ظننتك لي

البارت 15

كعدت الصبح الساعه 10 وربع
مطيت جسمي وكمت واني نعسانه لان البارحنه نمنه متأخر كعدت ؏ ميز انتجيت وغمضت عيوني نعسانه פــتى مابيه حيل افتحهم اخر شيہ استسلمت كمت للمغسله رفعت شعري طماطيه وغسلت وجهي فرشت اسناني وبدلت ونزلت جوه لكيت عمتي كاعده...

فرح: صباح الخير
عمتي:صباح النور
فرح: عمو طالع!
عمتي: أيـيہ

هزيت راسي رحت للمطبخ لكيت صينيه عرفتهم متريكين غسلت المواعين وعزلت المطبخ جبت وصله وكعدت انضف بالكامنتر والطباخ كملت غسلت ادي ورحت غسلت الطرمه صارت بـ12 طبخت التمن كملت صليت وراهه صعدت كعدت اتحرش بأيليا ومريم وحسن ابوس بيهم لو اسحب البطانيه منهم لان ايليا عنده دوام وهم  انوانقل دوامه للعماره ...

ايليا: يمعوده استهدي بالرحمن وخلينه نايمين
فرح: اكعدو الساعه بـ1
كمت شلت حسن ومريم سبحتهم وبدلت الهم ونزلت شايله حسن ولازمه ايد مريم نزلت حسن بالكاع ضل يزحف لحد موصل لعمتي بـهل اثناء دخل عمو

فرح/عمتي: اللـۿ يساعدك
عمو: ويساعدجن، انـيہ جعت
فرح: هَـسـهہ اسوي الغدا

رحت للمطبخ وبلشت اسوي بالغدا سويت سمج وتمن احمر وحطيت طرشي، رتبتها يعني
صبيت وصعدت اصيح ايليا
فتحت الغرفه لكيته سابح وكاعد بطرف الجربايه يكنك
جان لابس بنطرون وقميص اسود ومشط شعره وعطره مالي الغرفه

فرح: يلا تعال صبيت الغدا ترھہ
ايليا: شمسويه!
فرح: سمج وتمن احمر
ايليا: يا بويه تمن احمر، اركض😂😂
ونزل جوه هو يحب التمن الحمر
نزلنه تغدينه وضلينه نسولف، اكل واوكل بمريم
اسوي لفه وانطيها
وحسن طبعاً كلساع يزحف ويطشر بلاكل موتني

ايليا: كملت انـيہ حكوم اغسل واخذه
فرح: ياريت
غسل واجه شاله
ايليا: ولك ليشـہ متكعد راحه هااا!
ويشمره بالهوى وحسن يضحك ...

كملنه غدا شلت الصينيه غسلت المواعين وعزلتهم مسحت الكاع رجعت لكيت حسن عند حماتي ابتسمت

ايليا: انـيہ طالع
الكل: اللـۿ وياك
طلع صعدت للغرفه كنستها ورتبتها ونزلت...

صارت الساعه بـ3 ونص
نزلت بالصاله انـيہ وحماتي وعمتي نسولف..
طبعاً علاقتي وي حماتي صارت احسن مٛــن قبل بهواي بـسہ مٛــن اشوفها معصبه ما اجي يمها ومن اشوفهه ريلاكس اجي ...
اما بالنـسبۿ العمتي فـ طبعاً ﺂكو مشاكل العمه والجنه
عمو جان الوحيد اللطيف وياي

للعصر اجه ايليا وبيده علبه جبيره انتبهت ؏ غلاف عرفتها كيكه
فرح: المن هايـہ!
ايليا: لصديقي بالليل يجي ياخذها
فرح: ۿـا اوكہ

بالليل طلعنه اني وعمتي وايليا نتمشه والاطفال
نص ساعه ورجعنه كعدت للصاله لكيت عمو يباوع تلفزيون كعت يمه واسولفله ع جو شون بارد ويجنن