ظننتك لي

البارت 35 والاخير

2019-الضهر الساعه بـ12 ونص
كعدت مفزوعه واني افكر بالحلم اليـہ تحلمته، أسـتـغفر اللـۿ ربي....
طلعت بالصاله....
فرح: شكو شتريدين خبصتينا
مريم: اريد السياره
فرح: عباس انطيها السياره ترھہ راسي طبل
عباس: ما هي مالتي
فرح: دولي اطلع طاح حظك، اسكتي انتِ شسويله يعني اذبحه!

عفتها ومشيت للغرفه اباوع هوسه مكلوبه كلاب الكنتور مفتوح الملابس والجباسه بالكاع الاحذيه طايحه مٛــن السله الجربايه حالتها حاله عليها كشور حب وبطاطين وشاحنه...
فرح: غرفه لو صاير بيها انقلاب عسكري اللـۿ واكبر شينظفها، صوجي اني شكو مشتريه جربايه انطمري ع كاع شبيها يعني، زهررررررررراء
زهراء: ۿـا
فرح: تنظفيها وانطيج الف🥺
زهراء: خاب ولي
فرح: امداج، رغددددددد
رغد: لاا
فرح: بسيطه...
رحت جبت المكناسه ودخلت للغرفه سديتها...
شلت الملابس صفطتها بالكنتور انتبهت ؏ دفتري اليـہ اكتب بي مذكرات،جريته فتحته وضليت اقرا بي...
جنت كاتبه:-

انتَ موجود بكل مكان ويايه، كل مكان اروحله وحدي انتَ بگلبي وعقلي لدرجة ما اشوف العالم الموجودين لان انتَ مالي عيني،
اول ما اغمض عيوني الشي الوحيد الي اشوفه هو نظرات عيونك
تخيل انه اكو انسان طالع ويمه عالم وهوسة حيل يباوع للسما يشوف وجهك بيها ويتذكر سوالفك ويبتسم ومرات ينقهر..
لمن اتعب وانتَ مموجود افتح تسجيلات صوتك وابقى اسمعهن واني مغمضة عيوني واروح لدنيا ثانية
من اشوف اثنين سوه و واحد لازم ايد الثاني انتَ الشخص الوحيد الي اتمنى اكون لازمة ايده ودا اتمشى ويا
ومن اشوف اطفالي اتمنى انه بالاخير نكون عائلة  بحُب ومراح اتندم
اني حتى بالاوقات الي اريد ابتعد عن العالم بيها اريد ابقى بس يمك
وبعز هالظروف الصعبة انتَ اكثر انسان افكر بيه واخاف عليه من اي شي ممكن يصير
اني افكر بيك هواية واخاف عليك بگد خوف امك عليك
انتَ ابوية بس بنفس الوقت اخاف عليك كأنك ابني وقطعة من روحي بس للأسف صرت ماضي بعد...

هزيت راسي ورجعته، كملت عزلت الملابس اليـہ يحتاجلها غسل، شلت السله ورتبت بيها الاحذيه"تكرمون"...
رجعت ؏ الجربايه كنستها مٛــن الحب وسفطت النزله والبطانيه ورتبت المخاد، كنست التاج، وراها كنست الكاع وكملت...
ام فرح: صبيت الغدا يلا
زهراء: اخذيني وياج للجم
رغد: خوب اني!
فرح: خاب ولن مساع الغرفه ما نظفتنها...
اكلت شوي وكمت بالـ2 يراد اروح للجم لانو سمنت حيل صار وزني 80 وجسمي صار ضخم ومنا اني طويله...
مكيجت خفيف لبست ستريج وبدي وفوكا صايه، سمعت هورن عرفت الخط اجه، طلعت بسرعه سلمت ووصلني للجم، ضليت العب وطبعاً وياي بالجم بنات ونسوان كبار، شفت وحده تباوعلي وتضحك استغربت بس غلست ...
شوي واجت تحجي وياي تريديني لابنها، بـسہ رفضت كتلها ما افكر بالزواج اريد اربي اطفالي...
راحت واني ضليت العب وافكر قبل يوم تحلمت جني اني بيت عيالي وبيتهم ڪُـله خيسسسس مال مجاري فضيعع  واسود وريحته تكتل وعمتي وحماتي واكفات ينظفن بي وما يفيد، دارت عمتي وجها علي وكالت فدوه تعالي مسحي ويانه، كتلها لا ما امسح اني شعلي هذا الجنيتو هذا ڪُـله مٛــن ايدج انتِ وابنج عفتها اريد اطلع درت وجهي وكلت بنبره حزن، هاي حوبتي، عفتهم وطلعت مٛــن البيت...