#ثم_ماذا_بعد_السحاب ☁⚡
لـ آية الفاضل ..
#الغيمة_الثالثة_عشر
انا مشيت المطبخ جهزت الصينية اشان مجاهد لمن يجي ياكل فيها زي ماقالت لي امي 🌸
وبعدها مشيت علي فرحة لقيتها صحت مسكتها لمن نامت تاني (نومها متقطع شديد 💔)
بعد زي تلت ساعه كدا مجاهد جاا وضرب لمنذر (راجل سناء) وقال ليهو انو واقف برة وراجيهو ...
منذر :- تعال لي جوة
مجاهد :- لالا ياخ 🤦 ارح سريع بس اطلع
منذر مشي فتح الباب وبقي يكورك ليهو ...طوالي مجاهد نزل من العربية و جا عليهو ..
منذر :- ارح جوة البيت ..خالتك عايزة تسلم عليك ..
مجاهد :- طيب اها ...سريع بس 🚶🚶
امي دي تسلم وتطايب ف مجاهد ساي وقعدتو وونستو ...حتي نادتني..
مجاهد سلم عليّ بابتسامة وانا كمان بزيها 💛💛
وطوالي جبت الصينية ✨
مجاهد :- لالا ي خالتي انا متغدي 💔💔
امي :- اتغديت ووين وانت بتقول لاخوك انك جايي من الشغل وراحي البيت ياداب ..☻
مجاهد :- اكلت ف المكتب هناك 😄
امي :- ي ود هوي تاكل بس😂..ويلا انا داخلة المطبخ اجي القاك بتاكل والقاهو كمل كمان 😊
مجاهد :- 😂💛حاضر ي خالتي
منذر :- علي اذنكم دي مكالمة ضرورية بس ...🚶🚶
وبعدها سمعنا فرحة صحت ...قمت امش عليها سناء قعدتني وقامت هي 💛
بقيت انا قاعدة قصاد مجاهد وهو بياكل حبة حبة 💔
انا :- مجاهد امي لو لقتك م اكلت بتزعل منك جد جد وانت عارفها ...
مجاهد :- جعان والله والاكل سمح بس م متعود اكل براي اصلو 💔💔الا لمن خلاص يكون م ف زول معاي ومضطر اكل براي ...
انا :- سبقناك نحن واكلنا والله 💔معليش بس اسه انت مضطر تاكل براك ..
مجاهد :- م حقدر شكلي ...شفتي انا زي الشافع كان م شجعوهو م بياكل
انا طوالي قمت علي حيلي وقعدت ف كرسي جنبو ف الصينية ...وختيت ليهو عيشة ولي عيشة وقلت ليهو :- اها ..ناكل!
كان داير يتكلم كدا ..قاطعتو وقلت ليهو :- ااي اكلت انا بس حاكل تاني 🐸 م وراي شي 😂 + اشان انت تاكل...
مجاهد بقي مبسوط وبدا ياكل وانا اكل واتونسنا شديد😂😂حتي منذر جا ماري لقانا مندمجين طوالي راح بـ باب الاوضة التانية ...
" انا اتغيرت ..انا بقيت بتونس وبفرفش كدا..انا حصل معاي شنو " ..💛
طبعا ماشاء الله اكلنا لمن خلاااااااااااص😂
امي لمن جات بقت تضحك ف مناظرنا ونحن خلاص شبعانين وم قادرين نقوم ...بعد خلاص شبعنا وقمنا علي حيلنا .....مجاهد دا كان مبسوط شديد شديد 💛💛💛
وخلص كلامو مع منذر وقال ليهم راحي البيت خلاص ...وجاني ف المطبخ ..
انا :- راحي وين😳
مجاهد :-ماشي خلاص والله 💛 احلي اكل والله انبسطت ...
انا :- والتحلية الانا عاملاها😳😳...حرام عليك اقعد ضوق ..
مجاهد :- معدتي دي زاتها اتملت لمن م ف طريقة 💔💔💔اقول ليك شي جيبيها ف صحن وباكلها بعدين🐸
انا :- اصلا حعمل كدا وم بخليك تمش الا تشيلها ...هندي ختيتها ليك ف علبة 💛💛
مجاهد :- حاكلها لانها سمحة زي ستها اصلا 💛💛يلا مع السلامة ..
انا :- الله يسلمك ..
الايام ماشة شبه بعض وعادية شديد ...خلاف انو بقيت بتواصل مع مهند 💛💛
مهند بقي جزء من يومي ..م بعرف كيف بس حصل كدا💔💔
امكن اشان نحن م شبه بعض ..اشان انا السالب وهو الموجب حصل تجاذب 💛💛ربنا وحدو يعلم ...
او امكن براي المعجبة بمهند وهو م عندو مشاعر اتجاهي ...دا احتمال برضو 💔💔
كنت حاسة بضلام شديد ف حياتي بس بعد دخول مهند دخل الضوء 💛🌸...بكل ايجابية دخل حياتي ...الشخص الفرايحي الانسان المبتسم دايما ...🍃الف والف سبب خلوني اعجب بمهند كدا ...
"واهدتني الحياة ضوءاً في اخر نفقي "
واشان م احس اني بعمل ف شي غلط عرفت امي علي مهند ...وانو ولد عم سليمان ودا شي براهو رافعو ومجملو زيادة💛💛💛
امي م كان عندها مشكلة نهايي ف مهند وشايفاهو زول محترم وولد ظريف ولا اعترضت علي تواصلنا ...خاصة انها اتعرفت عليهو اكتر لانو عم سليمان بجينا زيارات انا وامي ف البيت 💛💛وبجيب معاهو مهند دايما 💛💛
منذر راجل سناء كان مسافر خلاص 💛...ورحنا ودعناهو وسناء واولادها جونا البيت (طبعا هي بتجي تقعد معانا اشان انا وامي برانا وهي بتملي لينا وقتنا هي واولادها💛💛💛💛ونسابتها عادي م عندهم ااي مشكلة 💛💛💛)
سناء قالت لينا انو مجاهد امو حتخطب ليهو قريب ......انا فرحت ليهو شديد وانبسطت انو مجاهد شاف حياتو وحيستقر 💛💛💛وعلي قدر الحب الفي قلبو حيلقي الخير ....البيستاهلو ...
انا :- ي رب تم ليهو علي خير 💛💛يستاهل كل الخير والسعادة ...مجاهد دا اجمل انسان ف الكون 💛💛✨
طبعا امي وسناء كانو بعاينو لي نظرة كدا 👀
المهم انا كنت ثابتة ف موقفي وم حبيت اعشم ساي ..ومكانة مجاهد الحلوة العندي م عايزاها تزح ...
والايام بتمر ....يوم كنت ف المكتبة مع عم سليمان وكنا شغالين عادي 🌺💐...
وفجأة تلفوني ضرب كانت فاطمة ....
فطومة:- الو سلمي حبيبتي انتي ف المكتبة? ...
انا :- ايوة قاعدة ..
فطومة :- انا وامك ف السوق واسه جايين عليك 😃
انا :- بجد ...يخ تجو طوالي 💃💛
فطومة :- ف الطريق نحن 💛💛✨
انا :- راجياكم ...
عم سليمان كان قاعد
...وتاني دخلت علينا لبني وامها خالتو ابتسام ) طبعا اتفاجأت شديد بشوفتهم 😳
لبني :- كنا مارين قلنا نجي نشوفك ي ابوي ولينا زمن منك ي سلمي 💛💛💛💛
وبعدها وصلو امي وفطومة ....انا بديت اشك ...💔💔💔💔💔
لحدي لمن دخل علينا مهند 😳
نهاية الحلقة الثالثة عشر
