#ثم_ماذا_بعد_السحاب ☁⚡
لـ آية الفاضل
#الغيمة_الخامسة_عشر
اهل مهند وصلو خلاص 💛🍁
عم سليمان ومرتو ولبني وراجلها ...وعمو وحسام اخوهو وناس تانية ..
وبعد الطلب وكدا ...قالو لينا نلبس دبل 🙈💛
اول لمن طلعت من الغرفة انا وجيت عليهم ...كانو بباركو ليّ وتاني قعدنا انا ومهند جنب بعض ااشان الدبل ....
مهند كان منطط عيوني وشغال لي :- دا شنو الجمال دا 😳😳
انا :- 🙈🙈
مهند :- اخ من الجمال الجوة والبرة الطاعني ف قلبي دا ...سلمي انا بحبك ياخ...💛💛
انا :- خلاص خلاص 🙈🙈خجلت والله ....
مهند :- طيب...لبسيني الدبلة 🐸
انا :- 😱انت التلبسني اول
مهند :- يلا تعال صور ي حسام 😃💛✨.....جيبي يدك السمحة دي ......ولبسنا الدبل 💍....واتصورنا 💛💛
كان يوم حلو شديد شديد ..عملنا تصوير ايندور وكمان اوت دور برة 💃...رحنا حديقة برة ومطعم 💛💛انا ومهند وفطومة ولينا وحسام وود عمهم وسقنا اولاد سناء 💛💛وكملنا تصويرنا
ولمن رجعنا البيت كان ياهو عم سليمان وخالتو ابتسام ولبني وراجلها وعمهم قاعدين ....ومننا عمي وخالي قاعدين وشوية ناس تانين ...حتي مجاهد كان قاعد ...💛💛
وجاا بارك لينا و سلم علي مهند
انا قلت لمهند :- اعرفك علي اخوي و واحد من اهم الناس عندي 💛...دا مجاهد اخو منذر راجل سنا۽ 💛💛عُشرة سنين ....
مجاهد :- الف مبروك لاجمل عروس 💛✨
انا :- الله يبارك فيك ي اجمل مجاهد ف الكون ..✨
مهند سلم علي مجاهد وكان مشغول بالتلفون وراح يتكلم بعيد مننا ...
انا :- اقعد ي مجاهد ...احكي لي حتخطبها متين 💛✨انا حجي معاك عليك الله سوقني النبي ...
مجاهد :- 😂😂لااا م حسوقكك 🐸
انا :- حمش معاك 😌...خلاص انتهي
مجاهد :- طيب ي ستي حتمش معاي😂😂💔
مهند :- اها بتقولو ف شنو ي حضرات ي سادة 😂💔
انا :- مجاهد حيخطب قريب وكنا بنتناقش وكدا ✨
مهند :- بجد! الف مبروك ي ابو الشباب ..
مجاهد :- الله يبارك فيك ..تسلم 💛
مهند :- سلمي ارح انا فاتح التلفون هناك فديو كول مع لمياء اختي اشان تشوفنا (لمياء الفترة ديك كانت برة البلد 💛) .....يلا ارح تعالي...
وانا مشيت مع مهند ....ومجاهد كان قاعد براهو ..
علي كدا الخطوبة خلصت واليوم خلص 😃💛
ونمنا وتاني يوم انا رحت المكتبة طوالي ....
طبعاً خلاص حياتي اتغيرت بقيت الانسانه الفرايحية المبتسمة دايماً وحاسه دايما اني عايزة اشتغل وانجز ...الحياة فيها كتير يتعاش 💛🌸
وكنت بتٲمل الدبلة ف يدي ..وبقول انو حلاوة الحياة بتزيد لمن نختار نكملها مع الشخص الصح 🌺
انا وعم سليمان قررنا نفتح فرع تاني للمكتبة ونوسع نشاط المكتبة اكتر واكتر ...حتي انا كنت بدير ليهو صفحات علي مواقع التواصل بخصوص المكتبة 💛🌺.....
الاضواء الفي نهاية النفق دي سمحة سماحة💛✨
كنا دايما بنطلع انا ومهند ونسوق معانا اولاد سناء ....ونقعد نتصور ونتعابط ف الصور 😂😂😂😂💔بنتعاور بطريقة طفولية تتضحك تحلف تقول كلنا شفع ....واحلي شي لمن اطلع انا مع مهند واسوق فرحة براها ويلقونا ناس ويفتكرو انها بتنا💛✨
انا قلبي بقعد يدق واخجل طوالي
وهو بقعد يضحك😂😂😂💔ويقول ليهم ياريت ياااخ ...(عوير بس 🐸)
.....وكمان لمن جاا يوم خطوبة مجاهد ..انا قررت امش برغم انو امي قالت لي :- ي سلمي انا م حامياك لكن انتي عارفة مجاهد و ....
قلت ليها :- ي امي ...مجاهد دا شي عزيز عليّ شديد ونحن بس م اتوافقنا او م كان ف نصيب اننا نكون سوا ...انا م حقطع علاقتي معاهو ابداً ولا يوم حفكر اني ادس منو ولا اقول انا اتخطبت وخليتو وراي ..لا انا عارفة انو هو حيقدر يتجاوز وفعلا هو بدا يتجاوز وخلاص حيخطب وحيتزوج وان شا۽ الله يعيش ف سعادة ابدية 💛💛💛بس هو مازال عزيز عليّ ومازال اخوي وسند لينا زي م كان ...انا م حخليهو وحقيف معاهو دايما ومتاكدة انو م عندو مانع 💛✨
صح انا م قدرت ارد ليهو الحب حقو بحب تاني بس انا رديتو ليهو دعوات💛...
وفعلا رحت خطوبة مجاهد وكانت حلوة شديد والعروس ماشا۽ الله 💛✨....وجاا عرفها عليّ بطريقة حلوة شديد ...🌺
وبتمر الايام عادي ...وجا يوم كان مهند بتكلم معاي بالتلفون وكان مزكم شديد وعندو التهاب 💔💔💔ومرضان شديد ...ومرات بدوخ كمان ...ويومين م مشي الشغل ..💔
قلت ليهو :- لازم بكرة تمش تشوف الدكتور ...
قال لي :- ان شاء الله حمش واجي اغشاكم ف المكتبة اشان اشتقنا وكدا💛
قلت ليهو :-😂طيب كويس ...
وفعلا تاني يوم قال مشي وفحص واخد علاجاتو ( التهاب ف كريات الدم اشان كدا كان بدوخ مرات )...وهو كان بتكلم معاي ف التلفون وقال لي انو اسه مارق من المستشفي خلاص.....وخلاص حيمرق قام ف دكتور ناداهو ...
مهند :- دقايق ي سلمي حقفل منك وبرجع ليك بعدين ...
وبعد زي ساعتين كدا جانا ف المكتبة وكان تعبان كدا ...
سٲلناهو انا وعم وسليمان ف شنو?
قال :- بعد مامرق خلاص نادوهو تاني وعملو ليهو فحوصات من الاول ونتيجتها بكرة ...
قلنا ليهو :- لالا م تخاف خير ان شااء الله ...
قال لينا :- ان شا۽ الله ..
نهاية الحلقة الخامسة عشر
