ظننتك لي

البارت 1

- لقد ولدنا وكانت احد شُروط النضوج أن نعاني على مر الحياه.

-كاعده صافنه كتابي كدامي وراح خيالي لأيام زمان الطفوله وبغداد اللـۿ ؏ ايام زمان طفولتي جانت ڪُـلش حلوه بالنـسبۿ اليـہ احنه من سكنة بغداد بقيت هناك للخامس ابتدائي دائماً جنت اشوف امي مظلومه لان بس بنات تخلف وهواي جانو يحجون عليهه لان مايصير عدهه ولد طبعاً احنه ٦ بنات اكبر وحده فاتن مواليد٩٤ والاصغر منها الاء 95 ونوب اني واخواتي الصغار زهراء بَـعـديـن رغد بَـعـديـن داليا وراي اني بيضه طويله طولي 165 مواليد 1998 عيوني خضر جانو هـواჂ̤ يكولون اليـہ جنج اجنبيه او روسيه
ضلينه ببغداد لحد الخامس ابتدائي وابوي صار شغله بميسان انجبرنه نترك بغداد ونجي للعماره يم اهل امي جنت كلش حابه العماره والهوى بيهه احسه مختلف بلشت اداوم بالمدرسه صف خامس جنت متوتره اول ايام بس تعرفت على بنيه ڪُـلش حبيتها وهواي صديقات هم مشت الايام طبيعي اداوم ۅ بيتنه جان بعيد عن المدرسه شوي جنت اروح وارجع لكن المدرسه جانت بالنسبه الي شي يخوف كلش اخاف منهه بقيت اداوم وجنت حيل شاطره نجحت للسادس وهم جنت شاطره بشكل لحد مايوم امتحانات نصف السنه جنت طالعه من الامتحان امشي بخطوات تعبانه الدنيا ضهر تقريباً الساعه 2 امشي اني وصديقتي مشينه مسافه ورفعت راسي لكيت شاب يمكن حسيته اخذ گلبي من النظره الاولى فعلاً مشيت طبيعي ورحت للبيت بس بالي بقه يمه
هف كافي تفكير فرح
جنت مجبوره اوخر هالافكار السوده حتى اكمل امتحاني بلشت اقره بتركيز خلصت امتحان
توجهت للمطبخ عدل

فرح: مااااااماااا مااااامااا
ام فرح: ها شتردين
فرح: جوعانه
ام فرح: اي صبي واكلي شبيج
فرح: ماما خاب مابيه حيل ههههههه
ام فرح: كملتي قرايه
فرح: بقالي ورقتين بالليل اكملهم حتى باجر اراجع
ام فرح : ان شاء الله

خلي اسولفلكم على امي شوي
امي مواليد سبعينات بس تبين صغيره اكثر من عمرهه كلش حلوه اشبها ماخذه عييونها الخضر وطولها اني يمكن امي اعظم ام احسهه هواي تحملت لخاطرنه اهانه وغلط لان متجيب ولد وهواي اشياااااء ثانيه بـسہ رغم هذه كـله تحملت وصبرت ؏ مودنه طبعاً هذه غير العيال وسوالفه

خلصت صفنتي واستسلمت وكمت صبيت اكل وكعدت بالصاله اكل بابا جان طالع
اخواتي الصغار جانن يلعبن يركضن منا ويجن منا اخر شيہ نحولت منهن عطت بيهن
فرح: ڪـافـي حولتني اطلعن بالطرمه العبن يلا بسرعه

مشن وهنه يدرمن علي
كملت غسلت المواعين دخلت للغرفه لكيت الاء وفاتن كاعدات كعدت وياهن ضلينه نسولف شوي صار المغرب كمنه صلينه ووراها كعدنه كلنه نتعشه كعدت يم الباب يمي الخبز والمي ستوني مديت ايدي داكل عود

بابا:- فرح بويه مي من يمج
فرح: أيـيہ بابا تدلل صبيت وانطيته
رجعت داريد اكل
ام فرح: خبزه مٛــن يمج
فرح: أيـيہ 😤
انطيتها وكلت: احد يريد شيہ ترھہ اريد اكل واللـۿ
ضحكنه كملنه اكل غسلنه مواعين
كعدنه نشرب جاي ونباوع تلفزيون
شوي وطشينه انـيہ واخواتي كلنه بغرفه وامي وبابا بالصاله
كمت رتبت الصاله وكمت ﭑروح للغرفه اريد انام وصفنت ليشـہ مادخل اسبح باجر اصير ؏ حمام كتل
دخلت سبحت بسرعه وطلعت رحت للغرفه لكيت الاء وفاتن كاعدات طفيت الضوه عاطن ثنينهن

الاء: شٌنـو ليشـہ طفيتي
فاتن: شغلي الضوه بسرعه
فرح:- اريد انام تعبانهہ كومن ولن بغير مكان
الاء: وين نولي هو قصر واني مـادريہ
فاتن: ههههههه
بَـععد ساعه مٛــن المداهر رضن
كامن كـل وحده فرشت فراشها
فرشت وتمددت ضليت افكر شوي

فرح: باجر دوامي ضهري لازم اكعد مٛــن وكت اراجع
نمت واني مـادري

يتبع؛

شٌنـو رأيكم بطريقه السرد ان شاء الله ما اكون جايبه العيد بالنهايه انـيہ مو كاتبه قصص وهاي اول مره اكتب، لتنسون اصوتون♥️
تصميم الغلاف مٛــن المبدعه : riallhsmpt