سمعت صوت تع طفلة تقول ... ألو و انا نقول بصوت متقطع ألو شش..كوو.ن؟ هيا تقولي واش مكفاكش ديتي واحد على حبيبتو و زايدة تعيطيلي ليلة دخلتكم بش تزيدي تقتليني؟ و تبكي بالشهقة حتى نطق هو قالهاااا لا لا انا راني بغيت نبشرك بلي مرتي ماشي عذرااا مرتي ماشي عذرااا خليت القح** تاعي و ديت القح**ة تع غيري ... خليت لي دارت معايا كولشي و ديت لي دارت مع و حداخر كولشي ... لعبت بيك و ربي عطاني وحدة لعب بيها غيري ... و اخزر فيا قالي خلاص روحي ... رجعت للشمبرة زدت بكيت حتى نشفو دموعي ... و اقعد يحكي فالتيليفون معاها و انا منكذبش عليكم حسيت بنوع من الانتقام ... حسيت روحي انتقمت من جنس الرجال لي شفت منهم غير الشر في حياتي ... حسيت روحي و لأول مرة مش مذنبة حسيت روحي ممكن نكون ضحية غبية ماش مذنبة و نستاهل ... جا دخل للشمبرة عندي و ارقد عادي كانو ماصرا والو .... و بدا يحكي غير بشوية قالي ...خديجة....رح نصفي الذنب لي درته معاها و نستر عليك مانقولهمش لقيتها مش عذرا و ممبعد نطلقك... بديت بكي و قولته ربي يستر عليك كيما سترت عليا معليش نكون مطلقة خير من يتبرو مني والديا كون يعرفوني واش درت في روحي .... قتله و هي مش راح ترجعلها؟؟... تنهد و قالي منيش عارف نهار ليخليتها كانت اونسانت عطيتها 10 ملايين بش طيح لبيبي و روحت معاها و مين خرجنا من لكابين قوتلها الله يسهل عليك... واش! قتلك ابنك ؟😔😓 علاش حرام عليك ... قالي خديجة الدنيا هاذي موسخة ... وسختني انا... و هي ... وحتى انتي ... مبغيتش نجيب ولد بذيك الطريقة و اصلا يما مقبلتش بيها قاتلي يا انا يا هي ... بغيت نخليها و ننسى كل شي و نطوي الصفحة و ندير الحلال مالغري انا ماشي ولد حلال كيما كذبت عليك قبيلا ... خزر فيا و...
