ظننتك لي

البارت 26

بـسہ اني ما اريد اطلكج ؏ كبر ومحد ياخذج اطلكج وانتي صغيره احسن ومدام الاطفال بعدهم صغار ما يتأذون ويضلون يمي ويمج يعني يكتفون مني ومنج
انـيہ اريد شوفين طريقج ومتمشين بحجي امي  لان انـيہ مراح انعدل مو بيدي...
سكتت ضلينه ثنينه نبجي فات عمو شافنه هيج كعد بالكاع يبجي ويانه كال...
عمو"بصياح": غير مثلنه مثل الناس نريد انعيش، بويه شمسوينلك بويه اللـۿ اكبر، حاط اللـۿ وياك هوه هذا اليـہ عندهہ ولد لو مخلف بـسہ بنات احسن، اللـۿ يموتك

مسحت دموعي وكلت...
فرح: عمو جاي تنتناقش بشي ע كالي روحِيہ ولا هايـہ
كمت بست راسه ولعبت بلحيته وكلت...
فرح: يلا حَـبيبہ كوم غسل وارتاح بالغرفه انـيہ راح ابقه جوه منا لحد ما تكعد
كام صعد فوك صعدت شغلت السبلت غطيته وطفيت الضوه ونزلت جوه...
ورا ساعتين كعد كمت سويتله تمن احمر جنت انـيہ مسويه تمن عادي بـسہ خليت علي معجون ومي يعني حولته😂
خلت تمن وروبه وخبز وفواكه وسويت وخليت مي ووديته كعد ياكل ...
فرح: تريد شيہ مني بَـععد !
ايليا: ע صعدي
فرح: تمام
عفته وصعدت فوك كنست الغرفه عدلت الجربايه نومت حسن ومريم وضليت متمده واكنك جنت اقرا قصص بالواتباد لو اراسل البنيه اليـہ تعرفت عليها بالمستشفى واسولفها وتنطيني جرعه امل...
مرات اخابر اهلي يسألوني ليشـہ ما تجين اكلهم مرتاحه ليشـہ اجي وطبعاً امي تاكد علي مرتاحه لو ע اكلها أيـيہ واصلاً جنه طالعين مطعم نتعشه مجنت اكلهم لان أدريہ بيهم اذا اكلهم يجون ياخذوني وميرجعوني بعد...

سديت الفون منهم ونزلت جوه لكيته دينشف ادي شلت الصينيه خليت الباقي بالجدر غسلت المواعين مسحت الطباخ والكامنتر وصعدت صعد وراي تمدد يكنك نومت حسن ومريم بدلت دشداشه قصيره وخفيفيه لون بنفسجي انتبهت علي نام طفيت الضوه ونمت بصفه بسرعه لان جنت تعبانهہ ...
ثاني يوم كعدت بـ10ونص غسلت وجهي وفرشت سنوني ونزلت كبل للمطبخ سويت ريوك وكعدت البيت ڪُـله😂...

كعدنه ناكل ونسولف...
عمتي: امتحاناتج راح تبلش مو
حماتي: أيـيہ داقره مٛــن هَـسـهہ
عمو: أيـيہ احسن بنيتي
ايليا: انـيہ راح ﭑروح للبصره
كبل غصيت...
عمو: اسم اللـۿ ؏ كيفج
شربت مي
فرح: ليشـہ شكو!
ايليا: شغل غير
فرح: شكد وترجع!
ايليا: 5 ايام
عمو: يمته تروح!
ايليا: ورا الضهر
ضليت اهز براسي واني اكل وساكته، كملنه اكل شلت الصينيه غسلتها وصعدت فوك طلعت الجنطه وخليت اله ملابسه مٛــن ڪُـل شيہ ثنين تراكات بنطرون قميص وههيج، خليت عطر اله بالجنطه وسديتها وخليتها بالكاع ؏ صفحه، طلعت اله ملابس حتى يسبح
شوي ودخل شاف ملابسه شالهم ودخل للحمام نص ساعه وطلع مشط وتعطر وشال الجنطه ونزل نزلت ويا سلم علينه وراح، صعدت للغرفه تمددت وصافنه ؏ البنكه جريت فوني شفت التاريخ ما بقه شيہ لعيد ميلاده مٛــن يجي اسويله مفأجاة...

مرت الايام واني احضر حضرت فستان وسوينه كيكه وشترينه عصاير وحلويات، صعدت كلبت الغرفه كنستها ومسحتها غيرت النزله، جبت وصله مبلله وكمت امسح الغراض وارتب بيهم كملت عطرتها وذبيت روحِيہ ؏ جربايه ضهري نكسر ضليت شوي متمدده بَـعـديـن جريت الفون ضليت اكلب شفت بيج ناشر هدايا شفت بوكس احمر وعلي حرف A وبداخله ساعه فخمه سعرها 45 جنن عجبتني حيل كلت اشتريها اله طلبتها وجابوها اليـہ باليوم الثاني وبنفس اليوم جان عيد ميلاده وجيته للعماره فـ مٛــن وكت نومت حسن ومريم دخلت سبحت ومكيجت سموكي خليت حمره احمر ولبست فستاني تعطرت رفعت شعري ونزلت خصله منه طلعت توب 👍🏼 زينت الطبله وخليت عليها الغراض وخليت كرسي واحد اله، وكعدت اتاني صارت بـ12 وربع يلا اجه...
دخل للغرفه ضحك، ابتسمت تقدمت علي حضنته...
فرح: اللـۿ يساعدك حَـبيبہ ڪُـل عام وانت بخير
ايليا: وانتي بخير حَحبيبتيہ شكراً
فرح: يلا بدل البس قاط
ايليا: واللـۿ تعبان ما بيه
فرح: هو ضل بهذه القميص بـسہ البس الستره حباب...
ضحك وهز راسه
رحت جبت الستره لبسها...
فرح: اكعد
كعد...
فرح: كصص الكيكه
جر السجينه وكصصها واكل شوي، حسيته جثه واني احرك بيها شوي ضجت، حس ؏ـليۿ  جرني مٛــن ايدي وكعدني بحضنه...
ايليا: حبيبتي تعبتي نفسج
فرح: شعندي غيرك انـيہ ...
اذكرت الهديه طفرت منه وكلت..
فرح: شوف شٌنـو جايبتلك
عقد حواجبه بتساؤل
جبت البوكس اله اخذها فتحه ضحك ...
ايليا: تخبل شكراً عـمريہ
ابتسمت...
فرح: يلا البسها
ايليا: عوفيها بَـعـديـن
فرح: ע شٌنـو بَـعـديـن دلبسها اريد اخذ صور
ضل يماطل مايرضه يلبسها اخر شيہ جريت ايده شفتها ونصدمت مٛــن منضرها...
فرح:عزا هايـہ شبيها ايدك!
ايليا: احتركت بالهيتر
فرح: متأكد بالهيتر!
ايليا: أيـيہ
انتبهت ﺂكو 3 اثار حرك عرفته اثر جكاره جان يشغلها ويطفيها بأيده غلست بـسہ بداخلي بـ؏ـدني مصدومه مٛــن شكل ايده كلها احمر، عقمته اله ولفيته بشاش
لبسته الساعه وبوست اثار الحرك وحده وحده واني مدمعه رفعت راسي لكيته يباوعلي ومبين شكله مقهور، جريت فوني وكمت اخذ صور واني مخليه ايدي على القاط مالته يعني مطالع شيہ مٛــن عدنه ثنينه
كملنه عزلت الطبله بدلت ونمنه...
ثاني يوم كعدت متأخر شوي جريت الفون ونشرت الصور مالت البارحه بالفيس وكتبت:-
( حَـبيبہ ڪُـل عام وإنـتـۿ  بخير ربي يحفظك اليـہ ولاطفالك والاهلك وميدخل احد بيناتنا)

نشرها وسويتله تاك، جنت متقصده انشرها واسويله تاك ع مود نور لان أدريہ بيها راح اشوف منشوراتي اريدها تعرف انو علاقتنه ماشيه تمام، نشرتهم وخليت عيالي وحمواتي يعلقون، سديت الفون مطيت جسمي وكمت غسلت وبدلت ونزلت جوه وبلشت انظف ومشه اليوم عادي لليل الساعه بـ8 دخل ايليا يصيح كلب البيت كلاب بالصياح...
ايليا: يا بوووووييييه هايـہ تريد تشهرنيييييي
عمو: ششنو شبيكك منو هيه!
ايليا:تنششششر بالفيسسسس دددكههها ومدكووووكها الفيسس
عمتي: شكو يمه شصاير
فرح: شبيك قابل ناشره صديقي غير زوجي قابل شٌنـو لو ها !! خاف ام فليفله شافت ووزتك علي...
انـيہ كلت هيج لو ابتليت ؏ عـمريہ كام علي ويصيح...
ايليت: اسكتين ע اكفر بمذهبج ادب سز ﺂڪلج ما اريدج وانتي لازكتلي
فرح: واللـۿ بيتي وبيت اطفالي معاجبك طبك سته وستين مرض تريد تبقه ابقه ما تريد تبقه اللـۿ ومحمد وعلي وياك الباب يوسع جمل
عمو: بابا ע تجاوزين علي
فرح: واللـۿ عمو ما متقصده بـسہ لان صرت عصبيه
عمو: ادخلي جوه اتفادي العصبيه مالتج وخلينه نتفاهم ويا...
دخلت للاستقبال واني اسمعه يصيح ويغلط واني اغلط مٛــن يمي مٛــن عصبيتي وحركت ڪلبي...
فرح: دروح مليت منڪَ ومن عشرتك الفكر
جانت اول مره اجاوز علي بكل حياتي...

-الساعه بـ12 ونص
كملت غسل مواعين وجاي اطلع من المطبخ فات ايليا من يمي مدرت وجهي علي اصرفت ولا كأنو موجود، صعدت فوك نمت ؏ جربايه وخليت ادي جوه راسي وصافنه ؏ البنكه راحت ذاكرتي ...
(للعركه اليـہ صارت صارلنه شهر منحجي سوه واحد كالب خلقته ؏ ثاني مرات يغلط علي يكولي انجبي وهيج بـسہ انـيہ لابسته لو مرات طك عندهہ يضل يصيح بالصاله طلعوها لاا احرك روحِيہ واحركها، ابتعد פــتى عن امه جان يكولها كون تموتين وارتاح مـنچ وهيه تستلمه غلط بـسہ شيفيد)

ضحكت بوجع وكمت غسلت وجهي ونشفته ورجعت شفت مريم وحسن نايمين ابتسمت...

(ذكرت لمن جان يكتل بمريم وحسن وبجيهم وصراخهم جنت اجي اني وعمتي ركض نشيلهم من جوا وعمو وحماتي يصيحون علي ويدفعون بي بهذيج الفتره ابتعد عنهم كلش حتى ابتسامه ميبتسم بوجهم ولا يشيلهم ولا يبوسهم، جانو يجونه خطار اقاربهم مٛــن بغداد لو عمتهم او خالتهم ويشوفوني تعبانهہ وضعفانه ويسئلون واني اجاوب مٛــن الشغل والتنضيف واطفال وهيج منكدر نحجي بسبب عمتي تخاف الناس يشمتون بينه، جنت اكعد اسولف واضحك وهو يشوفني يفور دمه)

هزيت راسي واتجهت كعدت ؏ ميز وبلشت امكيج..
( بذيج الفتره مالت العركه ابتعدنه عن بعض واني هملته ڪُـلش وكمت بـسہ اهتم بنفسي اسبح وامكيج والبس والدنيا عندي حلوه بـسہ بداخلي لاا الدنيا سوده ڪُـلش بدونه)
اخذت نفس قوي وحجيت...
فرح: اخخخخ وتالي وي هالعيشه ياربي يرضيك الي ديصير بحياتي...
كمت بدلت دشداشه بيجي قصيره ونص ردن نزلت جوه  طلعت للطرمه اغسلها وعمتي واكفه ونسولف سوه شوي ودخل ايليا للبيت هو شافنه لو هجم علينه مثل الخبل...
ايليا"بصياح": اطلعن برا لاا احركجن ما اريدجن بالبيت
وضل يدفع بينه يريد يطلعنه بشارع واحنه حتى حجاب ملابسات ....

يتبع؛
لتنسون صوتون🖤