Second Chance of Love

Chapter 26.1

Present..

"PARE salamat..."

"Ano ka ba ayos lang yon," sagot naman ng kaibigan niyang si Troy.

Inilibot niya ang mga mata sa loob ng bahay, si Troy ang nag-asikaso nito mula sa design at furnitures. Satisfied naman siya, napakaaliwalas kasi ng loob. Very spacious ang living room at tama lang dahil may kasama siyang bata.

"Daddy, are we gonna live here?" tanong ng anak niya at niyakap ang binti niya. Kumikislap ang mga mata nito.

Napatawa siya kita niya kasing tuwang tuwa ito."Yes baby dito na tayo titira. Ayos lang ba sayo?"

"Yes daddy, i love it here. Daddy when can i see my cousins?" tanung nito kaya nagkatinginan sila ni Troy.

Tumikhim muna siya at tumalungko sa harapan nito. "One of this days baby, marami pa kasing aasikasuhin si daddy eh." 

"Okay daddy," sagot naman nito sa inaantok na tono.

Binuhat niya na ito. "Do you wanna sleep na baby?"

Tumango tango ito at ipinatong na ang ulo sa balikat niya.

"Patulugin mo muna si baby katie pare," wika ni Troy sa kanya.

"Sige."

"Tito troy good night." katie murmured.

"Good night din baby."

Umakyat na siya ng hagdanan, alam niya na ang pasikot-sikot sa loob ng bahay dahil pinapadalhan siya ng mga pictures ni Troy. 

Napangiti siya, pati ang silid ng anak niya tamang tama lang sa edad nito. Siguradong magugustuhan nito ang silid nito. Mga disney princesses ang nakalagay sa wallpaper na favorite ng bata.

Binihisan muna niya ito ng pantulog and tucked her in bed. He leaned over to press a soft kiss on her cheek, breathing in the endearing young child smell of her and counting himself lucky to have her in his life. Kahit nahirapan siya at maraming pinagdaanan hindi siya nagsisisi maging parte ito ng buhay niya.

"Good night baby," bulong niya rito at itinaas ang kumot nito hanggang dibdib bago ito iniwan.

Nadatnan niya sa salas si Troy, nakaupo ito sa sofa. 

"Pinaalam mo na ba sa ate mo ang pagdating mo?" kapagkuway tanung nito matapos niyang maupo sa katapat nito.

"Hindi pa, baka one of this days bisitahin ko na lang siya." sagot niya at nagkibit balikat.

"Sure ka?" tanong nito at parang hindi makapaniwala. Casual siyang tumango.

"Sabagay, hindi naman maiiwasan na magkita kayo nun because you and her are related by affinity."

Tumango na lang siya. "Ikaw kailan ang kasal?"

"Wala pang petsa dude, kakaproposed ko palang eh." 

"Ah, mabuti at sinagot ka at hindi ka tinakbuhan." tudyo niya rito.

Napatawa ito. "Dude ano ka ba nagbago na ako." anito at nagkamot ng ulo.

Napatawa na rin siya. Mayamaya pa ay nagpaalam nito dahil lumalalim na ang gabi inihatid niya ito sa sasakyan.

Bago siya pumunta sa sariling kwarto ay inilibot niya muna ang sarili sa loob ng bahay. Sa totoo lang naman ay wala na talaga siyang balak na umuwi pa kung hindi lang dahil sa trabaho hindi talaga siya uuwi.