#قطايف_رمضان 9
#فضفضة_قلب !!
الرسالة دي متأكده ان فيها رد ع اسئلة بتيجي ع بال ناس كتير في كل مره بيقرأوا القِصص.. حبيت انزلها بنفس #لغبطة المشاعر بتاعت صاحبتها لانها كدا اصدق وتوصل للقلب بسرعه❤
🌸🌸🌸🌸🌸🌸🌸🌸🌸🌸🌸
السلام عليكم... كنت مترددة جدا قبل ما اكلمك وخايفه ومش عارفه الخطوة دي صح ولا غلط خصوصا اني كتبتلك مره وكنت قولت كل حاجة لكن الفيس علق وخرح برا صفحتك خالص وانا خلاص ببعت الرساله بعد ما حكيت كل حاجة...
انا كنت متابعاكي دايما ومبفوتلكيش حكاية وبستناكي كل أسبوع وكنت بزعل اوي لما الحكاية متنزلش وهكذا لحد ما جيت مبقتش اقرأ الحكايات اساسا لدرجة انها بتيجي قدامي بالصدفه وبعديها عادي..
كنت بقول دول ناس صبرت كتي واتحملت ف ربنا جبرها ورضاها.. لكن انا معملتش اي حاجة ربنا هيجبرني ع ايه؟!
ده انا مشوفتش ربع ابتلاءاتهم ومدوقتش ربع ال داقوه..
دول ناس صبرت سنين لكن انا ال عندي ٢٠ سنة ايه؟ بأي حق اتكلم وبأي حق ادعي ربنا!
بصي هو ال هقوله مش حكايه ولا تيجي حاجة جمب الحكايات ال عندك نهائي ده انا حتى مكسوفة وانا ببعتلك دلوقتي بس ال شجعني ان لقيت بنات كتير بتفكر نفس تفكيري
انا بدأت اقرأ الحكايات تاني من بداية قطايف رمضان.. سخطي زاد اوي بعدها ان ربنا مش بيستجيب ليا.. طب انا لازم يعني اتعب واصبر كتير كدا عشان ربنا يجبرني؟! لازم افضل سنين يعني؟! طب لازم اشوف الابتلاءات دي؟!
بس انا مش هقدر اتحمل ابتلاءاتهم .. بس افتكرت ان كلنا مش زي بعض وكل واحد ابتلاءه ع حسب قدرة تحمله..
كمان انا عارفه ان لسورة البقرة فضل كبير وانها بتحقق المعجزات طب ليه لما فضلت مداومة عليها كتير مفيش اي حاجة اتحققت ؟!
طب ليه انا بقالي سنين بدعي ربنا بحاجة واحدة بس! والحاجة دي راحت مني خلاص وربنا محققهاليش.. طب انا هستنى كدا زي الحكايات دي يعني ربنا مش هيراضيني غير لما اعاني كدا!؟
الحقيقة انا كنت مضايقه من نفسي من التفكير ده ومش قادره بردو امنع نفسي وف نفس الوقت انا عارفه انه ربنا بيحقق #المستحيل والتفكيرين متناقضين تماما!!
انا من النوع ال بتعب بسرعه لو نفسيتي باظت يعني بمجرد ما اضايق من حاجة واشيل جوايا او ازعل جامد بعدها بيوم اكون ف المستشفى!.
انا اتعرضت ف طفولتي لجميع انواع التنمر .. اني وحشة.. انا مش زي اخواتي ليه.. اي دي طالعه لمين.. دي نكدية.. دي دمها سم....لو هياخدو حد مثلا ف حتة ويخرجوا كانوا بيستبعدوني انا.. وعمر ما حد دافع عني وبقيت انطوائية جدا وفترة المراهقة بقى مشاكل مع اهلي كتير مكناش بنكمل يومين ع بعض َمش متخانقين ومكسوفه منك وانا بقولك اني ف الفترة دي اتعرفت ع حد وطبعا كنت انا ملكة جمال الكون حسب كلامه وكنت بسمع كل الكلام ال نفسي فيه ومعاه طبعا تأنيب ضمير رهيييب وازاي انا بعصي ربنا كدا ونفسي تبررلي اني مبقولهوش كلام غلط والكلام كله ف الحدود والسياق ولكن طبعا بدأت اتنازل واحدة واحدة كلام َواتساب بعدها فون وشوفنا بعض مره او مرتين وهكذا بقى ومعاه خناق مع اهلي ف انا نفسيتي مبقتش موجوده اساسا مع كل ده وبعدين زي ما قولتلك انا طفلة برضو🤷🏼♀️ لحد ما جيت ف مرة تعبت خاالص وروحت المستشفى ومش دريانه بنفسي وكل ال فكراه ان الدكتور فضل يتكلم مع بابا ويسأله اسأله كتير كدا وساعتها كنت هموت من الرعب وهم بيعلقولي المحاليل وبيشوفوا العلامات ال ف ايدي نسيت اقولك اني كنت حاولت #انتحر !
مش عارفه هتستغربي ولا لا بس ده تفكير اكتشفت اني مش لوحدي فكرت فيه انا بقيت اشوف عجايب فعلا مع بنات حكايتهم شبه حكايتي اينعم مش بنفس تفاصيلها لكن الاهل عنصر مشترك فيها!!
