#ثم_ماذا_بعد_السحاب ☁⚡
لـ آية الفاضل
#الغيمة_الرابعه
فتحت باب المكتبة دي ودخلت ....لقيت راجل كبير و وقور كدا قاعد ف مكتب وقريب منو كولر موية ...قمت قلت ليهو :-سلام عليكم ..معليش علي اني دخلت فجأة لكن عايزة اشرب موية من الكولر لانو الجو حر شديد برة 😔😔💔
الراجل :- عليكم السلام (وابتسم) ي بتي انتي جاية من شمس تلفح م معقوله تشربي موية باردة ...كدي اقعدي وروقي حبة وبعدها اشربي مويتك اشان م تمرضي 😊😊
قمت انا قعدت ف الكرسي لاني اقتنعت بكلامو لانو فعلا كلامو صح ...بقيت قاعدة وبعاين بعيوني ومعجبة شديد بالمكتبة وطريقتها الرهيبة دي 💛💛وتاني ركزت مع صاحب المكتبة دا. ..ذكرني ابوي فورا 😨💔💔💔
ف شكلو ف طريقة كلامو ف كل شي 😭.
بعدها لقيتو عاين لي وابتسم وخلي الفي يدو وقال لي :- والله ي بتي الهجيرة دي مرقتها صعبه لكن نسوي شنو الدنيا دي غلابة ....
قلت ليهو :-فعلا والله ..لكن نسوي شنو بس الشغل الشغل😭😭💔
ابتسم ورد لي :-لقمة العيش البلاها ماف عيش ....بتشتغلي وين ي بتي ?
انا :- لا والله ي عم م شغاله لسه ..بس بفتش لي كم يوم وحفتش لحدي لمن القي ان شاء الله 💛💛
رد لي :- ايووة كدا م تيأسي ابداا فتشي كل يوم لمن تلقي ان شاء الله....ابقي عشرة علي طموحك واحلامك وشكلك بت ماشاء الله عاقله وفاهمة... ابوك تلقيهو فخور بيك ..مجرب الشعور دا انا ي بتي ... وخلي ابوك يفخر بيك زيادة 💛💛
طبعا انا سكتت وابتسمت لكن فجأة بقيت ببكي ...اتذكرت ابوي واتأثرت شديد 💔💔
العم رد لي :- مالك ي بتي خير 😳😳
قلت ليهو :- بس اتذكرت ابوي ..
قال لي :-ابوك غايب منكم ولا مالو ..?
قلت ليهو :- ايوة هو غايب بس من غير عودة ...ربنا يرحمو ويغفر ليهو 💔💔💔
طبعا حسيت بالعم اتأثر معاي وقال لي :- الدنيا اصلها كدا ي بتي ..ربنا يرحمو ويغفر ليهو ويصبرك ان شاء الله ...
رديت ليهو :- ان شاء الله ...
(طبعا انا مستغربة كيف اتونست ونسه كامله كدا مع شخص اول مرة اشوفو ف حياتي ...غريبة علي ..بس مابعرف الكلام طلع مني تلقائي + حسيت براحة ف الكلام معاهو ...ف وشو طيبة مبالغه 💛💛💛وفيهو فهم و وقار وذكرني ابوي شديد شديد 💔💔💔)
بعدها قال لي بابتسامة كدا :- اها ي بتي بعد دا تقدري تشربي الموية 😂💛
طوالي انا قمت شربت واستأذنت منو اشان امشي خلاص ....لكن فجأة لقيتو بقابض ف نفسو 😨😨ومخنوق وبكح شديد ...طوالي انا جيت عليهو وحاولت اهديهو لقيتو بأشر لي علي التربيزة الهناك.. قمت رحت عليها ولقيت بخاخ جبتو ليهو سريع وعملو ....
بعدها لقيتو هدا حبة وقال لي :- شكرا ي بتي جزاك الله خير ...
قلت ليهو :-عندك ازمة حادة شديد ي عم.
قال لي :- السن ي بتي. .كبرنا والمرض بقي ملازمنا 💔💔
قلت ليهو :- طيب انت بتشتغل هنا براك كيف ...ومامعاك زول ..
قال لي :- لا معاي واحد بساعدني وبونسي ..بس انا مرسلو لشوية حاجات ...
قلت ليهو :- الحمد لله المعاك زول 💛💛 وحمد الله علي سلامتك ...علي اذنك 🚶🚶
قال لي :- الله يسلمك ي بتي ...لكن انا عندي ليك وصية .... " قوي نفسك ي بتي ..الدنيا صعبة وماشه وانا متاكد عندك ناس ف البيت واقفين عليك وبريدوك شديد ..وتاني شي انا محلي مفتوح ليك ف ااي وقت..وانا زول معاشي وموجود طوالي ..💛💛
قلت ليهو :- جزاك الله خير ي عم وشكرا ليك.
بعد وصلت البيت كنت حاسه بتفاؤل غريب ...حسيت الحياة حلوة فجأة كدا 💛💛💛
المهم تاني يوم ودينا فرحة تطعيم ...فما قدرت اطلع افتش الشغل...لكن مشيت اليوم البعدو والبعدو ..لكن تاني قعدت ف البيت اسبوع وشبه يئست خلاص 💔💔
بعدها بكم يوم فاطمة جاتني واتونست معاي ..ومؤسستها الهي شغاله فيها م فيها فرص عمل والا كنت شفت فيها طريقة 😭😭💔
وقتها زفرت كدا ورجعت رأسي علي السرير وبقيت افكر وبعدها فجأة خطرت علي بالي شي ...
وابتسمت وقلت.. " بكرة حمش هناك ان شااء الله "
نهاية الحلقة الرابعه
.............................
