قالي وش هاذا ! واش راكي ديري هنا فشمبرتي اخرجي عليا قوتلو شوف مليح انت رك هنا عندي فشمبرتي !! ناض قعد فالفراش و قعد يستغفر قولتو سكران و تستغفر يا حليل ! شاف فيا و اقعد يضحك و رجع رقد حدايا و قالي باي باي غدوة ان شاء الله !!! قعدت نضحك و غلبني التعب و الرقاد حتى نضت و نوضتو قوتلو وقت الخدمة نوض حسيتو حشم مني و قالي سامحيني لي رقدت هنا قولتو معليش يا انت راجلي ! قالي بالاك تصدقي بلي انا راجلك اوكي ... البسي قشك نروحو نطلقو دوكا ... لحمي تشوك ... لبست قشي وانا نبكي فاجئني ماكتدنتش متوقعة ليوم نطلق ... قبل مانخرجو مالدار قالي حبيت نصارحك .. راني حاس روحي والفتك .. حاس روحي حاب نافونسي انا وياك و نعطي لرونا فرصة ... حاس روحي نغير عليك و خطراتش نحب ننسى الماضي تاعنا في زوج ... مي نخاف نضلمك ... انا انسان موسوس نخاف كون ترجعي لحبيبك ليضيعك .. نخاف تخدعيني ... نخاف تخيبي الامل تاعي ... امشي قدامي .. غاضتني عمري كان عندي امل بلي يقدر يعطيني فرصة ... الله غالب هاذا مكتوبي و هاذا زهري .. رحنا المحكمة و اطلقنا بالتراضي رجعت لدارنا و هو بعد يامات سمعت بيه راه يخدم كواغطه بش يهاجر لفرنسا عند خوه ... تعلمت بلي فهاذ الدنيا كل واحد يدفع الثمن بطريقة او بأخرى و الدنيا تدور و الفاس طاح فوق الراس ... معليش .. ربي يغفرلي و يغفرلو ... و يعوضني و يعوض قاع ليخسر و فارق فحياتو .. الدنيا مازال قدامنا و ماشي لازم نظلو نبكو على ليفات خاطرش ليفات مات و المستقبل هو الأهم ... شكرا لانكم سمعتو حياتي نحبكم بزاف خديجة ❤
البنات لكانو متوقعين انو يرجعوا نحب نقلكم بلي هاذ الصوالح تصرا غير في الكرونيكات باسكو كاين شي بنات يتاثرو بزاف بلكرونيكات وديرو عفايس و يقولو ذرك يسامحني حابيت نقولكم بالي الراجل الشرقي حبيبتي يسامحك على كلش غير شرفك وميحملش هذيك لي يقولها 2 كلمات تروح تبحر معاه حتى لوكان عاقد عليها حباباتي حبيت نقولكم مكانش اغلى من الشرف في هاذي الدنيا هو الحاجة لي تخليك تمشي وراسك مرفوع قدام الناس مهما كان مستوى تاعك
بالمختصر متكونيش كقطعة الخبز مرمية لمرعليك يبوسك ويحطك فوق حجرة
