ظننتك لي

البارت 33

القاضي: تقسمين انو بالتاريخ اليـہ صار بي الطلاك انتِ جنتي مو نظيفه!
ضليت افرك بأديه ومتوتره...
فرح: ....
داحجي بـسہ قاطعني دخول ايليا متأخر
جان لابس قميص ابيض وستره لون قهوائي وبنطرون اسود وبيده تلفونه وسويجه ونضاراته...
دخل يباوع علي ويضحك بأستهزاء
شكد حسيته حقير واناني ونذل...
باوعت علي ورجعت درت وجهي ع قاضي...
فرح: أيـيہ اقسم
جنت ميته خجل لان المحامين واكفين ؏ صفحه والموضوع اصلاً ڪُـله يخجل...
القاضي: صارلج شكد متروكه الفراش
ايليا: شهر
فرح: شهر وفوك لان هو اصلاً جان ينام جوه واني فوك يعني اصلاً ممتقربلي
ضل يسئل وكذا... بـسہ يلاخير صدق الطلاق ما سقطه
مع العلم جان غلط وميصير لان وفق المذهب الجعفري المفروض يكون متروكه الفراش 6 اشهر يلا يتصدق الطلاق واذا كانت مو نظيفه يسقط وكذلك اذا حامل...
بـسہ بالقانون الجديد الفاشل محد كام يهتم بهلامور פــتى لو حامل او مو نظيفه يتممون الطلاق وخصوصاً ايليا جانت عنده واسطه يعني اموره عدله...

فرح: بـسہ هذا بي شكال معناها ماكدر ازوج لان بعده زوجي هو
القاضي: ע يتصدق الطلاق وتمشي المعامله
فرح: تمام
تصدق الطلاق ورجعنا للبيت...
دخلت سبحت وطلعت جانت زهراء دتعزل بكتبها بالغرفه...
فرح: زهراء طلعي اريد ابقه وحدي شوي
زهراء: أيـيہ هَـسـهہ ثواني
فرح: اخذي حسن ومريم وياج اشتريلهم ولتخلين احد يدخل للغرفه
زهراء: انطيني فلوس
فرح: هاج بـسہ اطلعي...
زهراء: جوارينه عدهم نت
فرح: صدك!
زهراء: أيـيہ واللـۿ ﭑروح اجيب الرمز منهم🌝
فرح: يلا بسرعه روحي🌝
طلعت واني طلعت وراها
داسد بالباب شفت موسى وملاك دخلو للبيت...
فرح: ببرا برا برا وٰيـטּ داخلين
موسى: اريد ابقه هنا حبابه
فرح: برا يلا يم امكم ستونه جايين مٛــن المحكمه راسي هالكبره ماريد هوسه
موسى: واللـۿ ما اطلع صوت
فرح: اوكہ ابقه بـسہ اذا سمعت صوت يا ويلكم...
دخلي ملاك خلي اسد الباب...
دخلتهم ضلو بالمطبخ يلعبون وامي وبابا بالصاله واني دخلت للغرفه شوي واجت زهراء وجايبه الرمز كتبته وكنكت...
فرح: ديلا برا
زهراء: يا عار مو جبتلج الرمز
فرح: برا😂😂😂
طلعتها وقفلت الغرفه وكعدت وحدي، ضليت اكنك شوي وانشر حالات ادري بيهم يشوفونها جنت انشر صوري من اطلع او اقتباسات عن القوه وهيج، شوي وسديت الفون وخليته ع صفحه ردت شوي اكعد بمكان هدوء اصفي بالي وافكر شوي...
ضليت افكر انو انـيہ شٌنـو اريد اسوي بَـععد بحياتي!
قررت كذا قرار، اولاً بَـععد ما ابجي علي وانهي مٛــن حياتيہَ طز بي بَـععد ما يستاهل اتعب علي، وثانياً اريد اكمل دراستي واقدم خارجي امتحن ثالث متوسط، وثالثاً اريد اسمن لان بسبب الضروف اليـہ صارت ضعفت فكمت اشتري مشهيات وكذا...
بديت اول شيہ غيرت اسم صفحتي لان جان هو مسويها اليـہ ومسميها سنو وايت، غيرت الاسم سميته اسمي الشخصي وبديت انشر بي منشورات، وراها قدمت خارجي وبديت اقرا، اكيد كمت اوز بأمي ؏ مود نشيل، اهتميت بنفسي ههواي اشتري البس وامكيج اصور واكل واسمن...
يعني حياتيہَ وي اهلي جانن حلوه ...
جنه ڪُـل اسبوع عدنه جلسه بالمحكمه...
ملتزمت بالعدا لان هو انسان ميستاهل الزم علي عده فجنت اطلع واخلي مكياج بـسہ مو قوي...
وطبعاً حاجيت امي ؏ تقديم وقبلت وقدمت وبلشت اقرا، اهلي جانو منطيني مطلق الحريه شٌنـو اريده يجرالي، اما حسون ومريم فتكيفو شوي وي البيئة بس اني كمت احس بغرابه لان جنت عايشه بولايه وانتقلت بمنطقه صغيره ومبيها ناس ينعدون ع اصابع فجنت اكول لامي خلي نشيل وتالي نضل هنا وههيج، جانو يجونه خطار اقارب ولازم تنجاب السالفه وتعلى الاصوات ميستاهلج وخيولي نذل وحقير وخاين...
والبعض يلاحظ تصرفاتي البارده، مثلاً يكولون انتِ متحنين متشتاقين شو ما تجبين علي وهيج!
واني يكون جوابي يا خيولي المايريدني ما اريده طز بي
فجانو مثل المنصدمين مني...
رغم هذا جان يجي ؏ بالي احياناً مثلا لمن اهلي يسوون تمن احمر اذكره مرات حسن ومريم يسوون حركات وتصرفات تذكرني بي مرات امنشور او اقتباسه تذكرني...
بـسہ الحلو الكل جان بصفي ووياي مو ويا وهذا الشي خلاني سعيده...
بيـوم كعدت الصبح بـ7 ع طكطكه زهراء تركع بالكنتور...
فرح: خاب شني ڪـولي ناس نايمين
زهراء: ادور ؏ حجابي مـاڪـو تأخرت
فرح: يمكن ؏ حبل تلكي بـسہ ولي اريد انام
رغد: يلا زهراء ترھہ اعوفج وامشي
زهراء: بـسہ البس حجابي
فرح: اطلعن برااا
طلعن رجعت نمت الضهر بـ12 ونص كمت غسلت وجهي ورحت للصاله لكيتهم يتغدون كعدت اكل وياهم...
فرح: خاب ماما
ام فرح: ۿـا
فرح: دخلي نشيل بلولايه
ابو فرح: بويه ﭑڪـلي وانطمي بَـععد ابوج
فرح: الى متى نضل هيج يعني! تقبل اختك تكعد بهيج مكان!
ابو فرح: ما اقبل اكيد بـسہ ثنينه نعرف انـيہ ما عندي امكانيه
ام فرح: نستقر بأيجار، والايجار مال البيت اليـہ بغداد ندفعه للايجار البيت اليـہ هنا
ابو فرح: واللـۿ فكره
رغد: أيـيہ خلي نخلص مٛــن هالخيسه وكلساع مي ينكطع
زهراء: خاب أيـيہ خلي العصر ندور ؏ بيت
ام فرح: إنـشاللـۿ ...
كملنه غدا دخلت سبحت وطلعت سبحت حسن ومريم وبدلت الهم، امي غسلت المواعين وزهراء ورغد ينظفن البيت انـيہ مالي خلك شيہ ما نظفت...
كنكت شوي بـ؏ـدين سديت الفون وضليت اقرا للامتحانات...
العصر بابا راح يدور ؏ بيت بلولايه ورغد ويا بالليل رجعو، لكه بيت سعره مناسب وكال باجر نلم الغراض ونشيل، الفرحه جانت ما ساعيتني واخيراً راح اخلص مٛــن هالمنطقه هايـہ...
شوي وندك الباب راحت رغد تركض ورجعت كالت عمو ابو ايليا وويا ثنين زلم، عقجت حواجبي شيسوون جايين هذول!
كام بابا دخلهم بالصاله وضلو يسلمون ويحجون، احنه واكفات ؏ باب نسمع🤓...
عمو: سيد احنه جايين ؏ مود نحل السالفه بيناتنه مو بالمحاكم ليشـہ العلويه اضل رايحه راجعه
ابو فرح: شون يعني
عمو: يعني نكعد نتفق وننطيها الغايب مالتها واخشابها وغراضها ومصرف كل شهر وناخذ جهالنه
كبل نكزت امي للصاله وكالت...
ام فرح: ע خويه احنه نريد نمشي بالمحاكم والقانون ما يصرف النه هالحجي
ضلو يصايحون لان دخلت وحجت وهي شعليها وهيج
بـسہ بلاخير ما وصلو لنتيجه ويانا اخذو حسن ومريم وراحو...
لان صارلهم هـواي مشايفيهم قبلت مريم تبات يوم بـسہ حسوني ساعتين ويرجعو، ووا ساعتين رجعه اليـہ عمو ؏ الرغم الطريق طويل ومسافه جبيره بـسہ جان يروح ويجي عادي...
باليوم الثاني كعدنه نلم بالغراض ما خلينا شيہ بحيث بيوم واحد كملنه ڪُـلشـي بـسہ انريد نشيل، لليل كملنه ڪُـلشـي...
ثاني يوم اجو شوي مٛــن اقاربنه وشيلونه رحنه للبيت جان عبار عن طرمه صغيرونه ومطبخ كلش جبير حلو واستقبال وصاله مفتوحه بيها درج وفوك ﺂكو غرفتين...
كعدنه انضف بالبيت هايـہ التغسل وهاي التكنس ؏ ما كملنه بدينه نسفط بالغراض، الغرفتين الفوك انطيناهن لمرت ابوي غرفه الهم والغرفه اللخ مطبخ...
ضلينه ايام ننظف ونسفط يلا خلصه واستقرينه وارتاحينه، ورا كم اسبوع نزلنه مرت ابوي جوه انطيناها الاستقبال الها والمطبخ مشترك لان الطابق الفوك عفن هي مجانت كلش نظيفه فنزلناها وصارت الغرفه الفوك وحده لاخواتي وحده الي اني واطفالي... كمنه نطلع اني وامي لان جان يمنه سوك روح نشتري غراض انـيہ اشتري اشياءات للغرفه كوشات ووجوه صور ورود والعاب لحسن ومريم وهيج، مرات جنه نسير ؏ خالتي وبنتها هم قريبه علينه نروح نكضي وقت يمها سوالف وضحك واكل ونمكيج 24 تصبغ بوجهي😂💔 مرات نروح للسوك سوه ونصور وننشر ...
يعني مرت الايام عاديه جنت شوي اشتاقله واحن اله بـسہ رغم هذا انـيہ بداخلي اريد ابني مستقبلي...
بيوم خابرني عمو ؏ مود الاطفال بـسہ مجان يعرف شلنه فـ انطيته العنوان واجه اخذهم باليوم اللخ اجو...
ورا شهرين ونص ابو البيت راد يبيع بيته فكال النه نشيل، رجعت نفس الاسطوانه بابا يدور ؏ بيت واحنه نلم بالغراض...
لكه بيت بنفس المنطقه قريب ؏ بيت خالتي وع سوك هم شلنه بي جان عباره عن استقبال ومطبخ وصاله وغرفتين وطرمه جبيره ودكان جبير برا فارغ، انطينه الاستقبال لمرت ابوي وسدينه الباب الثاني اليـہ يدخل ؏ صاله يعني صار عدها بـسہ باب ؏ طرمه ومطبخها برھہ...
انـيہ اخذت غرفه اليـہ ولاطفالي وضلت غرفه لاهلي...
هم اخذنه ايام يلا كملنه غراضنه واستقرينه....
بيوم رحنه للسوك انـيہ وامي لان جانت نهايه الاسبوع عندي محكمه رحنه اشتريت فستان اسود بـ45 لان جان محرم ؏ ابواب، وحذاء 25 وجنطه جبيره سوده 25، كلاده ب5 ساعه ب10 وشال وكفشه وملابس لحسن ومريم والعاب ومكياج وهيج، صرفت فوك الـ150 ورجعنه للبيت...
زهراء: هلاو مشتريه السوك وجايه
رغد: مهكرته
ام فرح: فحطت اريد مي رغد
رغد: مو زين عليج حجيه
فرح: جيبيلها مي عار، زهراء ودي هذول العلاليك لغرفتي...
زهراء: اشتغل عندج موو!
ابو فرح: ۿـا اللـۿ يساعدهم!
ام فرح: ويساعدك
ابو فرح: ششتريتو!
فرح: ملابس اليـہ ولحسن ومريم وهيج ...
جانو اهلي ميضغطون علي مٛــن ناحيه المصرف وهيج ولا يطلبون مني ولا פــتى ابوي يمن علي بشي ؏ يابو اوكلج واشربج وكاعده بيتي ע ابدا الايجار ڪُـله عليهم...
ثاني يوم صارت المحكمه جنت اريد اسحب الاثاث مالتي، كعدت بـ8 الصبح بدلت اني وامي ورحنه، لكاتب عدل ؏ مد انفذ قرار واسحب الاثاث جانت المحاميه مالتي موجوده، قررو بيوم الاربعاء اسحب الاثاث....
بيوم الاربعاء رحنه انـيہ وامي ومريم للمحكمه...
جان بهاليوم مطلوب حضوري وحضوره...
وصلنه للمحكمه كعدنه بقاعه الانتظار شفته دخل لغرفه المدير، عرفت راح يطلب منه شيہ واكيد راح يتنفذ لان زوج اخته يشتغل هنا ف عندهہ واسطه...
شوي واجه المدير...
المدير: تكدرون تاخذون الاثاث لــكـن فقط البنيه وحدها...
ضحكت بأستهزاء عرفته مايريد امي تدخل للبيت...
فرح: اذا امي مدخلت للبيت انـيہ هم ما ادخل وهسه اقدم بلاغ للمحكمه وادخل للقاضي واريد ﺂ؏ــرف الحجي شون يصير...
المدير: بـسہ احنه פــتى ע يصير عرك او شيہ
فرح: شٌنـو احنه رايحين نتعارك! خلافنه مو وي اهله بـسہ ويا، وما اعتقد هو مجبور يوكف بالبيت خلي اخذ غراضي وعود يرجع لبيته...
المدير: هاهيه لـ؏ـد...
ضلينه كاعدين شوي ؏ ما يجي زوج خالتي ؏ مود يفتح السبلت وولد خالي يساعدونه بنقل الغراض، جان التنفيذ شبه فارغ مابي بـسہ انـيہ وامي ومريم...
شوي وشفنه ايليا صعد الدرج متوجه لغرفت المدير..
مريم مٛــن شافته فرحت لان جانت صارلها اسبوع مشايفته فكامت تركض ورا، اباوع علي ما اهتم ولا פــتى دار وجه ضل متسمر يمشي وهي تركض ورا وما تلحك وهوولا عبالك دتصيح وراه ولا اهتم ولا اهتز عافها ودخل غرفه المدير وهي تركض واصيح ورا "بابا بابا "بصوت عالي ومن كد ما التنفيذ فارغ كام يرجع صدى صوتها...
طلعت روحي من تصرفه، كمت ورا مريم لزمتها وهي ناطه بجي واصيح بابا...
فرح: تعالي ماما وٰيـטּ رايحه!
مريم: هذا بابااا "وتأشر ؏ غرفه المدير"
فرح: ע حَحبيبتيہ هذا مو بابا هذا واحد يشبهه...
جذبت ؏ الطفله لان ما ردتها تنكسر، بالكوه قنعت وسكتت، شوي وطلع ايليا مٛــن غرفه المدير وهم مدار عينه عليها، كبل اني خليت ايدي ؏ عيونها ؏ مود ע اشوفه وتنكسر مره ثانيه بسببه....

يتبع؛