#ثم_ماذا_بعد_السحاب ☁⚡
لـ آية الفاضل
#الغيمة_التاسعة_عشر (ماقبل النهاية)
مهند خلاص مات 💔
دا الواقع الصحيت عليهو ولازم اصدقو 💔
انا كنت ف بيتنا قريب الساعتين ببكي بعد كلموني ..امي وسناء بالعافية قوموني اشان نمش العزاء💔💔
انا لمن دخلت بيتهم كان الناس جات من الدفنة ي دوب ...كان معاي امي وسناء وفاطمة ...
انا لمن شفت منظر خالتو ابتسام وهي بتبكي بحرقة شديدة علي ولدها م استحملت كنت حقع لو مافاطمة كانت ماسكاني 💔💔
وقعدتني ...بعدها فاطمة جات بكت معاي شديد شديد 💔💔
دا كلو كوم وعم سليمان كوم تاني 💔💔
كان يوم مؤلم حتي تفاصيلو م عايزة اتذكرها 💔💔💔
ربنا يرحم مهند 💔
#بعد 3 شهور ...
اليوم دا كان ذكري وفاة مهند ...مات ليهو 3 شهور 💔💔
انا وعم سليمان رجعنا المكتبة من شهر ..ورجعنا نشتغل فيها ياهو بنصبر ف بعض 💔
كنا شغالين علي فرع جديد من المكتبة 💛
اليوم دا انا رحت زرت قبر مهند
قلت ليهو :- انا اشتقت ليك شديد ي مهند ...انا عارفة انك ف مكان احسن ☹💛....عم سليمان بقي عيان شديد بعدك 💔💔كٲنو انت كنت قوتو وصحتو 💔💔اهلك حالتهم من بعدك صعبة شديد ...ربنا يعينهم ويصبرهم ...صحي انت كنت زهرة حياتهم وكنت زهرة حياتي انا كمان 💛💛....انا بحبك للآن وححبك دايماً ...ربنا يرحمك ان شاء الله ...
بعد رجعت البيت كنت تعبانة شديد نممت وبعد صحيت امي اكلتني بالغصب لاني م اكلت شي من الصباح 💛💛✨
تاني يوم رحت المكتبة وكنت بحرص اني اخشها بابتسامة اشان عم سليمان بفرح شديد واشان العلمني ابتسم 💛💛
عم سليمان :- صباح الانوار 😃
انا :- صباح الفل والياسمين وكل الحاجات الحلوة 🌸🌸🌸
كنا انا وعم سليمان شغالين وبعد ساعه جونا لبني وخالتو ابتسام ف المكتبة 😃😃💛
كانو ف السوق وقرروا يجو يسلمو عليّ 💛✨
لبني :- اشتقنا اشتقنااااااا كتير ي سلمي ✨
انا :- وانا اكتر كتير💛
لبني :- 😃😃حبيبتي والله ...كيف عاملة
انا :- كويسة الحمد لله ...خالتو ابتسام كيف صحتك ..
خالتو ابتسام :- نحمد الله ي بتي 💛🌟سلمي ي بتي نحن عارفين قدر شنو كانت محبة مهند ليك ..وقدر شنو محبتك ليهو ..بس ي بتي انتي لازم تعيشي حياتك وتشوفي مستقبلك ..عايزين نشوفك عروس ونشوف اولادك💛💛
انا :- انا مقدرة دا كلو ي خالتو وانتو اهلي ... انا لسه م جاهزة اني اتجاوز الحصل💔ححاول بس ....عموماً الحمد لله انا عايشة كويس والحمد لله ..معاي اهلي ومعاي انتو 💛💛
خالتو ابتسام قامت حضنتني ولبني برضو 💛💛
عم سليمان كان بعاين لينا وهو مبتسم 💛✨
انا يومها قررت اني اواصل حياتي وكٲنو مهند معاي...كٲنو دعمو لي لسه مستمر ..واخلي التغيير الحصل ليي ف حياتي متواصل 💛✨
انا اخدت اجازة من عم سليمان و وعدتو اني ارجع ليهو 💛✨لانو عارف معزتو عندي قدر كيف ...
وقررت ابدٲ ف رسالة الماجستير وابني نفسي من اول وجديد ...🌸⚡اكيد كدا مهند حيكون مبسوط اكتر وانا زاتي حكون مبسوطة 💐
حبي لمهند القدر كان ليهو فيهو كلمة لكن هل اذا مات مهند معناها مات الحب? ...لا الحب عايش .. 🌸
ومهند زاتو معاي وروحو الحلوة موجودة 💛✨
تتذكروا الصور الاتصورناها اخر يوم قبل مهند يموت .. انا اخدت من الصور دي صورتنا سوا وكبرتها وختيتها ف غرفتي 💛💛 ي الله الصورة دي حلوة حلوة لابعد الحدود ..💛💛
كنت كل مااجي اذاكر للماجستير بعاين للصورة واشيل منها جرعة قـوةة 💛🌸✨
☁☁☁☁☁☁☁☁☁☁☁
مـرّت سـنة ..
انا حضرت الماجستير خلاص ...واشتغلت ف شركة من الشركات الزمان جريت وراها ديك ..تتذكروا 😂😂💛
كنت ف وظيفة كويسة شديد الحمد لله ف الشركة وكان لي مكانة بينهم 💛💛
انا كنت بروح لعم سليمان ايام معينة ف الاسبوع ...كنت بروح اساعدو ساي لانو ف زول جا اشتغل معاهو بدلي 💛💛...كنت بروح بس اشان اشوف سعادتو الفي وشو 💛
انا يوم كنت عند عم سليمان ولمن رجعت البيت لقيت مجاهد قاعد مع امي ...(لي تقريباا 3 شهور م شفتو ☹💔)
مجاهد سلم علي بشوق شديد حتي انا برضو 💛💛💛
انا :- انت وين مختفي كدا يخسي عليك ☹
مجاهد :- والله اشتقت ليك ي سلمي كتير ...كيفك ان شاء الله كويسة
انا :- حتي انا اشتقت ليك والله ...غيبة طويلة بس الحمد لله غايتو ...المهم م وريتني العرس متين اشان اجهز نفسي 😃
مجاهد :- واضح اننا فعلا بقينا بُعاد عن بعض واخبار بعض وم عارفين شي عن بعض💔
انا :- ليه بس...ف شنو 😰
مجاهد :- انا وشهد خلينا بعض من شهرين ...
انا :- ليه كدا ي مجاهد ...شهد كانت انسانة جميلة شديد من جوة ومن برة ليه كدا 💔💔💔💔
مجاهد :- م اتفقنا بس ...
سلمي :- م اتفقتوا ...?! بعد سنة وزيادة خطوبة تقول م اتفقتوا ...
مجاهد :- م عارف بس والله ...ربنا يرزقها الخير وين ماتكون 💛✨
انا :- غريب والله ...طيب وانت حتعمل شنو !?
مجاهد :- اعمل شنو ف شنو ...انا عايش وكويس والحمد لله 💛...المهم طمنيني كيف شغلك ف الشركة كيف وكيف عم سليمان لي زمن منوو💛💛
انا :- الشغل تمام الحمد لله وعم سليمان كنت معاهو الليلة وكان كويس الحمد لله ....انت كيف شغلك
مجاهد :- كوي
س الحمد لله ...ناوي اخش مشروع جديد وبفتش ف شريك والمشكلة لسه م ف فكرة😂😂😂💔ي زولة بتجازف
انا :- 😂😂💛طيب ربنا يسهل ليك يخ
مجاهد :- فاضية بُكرة ...عايز امش معاك المقابر نزور قبر مهند 💛
انا :- طبعاً فاضية ..لو مافاضية حفضي دا مهند ي مجاهد💛💛💛💛ربنا يرحمو ويغفر ليهو ....
مجاهد :- ربنا يرحمو ان شاء الله
نهاية الحلقة التاسعة عشر
