#ثم_ماذا_بعد_السحاب ☁⚡
لـ آية الفاضل
#الغيمة_الثانية
لحدي بعد شهر من وفاة ابوي حتي اتحسنت حبة .....لكن كانت الذكريات مابتفارق خيالي ...بتذكر شاي العصر حقي انا وهو ...💔💔
يعني انا اصلا انسانه ماعندي ناس كتيرة ف حياتي اشان اضحك واتونس معاهم انا كل العندي هم عيلتي وفاطمة صحبتي 💛...لكن الاعز بينهم كان ابوي هو البضحك معاهو هو البقضي معاهو اغلب وقتي لكن راح مني ..💔
ف الفترة ديك كانت اختي سناء علي وش ولادة خلاص ..فكنت انا البهتم بعيالها (عندها ولد وبت 💛) .....
لكن حرفيا ايام مابعد وفاة ابوي طوالي دي كانت ايام كئيبة جدا وكنت كل ما احس بضييق بقعد ف كرسي ابوي وادعي ليهو 💛💛 او مرات بتصل علي فاطمة تجيني وتتونس معاي (فاطمة دي جزء من حياتي 💛💛) هي جارتي وصحبتي من الطفولة وهي كل شي 💛💛...قرت اداب E واشتغلت مترجمة ف مؤسسة .....احلي شي فيها انها بتجيني مرات بعد الشغل وتقعد تبكي وتشبكني انا بايرة 😂😂💔هي مصرة انها بارت خلاص 😂💔انا مرات بعاين ليها واضحك ومرات مابرد فبتسكت براها 😂)...
مرت ايام وسنا۽ حتولد خلاص ...وراجلها كان مسافر ...اهل راجلها جوها ف بيتنا وهم ناس ظريفين شديد شديد 💛💛...وسناء ولدت لينا بنوتة ..💛💛لحظة ولادة البنوتة انا كنت حاسه بشي غريب ...وكمان بالذات لمن شلتها اول مرة 😭💛💛...انا صح حضرت ولادة اخوانها التانين وكنت بفرح شديد بشيلتهم اول مرة ..بس هي حسيتها غير غير 😭💛💛💛حسيتها جاية الدنيا وجايبة لي معاها حاجات ....وطبعا هي كانت اول فرحة حقيقية للبيت بعد وفاة ابوي فسميناها فرحة 💛💛لانها جات للبيت ف وقت محتاج يفرح فيهو...
يوم السماية ابوها رسل وضبحو ليها ....💛💛....واحد من اعمامها اشتري خروف تاني وقال دي هديتو لابو فرحة وامها اما هي فجاب ليها مستلزمات اطفال كتيرة كدا ولاخوانها هدايا برضو 💛💛...دا عم فرحة الصغير ...المحبب لاولاد اخوانو اسمو مجاهد ..اتخرج واشتغل وبقي مسؤول عن عقاراتهم ودكاكينهم عن طريق شركة مصغرة بيديرها هو ...
مجاهد طلبني قبل كدا بس انا م كنت جاهزة ولا عايزة وكمان بعد موت ابوي بقيت مامفكرة ف ااي شي 💔💔
يوم السماية ياهو كان يوم طويل عريض وتعب شديد ...كنت انا ف المطبخ مع فاطمة و لينا (اخت فاطمة الاصغر ..) 💛💛لينا برضو صحبتي كفاية انها من ريحة فاطمة 💛💛وهي لسه بتدرس ف الجامعه ....
اثناء نحن ف المطبخ . جاا۽ داخل علينا مجاهد ...
مجاهد :-من الجوطة نسيت اشرب شاي 💔وانا زول شاايي شديد ..ممكن ي سلمي كوباية شاي ...!
انا :-طبعا اكيد ...
وبقيت انا بعمل ف الشاي ...وفاطمة ولينا مرقو اشان امهم نادتهم ضروري ...
بعد عملت الشاي مديتو لمجاهد بابتسامه ...وعايزة امرق من المطبخ 🚶🚶
مجاهد :-سلمي دقيقة استني ...
انا :-ايوة. .
مجاهد :-سلمي..عمي احمد (ابوي 💔) ربنا يرحمو ويغفر ليهو كان عزيز علينا كلنا ....لكن عايز اقول ليك انا معاكم انتي وامك ...طبعا معاذ (راجل سناء) مسافر ومافيش لكن انا ف وموجود طوالي معاكم 💛💛
انا :-كتر خيرك ي مجاهد تسلم كتير اساسا مابتقصرو لا مع سناء لا معانا 😊
مجاهد ::- طيب ...الموضوع الكان بديناها قبل وفاة الوالد الله يرحمو ..انا عارف الظرف مامناسب نهايي بس انا عايز ااي حبل اتمسك بيهو او ااي شعاع ...واوعدك اني ماحعمل ااي خطوة حاليا كلو يتٲجل لبعدين بس انتي اديني موافقتك ....اا ي سلمي ..! 💛.
انا كنت بسمع ف مجاهد وانا مدنقرة راسي ...بس ماحبيت اعشمو ساي 💔💔ماحاسه اني موافقة ولا عايزة اوافق بس ماعايزة اكون بايخة معاهو وهو زول كويس شديد شديد 💛💛 وبينا نسب كمان ..فقررت اصارحو وما اعشمو ساي 💔💔
انا :-مجاهد انت زول كويس وانا بحترمك وبقدرك من زمان شديد 💛💛...من اول لقااء من عرس سناء ومعاذ قبل سنين والبينا كبير...وانت تستاهل بت الحلال الشبهك 💛💛💛....لكن انا ...انا ماحاسه بقبول ..امكن التوقيت مامناسب وامكن حاجة تانية ..💔💔
مجاهد :- فهمتك ي سلمي ..😊😊خير ان شاء الله ...وتسلمي علي الشاي الحلو زيك 💛💛علي اذنك ...
انا :-اتفضل ☺
نهاية الحلقة الثانية
