خرجت وسط الزغاريت و يما فرحانة بيا وخاوتي كامل مداورين بيا ... راجلي جاي مالبعيد يخزر فيا ... آه يا حمزة علاش زهرك طيحك فيا 😔 تنهدت و ركبت الطوموبيل و هو شادني من يديا شاف معايا مليح و قالي وتشبيك ماراكيش مليحة قوتلو القلقة تع توجاد العرس هاذا مكان ... قالي معليش دوك ترتاحي معايا أنا راجلك و ان شاء الله نتهناو مع بعض ... كلامو كان كيف الموس كل دقيقة يزيد يغرسو اكثر و اكثر في قلبي 😔 نزلنا للدار و فتحلي الباب و قالي اتفضلي لدارك و قولي بسم الله و قبل ماندخل هزني رفدني قالي واش منيتك راكي حاسبة رح تدخلي تمشي ❤ لللا ❤ تعرفي واش هو المعنى تع الحب بعد الزواج انا وليد حلال و ان شاء الله يقدرني ربي و نفرحك مالغري تزوجنا تقليدي بصح نحس روحي نعرفك من سنين .... و انا قلقت و حبيت نستفرغ حاشاكم من الخوف شافني صفاريت جمعني فوق السرير و رش عليا شوية بارفان و قالي دوري نحيلك لاغوب راهي مزيرة عليك باينة غماتك ...نحاهالي و قعد يضحك قالي وشبيك خايفة تقولي رح نقتلك ...يا حسرااا دوك تكتشف الحقيقة المرة و رح تقتلني تع بصح.... 😔 ... علقو
