بسمـ الله الرحمن الرحيم ...
#ثم_ماذا_بعد_السحاب ☁⚡
لـ آية الفاضل
#الغيمة_الاولي
" وتهدينا الحياة أضواءً في اخر النفق ...تدعونا كي ننسي الماً عشناه "
#مشهد_بداية
فاطمة:- ي سلمي ...ي سلمي الله يرضي عليك قومي .....ي دكتور هي مالها بس ورينا الحاصل عليها ..💔💔
الدكتور :- مغمي عليها ....الحصل ليها شنو ..لو سمحتو زحو ادوها مجال تتنفس ..وانتظرونا برة ...
الممرضة :-هي مالها ..اخر شي حصل ليها شنو ..!
فاطمة:-جاها خبر وفاة ابوها ...وبقت ساكتة لمدة 5 دقايق وفي الاخر وقعت مننا وداخت💔💔
الممرضة :-طيب ..الدكتور حيطمنكم اسه ...خير ان شاء الله ..
بعد ربع ساعة
الدكتور :-الحمد لله ..فاقت ...المريضة مصابة بانهيار عصبي ومحتاجة راحة...علي اذنكم ..
فاطمة :-ي دكتور حناخدها البيت متين..?
الدكتور :-خلال ساعات ان شااء الله ...
فاطمة :-ان شااء الله ..
الممرضة :-انتو تقربو ليها ....
فاطمة :-نحن صحباتها وجيرانها ...
الممرضة :-...ايوااا كويس
فاطمة :-نقدر نشوفها اسه ..
الممرضة :-ايوة اتفضلو ليها .. والبركة فيكم ..
فاطمة :-ف الجميع ان شااء الله 💔
............
.......:-الغرفة كاتمة انا ماقادرة اتنفس ي فاطمة.....جيبو لي ابووي 💔💔💔💔💔رجعووني البيت ....ابوي بكون جاا من الشغل ..فاطمة سوقيني البيت ..ارح نمرق من هنا ارح ي فاطمة ارح ي لينا انا عايزة اشوف ابوي 😭😭😭😭💔
فاطمة :- سلمي حبيبتي استهدي بالله ...واتصبري ..الدنيا فانية ومافيها شي بيبقي 💔..ابوك ف الجنة ان شااء الله....
سلمي :-ابووي ي فاطمة راح وخلاني 😭😭😭😭😭😭💔
فاطمة :-اهدي اهدي ...اتصبري ..تعالي اقرا ليك قرآن ...وحنطلعك من المستشفي بعد شوية بس اهدي💛💛
وبعد ساعات ...فاطمة ولينا اخدو سلمي علي البيت...
#الرواية
انا سلمي ..22 سنة ..خريجة ادارة اعمال ولسه م اشتغلت ...فتشت عروض كتيرة للشغل بس مالقيت ...انسانہ بطبعي ماعندي الرغبة الشديدة ف الحاجات يعني مستعدة اقعد ف البيت بلا شغل ....م كسل مني لابس م بحب الناس 💔💔ولا بحب اختلط مع الناس ..ولا بحب الجري ولا المواصلات بحب بس اقعد ف البيت اكتب واشرب شاي سخن 🍵واقعد مع ابوي 💛...حتي امي واختي مابقعد معاهم كتير لانو ونستهم كلها مناسبات واعراس وانا م بحب اسمع ااي شي من دا 💔...حتي اولاد اختي لمن راجلها يسافر وتكون قاعده معانا انا بتضايق من جوطتهم ...مش مابحبهم لا دا انا بحبهم شديد شديد 💛💛💛ولو واحد منهم اتجرح بالغلط بحسها فيني يعني زي امهم ...الخالة ام ..💛..بس انا مابحب المواضيع الجايطة ف البيت ...وحدي الدكان امش اجيب حاجة للبيت ولا بسكويت للعيال ....شخصيـہ غريبة صح 😔💔زي ماتقولو النوع البارد ...لكن ف نفس الوقت لو زول قال لي كلمة ماياها ولو بالغلط ببكي يعني حساسة درجه اولي ..💔💔
مابحب الاجتماعيات حتي الجامعه دي مررتها كيف الله اعلم ..كنت من البيت للمحاضرة وان بالغت الكافتريا حقت الجامعه وبسوزاتو ف الكافتريا ...بكون شايلة معاي سندوتشاتي من البيت ..باكلهم هناك وبس ...وبعد اكل بركب سماعتي واقعد اسمع ف مصطفي سيد احمد 💛 ....اصلي مابحب اغاني الجوطة بتاعت اسه دي ابدااا ابداااا ...والـ 4 سنة حقت الجامعه دي مرت من غير ااي اصحاب...ااي جادة من غير ااي اصحاب ..كانت كلها زمالات بس (قلت ليكم انسانه م اجتماعيه نهايي 💔)
البنات ف الجامعه كانو زميلاتي وبتونس معاهم مرات واضحك مرات ...لكن الاولاد كانو بستفزوني حبة 💔💔طوالي شابكني ...ي سلمي م بتسمعينا صوتك ليه ..وانتي صوتك حلو ي سلمي ونسي معانا ...وغيرها وغيرها. ..وانا كنت بكرهه حركاتهم دي ...مافيهم واحد اصلا حاول يتكلم معاي بلطف وادب 💔💔كل طرقهم كانت مستفزة وافتكر هم عارفين انو طبعي اصلا كدا معاهم وحتي مع البنات ..💔فكنت تلقائيا مابتجاوب معاهم ابدااا واتهموني بالافتراء مع انو الغريبة ...لمن اكون نازلة سنة جديدة واقعد ف البينش اعاين للطلبة الجدد ..ببتسم وافرح وانا شايفة الفرح ف عيونهم 😊💛حتي كنت بساعد برالمتي شديد ...💛💛
اما ناس الدفعهه وغيرهم فكانو بشيلو رقمي من البنات ويوزعوه فيما بينهم لمن خلاص شلوني🤦🤦🤦🤦
الحياة كانت روتينة عندي ..حتي بعد التخريج وايام الترينيغ وكلوو ..لحدي لمن بقيت قاعدة ف البيت والروتين بقي ضعف...بس بالنسبة لي كان عادي ....
ايامي كلها شبه بعضها لحدي لمن جاا يوم وفاة ابوي 💔💔
كان صدمة بالنسبة لي ...لدرجة اغمي عليّ ...
ابوي كان كل شي بالنسبة لي ...هو البونسني وهو ابوي واخوي وصحبي وكل شي ...لكن خلاص بعد اليوم داك هو راح مني 💔💔ربنا يرحمو ...والحمد لله علي كل حال ..
يومها انا اتذكر اني دخت وساقتني فاطمة صحبتي واختها لينا ودوني المستشفي وبقو معاي لحدي لمن رجعوني البيت 💔💔.....
لحدي اسه بتذكر شكل ابوي قبل يدفنوه وبتذكر كل التفاصيل وبتذكر وش امي لحظة جابو لينا الخبر ...وبتذكر وش اختي سناء وهي حامل ف شهورها الاخيرة وكيف كان التعب باين عليها 💔💔لولا انو راجلها كان معاها .. بت
ذكر يوم العزااء وانا قافلة نفسي ف اوضه ..وفاطمة بتجي تخش علي وتحاول تصبرني ...بس انا كنت زي الصنم بس دموع بتنزل مني 💔💔....وفاطمة كانت بتحاول معاي شديد بس انا ماحاسه بشي...وكانت بتجي تقول لي اذان كدا اذن وانا اقوم اصلي وارجع اقعد ف السرير. ..وللاسف كل شخص حاول يعزيني ماقدر 💔💔💔
كان يوم صعب علي وعلي بيتنا كلو ....
لحدي المغرب كدا انا طلعت الحوش وبقيت قاعدة ف السرير وبعاين للسما۽ ودموعي دي الف 💔وانا بعاين للناس حوليني ببكو وشايفه امي منهارة وسناء حامل وماسكة امي 💔💔 واولاد سنا۽ مافاهمين شي بس ماسكين ف ابوهم 💔💔 ماقدرت ورجعت الاوضة وبقيت ببكي وناديت فاطمة وبكيت معاها وبقبت حاضناها قريب الساعه..💔
"نهاية الحلقة الاولي"
ماتنسو التصويت
