#ثم_ماذا_بعد_السحاب ☁⚡
لـ آية الفاضل
#الغيمة_الخامسة
وجا۽ تاني يوم. ..صحيت ومرقت من البيت للدكان جبت لاولاد سناء بسكويت ..وبعدها لبست ومرقت 🚶🚶
كنت بفكر من بليل اني ارجع للراجل حق المكتبة لاني حسيت نفسي عايزة مساعدتو 💛💛
مشيت المكتبة لقيتها لسه م فتحت ...فبقيت واقفة ومنتظرة وبعد زي 10 دقايق كدا جاا الولد الشغال معاهو ...فتح وبدا ينضف ...وسٲلني اذا دايرة شي?
قلت ليهو دايرة العم صاحب المكتبة دي ..
قال لي :- عايزة عم سليمان ..! طيب اتفضلي انتظريهو جوة
ودخلت جوة وبقيت منتظرة 💛.
(حوصف ليكم المكتبة :- واسعه شديد 💛 وحلوة لابعد الحدود...ومقسمة بانتظام ..حتة الكتب براها ...مكان حاجات المدرسة براهو ..مكان التصوير والطباعة وكدا براهو ..وفيها حاجة زي كافيه مصغر كدا 💛💛خااص بالقراية بس.. يعني تجي تقعد تقرا كتاب ..وممكن تجي تواصلو بكرة 💛💛وفيها تلاجة حاجات باردة وحاجات ششاي وقهوة 💛💛يعني شي رهيب رهيب ...ومكتب عم سليمان ف اخر المكتبة اشان يكون نظرو عليها كلها 💛💛)
انا بقيت قاعدة وبعد ربع ساعه عم سليمان وصل ....
عرفني طوالي وانبسط شديد 💛
سلم علي وطايبني وقمت سٲلتو عن صحتو وكيف عامل حاليا ..
قال لي :- بخير الحمد لله ...نشربك شي سخن ولا بارد?
قلت ليهو :- ماف داعي ي عم 💛
قال لي لازم ...وضايفني بكباية عصير
بعدها قلت ليهو :- انا فتشت شغل كتير وم لقيت شغل ي عم سليمان ..
قال لي :- دقيقة ي بتي 😂بعد عرفتي اسمي انا لسه م عرفت اسمك 😂(وضحك)
انا زاتي ضحكت وقلت ليهو :- اسمي سلمي
قال لي :- اتشرفنا شديد ي بتي 💛واصلي كلامك
قلت ليهو :- فتشت شغل كتير وم لقيت طريقة لمن يئست ...فقلت اجيك اخد منك جرعه امل ...
عم سليمان انبسط شديد بكلامي دا ...
وبقي يحفزني بكلمات حلوة شديد 💛💛
وحكي لي عنو وعن اسرتو وانا برضو حكيت ليهو ..
والمفاجٲة انو هو كان شغال مهندس كبير وحياتو بين السودان ودول تانية ...لحدي لمن خلاص اكتفي من الشغل بالهندسة لانو قال لي تعب وكبر ف السن ..فـ استقر مع اسرتو ف البلد هنا ....واشان هو محب للقراية والكتب قرر يفتح مكتبة بدل يقعد ساي ...منها يفيد الناس ومنها يتسلي هو ...
وعندو بتين كبار متزوجات 💛 و ولد شغال ف شركة ...واخر شي ولد ف الجامعه ودا اخر العنقود وبدرس هندسة 💛💛
انا انبسطت شديد بالكلام معاهو ( غريبة علي ...لكن انبسطت شديد 💛)
عم سليمان قال لي :- شوفي ي بتي لو احترتي ف موضوع الشغل دا ..تعالي واشتغلي معاي ...مكتبتي ليك ف ااي وقت ..ممكن تمسكي معاي قسم الطباعه و الهدايا والتغليفات 💛)
انا وعدتو اني ححاول تاني ف الشغل ولو م لقيت حجيهو تاني 💛 وشكرتو ومرقت علي كدا 🚶🚶تاني يوم ياهو طلعت افتش برضو وم لقيت ...
بعدها قعدت ف بيتنا اسبوع
وتاني قررت خلاص حروح اشتغل مع عم سليمان ف المكتبة 💛
وكلمت امي وسنا۽ وطلعت ...
عم سليمان انبسط شديد قال لي حتنوري الشغل ي بتي 💛💛
طبعا انا ف شخصي م بحب الونسه بس ونسه عم سليمان غير ...نفس ونسة ابوي الله يرحمو 💛
المهم اول يوم عرفت انا حشتغل كيف وظبط لي مكتب صغنوني كدا ...وبديت ياهو اشوف شغلي ...( المرتب حلو شديد الحمد لله ...)
بعد رجعت البيت حكيت لامي وسنا۽ عن الشغل الجديد الحلو دا 💛💛
وقالو لي الحمد لله صبرتي ولقيتي 💛💛وقالو لي نحن فرحانين اشان شايفنك مبسوطة كدا ..
بعد الغداء ...جونا نسابة سنا۽ زيارة
وعم العيال كان جايي يفسحهم ...وقالو لي لازم طبعا تروحي معاهم اشان م يتعبو عمهم ...
عاينت لمجاهد لقيتو بعاين لي وتاني نزل عينو
.....انا خفتو يفتح معاي الموضوع داك تاني. ..وانا م عايزة الموضوع دا يتفتح تاني ...💔💔
المهم سقنا العيال ومرقنا ....وهم كانو بلعبو ونحن قاعدين ...قام مجاهد جاب لي عصير وانا شلتو وانا ساكتة ...
مجاهد :- حتفضلي ساكتة كدا ي سلمي ..
انا :- معليش والله بس الليلة كان يوم متعب بالنسبة لي والله ..كان اول يوم ف الشغل
مجاهد :- لقيتي شغل 💛💛الحمد لله ..الف مبروك وربنا يوفقك ان شاا۽ الله ..
انا :- ان شا۽ الله ي رب...
مجاهد :- حتي لو م كنتي لقيتي الشغل م كان مشكلة ..تقعدي ف بيتك معززة مكرمة والعايزاهو يجيك لحدي عندك ..💛
انا :- قصدك شنو ي مجاهد ..قصدك انو البت م تشتغل يعني ..مكانها البيت والمطبخ ..ليه التفكير السطحي دا
مجاهد :- لالا فهمتيني غلط انا م قصدي كدا ...انا قصدي....
انا :- خلاص م فرقت ...نحن اتٲخرنا عايزين نمش
مجاهد :- اول شي انا م قصدت كدا انا المرٲة علي عيني وراسي فوق وانتي شايفة اخواتي شغالات 💛💛 + ماف مشية اسه الاولاد جو يادوب ...
(هو بجد م قصدو شي بس انا م بعرف مالي)
بعد فترة كدا
قلت ليهو :- نحن اتٲخرنا وانا عايزة انوم والله 💔
مجاهد :- طيب نمش ..🚶🚶
تاني يوم الصباح ياهو رحت المكتبة ولقيت عم سليمان قاعد دخلت قعدت معاهو ...وبعدها طلعت علي البقالة اشتري شي ...ولمن طلعت وفتحت الباب لقيت ....
نهاية الحلقة الخامسة
