قرب مني و انا نبعد فيه و نقولو ... حمزة راسي راه يوجع فيا راني نعسانة معليهش تخلي حتى غدوة الصباح... شاف فيا و قالي واش بيك ترجفي ؟ واش كاين قتلو لا والو غير الستراس تع العرس و الموسيقى تع لاصال وجعتني في راسي... قالي نورمال رانا كامل كيف كيف و زاد قرب ليا و بدا يتلمس فيا و انا خلاص استسلمت قلت لي رح يصرا يصرا خليه يعرف 😔😔 المهم قعد غير يحاول و يحاول و مكان والو و زاد تأكد مين بديت نبكي و نقوله خلاص تعيش خلاص انا مش عذرا خلاااص 😔 حبس كولشي و اقعد بحذايا و صدمتني ردة فعله لبس رجع لبس الكوستيم تاعو واقعد يضحك و يبكي و يقولي ياااااحسراااه حتى ناض للصالة تكسل فوق الفوتاي و انا نطل عليه مالبعيد و خايفة ميتة قلت خلاص رح يجيب الموس و يذبحني 😓 حتى شفتو جبد تيليفون قلت رح يعيط لبابا قالي خديجة ارواحي جيت نتمشى و نشهد قلت هاذي آخرتي و بقا غير يعيط فتيليفون لوحد نيمرو وحطلي التيليفون فوذني و قالي احكي مين يرفدو علينا و
