ظننتك لي

البارت 23

ضليت مصدومه كعدت بالكاع حاضنتها وابجي فوك ضيمي كملتها ويا بنتي ليشـہ هيج اللهي!...
ركضنه لمريم وهي تبجي شلتها وابجي وياها عالجت المكان ونومتها نامت بسرعه حَحبيبتيہ غطيتها وطفيت الضوه ونزلت جوه حماتي الجبيره جانت تباوع علي بـسہ ما تكدر تحجي شيہ، دخلت للمطبخ واكفه اغسل مواعين وجسمي يرجف مابيه اوكف حسيت طاقتي انتهت كعدت بالكاع وبأدي تايت ضليت ابجي ووايدي ؏ وجهي...
اللـۿ اذا خلقني وانطاني قوة وصبر فـ بذيج الفتره خلصن كلش مليت وجزعت ضليت ابجي واضرب بأيدي ؏ كاع..
ضليت فتره هيج انـيہ مثل الجثه نسليت سل وضعفت صرت انـيہ والماسحه سوه بيـوم كعد عمو وايليا...

عمو: وتالي ضلون هيج انتو
ايليا: ע بابا انـيہ احبها واريدها وجنت اشاقه وياها
ضلينه اسبوع رجعنه مثل عباد اللـۿ المزوجين ورا الاسبوع كلب علي رجع ميجي بالنهار ابد بـسہ بالليل وبوقت متأخر ؏ كد حاجته ويوخر مني طكت روحِيہ منه سئلته ...
فرح: شبيك ليشـہ هيج تصرف وياي!
ايليا: ما اريدج
فرح: يابه شبيك شمسويه
ايليا: ما اريدج والله
فرح: لا عبالك هاي المره راح اسكت والله اذا ترجع مثل قبل انزل ﭑكـول لاهلك واروح لاهلي...
ايليا: اي هايـہ المره بَـععد روحِيہ لاهلج
هزيت اله راسي بتوعد واني اعض بشفتي
نزلت جوه لكيت عمو وعمتي بالصاله كاعدين...
فرح: اريد ﭑروح لاهلي
عمو: يا ساتر شكو!
فرح: يابه ابنكم ما يريدني مو كوه وتره العشره ما تنراد
عمو: اصبري احاجي

صاح علي واجه...
عمو: شكو شبيك
ايليا: ما بيه بابا اني ما اريدها ودوها لاهلها هيه تعبانهہ خلي ترتاح واني هم تعبان اريد ارتاح...
عمو: انجب ولك شٌنـو هالحجي
كام يصيح ويغلط علي ...
ايليا"بصياح": ما اريدها تجبروني يعني
فرح: عمو ؏ هايـہ الذله ما اكدر ابقه كلت اريد ﭑروح لاهلي...
عفتهم يصايحون بيناتهم وصعدت طلعت جنطه لميت ملابسي وملابس حسن ومريم وبدلت اليـہ والهم ونزلت لكيت عمو وعمتي واكفين يردون يوصلوني انطيتهم حسن ومريم ورحت لـ ايليا بالـديوانيه...
انتجيت ؏ باب اباوع علي والحزن مرسوم ؏ ملامحي
فرح: ايليا
ايليا: ۿـاا!
ذبيت نفس وكلت
فرح: راح ﭑروح واذا اسولف لاهلي ؏ اليـہ صار يمكن ما يرجعوني بَـععد ما يقبلون واصير هـواي مشاكل وامور
سكتت شوي وكملت:- يعني بالكي تغير رأيك
ايليا: ע روحِيہ
هزيت راسي بخيبه امل
فرح: تمام رايحه...
طلعت منه مكسوره صعدت بالسياره صافنه ع جام وبالكوه لازمه دموعي وصلوني لاهلي ونزلو وياي دكيت الباب طلع بابا وانصدم بينه سلمنه ودخلنه كعدنه جوه، سولفت الهم الي صار واني ابجي ، وعمو وعمتي ضلو يبجون
عمو: شبيدنه سيد واللـۿ طيحنه حضه بـسہ ما فاد ويا
ضلو شوي يحجون وبعدين راحو...
بقيت عند اهلي انـيہ وحسن ومريم الي جانو متعبيني وحقهم جبتهم من بيئه ونظام لبيئه ونظام ثاني جنت بالنهار عال العال اضحك واسولف وانضف وما مهتمه وما ابين لاحد غير بـسہ القوه ومن يجي الليل ارفع الرايه البيضه وابجي ما اتحمل ضلمه الليل بدونه وبدون حضنه جنت ابجي واندب حضي...
فرح: لو هَـسـهہ هو يحبني وعايشين مثل أيـيہ ثنين مزوجين وحياتنه حلوه وماشيه، اخخ اريده واريد غرفتي ﭑحــبۿ مو بيدي بيد كلبي اليـہ ما يجوز منه لو اكدر انزع ڪلبي واذبه ...