياك عرفتك انت عمي احمد
العم احمد: سيف حبيبي تعال وطزز بالباقين حته ابوي لتشوفه تعال يمي خلي ولد عمك واخوانك يعرفوك
سيف: هههه عمي والله شلون سالفه تخبل اكلك عمي اني حبيتك ورح اجي للعراق ركض
العم احمد: ولك لتصير غبي إذا اجبت ركض تتأخر تعال بالطياره
سيف: عمي صدك جذب اني دكتور شلون تكلي غبي ياعمي
العم احمد: كوم كوم حضر ملابسك وغراضك وتعال
(وهنا طب حسام),
حسام: السلام عليكم شنو منو راح يجي
الكل: وعليكم السلام
حسام:هسه ماكلتوا منو راح يجي
العم بهاء: اخوك
حسام: عمي اخوي دا يلعب شيلم ملابسه هو هنا
ابو شمس: تعال عمي سلم ع اخوك سيف
حسام: يعني سيف الي تحچون علي ذاك اليوم هو اخوي
العم احمد: اي دتعال سلم علي
حسام: وهو يباوع للموبايل من دون مايسلم
هذا اخوي يمه يخبل بابا هذا ممثل اجنبي لا هذا عراقي شكله عراقي مو مثل الأجانب مايع اكلك انت اخوي
سيف: هههههه شبيك اني عراقي ولك انت ليش متسلم
حسام: هذا يحجي عراقي ليش اني من شفتك ماعرفت اسلم صدك السلام عليكم
سيف: بعد وكت وعليكم السلام
حسام: بابا إذا هذا اخوي شلون سوسديته هيج حلو واني اسمر ضعيف جني عوده ادري چا سويت مثل ماسويت من خلفت هذا
ابو سيف: ولك اتأدب بس هذا مو من امك يالغبر
سيف: هههه شبيك خويه غير انته تخبل
حسام: ولك منيلي اخبل الكلك خويه لا تجي هنا يموتنك البنات
سيف: هههه اني دائما بالعراق ادري شكو بي
حسام. اكلك بابا اني أصيح لآيات وفاطمه وشمس وقمر يشوفن هذا الصاك خطيه
سيف: هههههه شمس اعرفه بس ذنيجه مننه
حسام: ليش وين تعرفه لشمس يعني هي تعرفك
سيف: لا حبيبي متعرفني بي اني ربتني ماما ام شمس
حسام: اكلك يعني ابوي جان مزوج ام شمس
ابو شمس: يمه البطل مال الببسي شمره علي ولك الغبر وخر منا زعطوط عود احترمناك وكنالك بس انت مو مال احترام
حسام: اخ اخ شبيك عمي هسه اني شكلت
وبعدين هاي مال انته مو متل احترام ماخذه هاي الجمله من شمس كل ما احاجيه تكلي انت مو مال احترام
اكلك خويه سيف انطيني رقمك حته اخابرك لان عمامي وأبوي ميحترموني بعد ميحچولي قصتك
سيف: هههه راح انطيك اسمي على الفيس وراسلني (......)
حسام: اي عفيه خويه احترمني لان الباقين ميحترموني
سيف: هههه لا لازم يحترموك اكلك صدك انته شنو اسمك
حسام: الله اني اخوك ومايعرف اسمي اسمي حسام
سيف: حبيبي حسوو
العم بهاء : ها سيف هسه متجي
سيف: لا راح اجي بس مو علمود جدي راح اجي علمودكم والله حته جدي مميزعل منكم وهم مشتاق لامي  واريد اتعرف على اخواني وولد عمي
الكل: هله بيك
سيف: هسه راح احجز اول طياره
حسام: وهله هله راح يجي اخوي حزام ضهري
سيف:هههه أن شاء الله حبيبي
العمام: ههههه يله حبيبي روح احجز طياره وتعال
سيف: يله رايح احجز
الكل: توصل بسلامه وكوللنه شوكت تجي حته نجيك للمطار
سيف: لا ماكو داعي اني اجيكم بس انطوني العنوان مال بيت جدي
ابو سيف: حبيبي اني اجيبك من تجي يله روح
سيف: اوك بابا يله مع السلامه
الكل: الله وياك
............................وبعد مرور يومين
سيف: الو بابا شلونك
ابو سيف: هله حبيبي شوكت طيارتك
سيف: بابا بعد ثلاثة أو أربعة ساعات واوصل للنجف
ابو سيف: توصل بسلامه وليدي راح نجي اني وحسام جلب اله اجيب اخوي خابصنه
سيف: هههه يله لعد تعالو وديرو بالكم من الطريق
ابو سيف: توصل بسلامه حبيبي
سيف: الله يسلمك
................................
ابو سيف: اكلك بهاء حسام راح يجي منو يروح وياي نجيبه
العم بهاء: روح انت وأحمد وحسام لان يريد يروح
ابو سيف: اوك رايح لااحمد وراح اكعد حسام
حسام اكعد  يله نروح ليسف للمطار
حسام: اي كايم
............................... في المطار 
سيف: نزلت وأخذت جنتي ورحت انتظرهم خابرني ابوي ورحتله سلمت عليهم
وحسام شبكني حيل ويكلي اخوي والله احبك واني هم حضنته حيل وكتله واني
هم أحبك
حسام: امشي نروح للبيت هسه البنات يكيفن بشوفتك
سيف: (وهم يمشون يحچون) هنه يدرن راح اجي
حسام: لا محد يدري
سيف: يعني امي متدري
حسام: لا متدري بس شلون سوت دولمه تخبل هاي شمس من البارحه تصيح اريد دولمه ولك وتكللهن لحد يسوي خلي امي تسويه والله فلا تستحي
سيف: اذكر شمس قبل جانت بس تتبچبچ
حسام: هههه اي هي لسه ام دميعه
ابو سيف: يلا اصعدوا
صعدوا وهم بالسياره حسام كال شوف راح اخابر شمس اضحك عليه
سيف: شنو عده خط شعجب جدك قبل
حسام: لا معلي بس راح اخابره ع النت
الوو شمس العوبه
شمس: الو استغفر الله يعني انت بالبت مااخلص منك ومن طالع هم
حسام: اووي عيني على كيفچ اكلچ وين الكروب مال السحارات مالچن
شمس: اهووو حسوو ولك مو محترمتك أنت مو مال احترام
حسام: اي بله هاي الجمله حفظته
شمس: اكلك حسام انتم وين رحتوا بالعباس إذا مااجيتوا اكل الدولمه وحدي
حسام: طلعت اتونس عيني
شمس:بله بشرفك صور لي وين انته
حسام: يله فتحي كامرا
شمس: خايب اسكت فاتحه كامرا بس حاطه ايدي عليه
حسام: لعد متوخرين ايدچ لو خايفه احسدچ
شمس: دروح اكلك هذا المكان وين اشو حلو
حسام: والله ياشموشه مااكدر اكلج يله باي راح نوصل
............................ بيت الجد
شمس: ماما وين راحوا
ام شمس: ماما روحي من يمي اني شمدريتي
كملت الدولمه وخلته ع الطباخ
وكاعدين كل احنه
شوي وطبوا عمامي وحسام وواحد منعرفه
.......................
٢١٥٢ كلمه
.....................
شنو تتوقعون رده فعل شمس والباقين ؟
وشلون راح يكون اللقاء؟؟
...................
كلش هواي كتبت تفاعلوا رجاءا لان والله القصه كلش حلوه. وتتستاهل
باي