غصبا عني حبيتك( مكتملة)

بارت3

شمس.... الكلب الحقير اني يضربني اني؟! والله لاربيك اذا ماخليتك تحبني وتتوسل بيه بسيطه مااطلع اسمي شمس....

زيد طب لبيتهم ببرود وصعد سبح ومدد وهو يتذكر حبيبته الي خانته
زيد: حبيبي صدك تحجين؟
لينا: لدكول حبيبتي اني مااحبك ولا اريدك ردتك لشخصيتك وجمالك وفلوسك وبعد ما صرت مريض لا اريدك ولا احتاجك
زيد: بس اني مجرد كسر برجلي وراح بتصلح...لتعوفيني ارجوج
لينا: وخر عني بس وخر ... وطلعت وعافته.. ومن هذاك الوكت زيد قفل ع گلبه وصار بارد ميبالي جلييييد محد ياخذ منه شي ولا يشكي لاحد بس صديقه الي جان يعرف بكلشي
تنهد زيد.. ولف راسه ونام

ثاني يوم الصبح...
كعدت شمس وبدلت ونزلت للكليه وهي تتمعن بالخاتم الي بيدها
يعني معقوله هسة اني صرت ملك لاحد؟ والمن؟ للمتعجرف والبارد زيد!؟
استغفرالله ياربي صبرك ...وصلنا ونزلت وشفت عمر من بعيد وجه شاحب وجوه عيونه اسود باوعلي بأنكسار وشفته باوع عالحلقة مالتي لزمتها بأيديها ودنكت راسي ومشيت واني بداخلي صرخه وجع... مااررريده لزيد ماريده
خلصت محاضرات واني جسد بلا روح هيجي ولا عبالك وياهم عايشه بعالم ثاني ... خلص الدوام ورجعت واني تعبانه
شمس: هہــ,ـلو
الكل: هله بنيتي
خالد: نورتنا شموسه
شمس: بنورك حبيبي بابا😊
ابتسام: يله تعاي تغدي ماما
شمس: مااشتهي والله تعبانه حبدل وانامم
ابتسام: براحتج حبيبتي
شمس صعدت فوگ سبحت ولفت راسها ونامت...
حسيت المغرب على قمر
قمر: شموسه زيد جوه انزلي
شمس: شنووو شجابه
قمر: شبيج ماكلج هو يكول عدها علم
شمس (باع الحقير يكول كتلها بس بسيطتلك): اي صحيح اي
قمر: ديلا لعد بدلي عالسريع
نزلت قمر وراساً شمس لبست بدي احمر ينشد عالرگبة وبنطرون جلد اسود وشعرها هو سرح بس عدلته وحطت حمره حمره ومكياج خفيف بعيونها وطلعت...
فاتت وشافت زيد لابس قميص اسود وهو جسمه رياضي واسمراني وشعره مرفوع وفاتح اول دكم الفميص وبنطرون جينز والساعه السوده والعطر جان فششي ... طبت وهي منزله راسها رفع عينه وباوعلها وهو يلعب بالسويج مال سياره بيده
شمس: السلام عليكم
زيد ببرود : خلصتي؟ هاي شلابسه هه (بأستهزاء)روحي بدلي دنطلع
شنس بأستغراب: وين🤨
زيد وهو يمشي: ماريد حجي زايد وتره مو علمودج بس علمود ابين الوضع طبيعي يلا بدلي وتعاي
شمس وهي تلف ايدها: واذا اكلك مااجي
زيد وهو يباوع صفح: غصباً عنج بدلي والحگيني ع السريع
شمس: كتلك مااجي
زيد: واني اكول تجين واشوف شلون متجين
شمس: واني اكول مااجي
زيد لزم شمس من معصمها وجرها عليه هي اركعت بي ...
زيد... اني جريتها قصدي اني اعتها بس من تقربت يمي اشو تخربطتها احوالي باوعت عيونها البريئة وبيها نظره استفزاز وعناد وبياضها وعطرها جذبني ... زيد اصحى .. بسرعه دفعها وكلها انتظرج بره۔۔۔۔

شمس... طلع واني گلبي يدك سريع عزززه هايي شنو شكد هو حلو بس متوقعته هيج وسامه من تقربتله وشفت خشمه وحلكه الي يزينه شوارب ولحيه خفيفه عيونها سوده ورموشه سود كثيفه والعطر والسمار يموووت ماحسيت الا من دفعني صعدت ابدل لبست بنطرون جينز ازرگ وفوكاه صايه بيضه وبيها ورد ملون وشال وودي بلون الورد وحذاء مشجر وغيرت الحمره حطيتها وردي وحطيت عطر وساعتي الذهبي لبستها وطلعت  شفته بالسياره رحت وصعدت وانطلقنا وعم السكوت.. اباوعله بسكوت يالله شكد حلو وكاريزما رغم برودة اعصابه وعصبيته صفنت على ايده الي حاطها عالسترين... طبعاً ميقبل يلبس حلقتي جان لابس خاتم بفص اسود وساعه سوده...وايده تزينها الشعر الخفيف وكلها اورده بارزه وسمره وخشنه تخبل ... رفعت عيني عليه وهو مركز بالطريق وعاقد حواجبه.. طبعاً دائماً عاقد حواجبه اتمنى اشوفه يضحك فد يوم.. وصوته خشن ورجولي ۔۔۔۔ زيد: مجنت ادري اني هيج حلو حتى تصفنين عليه هيج
شمس راساً خجلت واندارت عالجامه

زيد.... شكد جانت تستفز بس ماانكر هي حلوة احلى من لينا وانزك وارق بس الصراحه تعجبني شخصيتها متنصاع بسهولة ورفعة خشم وشخصيه من تشمي بصفي مو بأنكسار ومره وكذا ... لا ... رغم نزاكتها شخصيتها قويه ومستفزه ترادد وتعاند وتفرض رأي وهالشي اني احبه... شفتها صافنه عليه اتقصدت هيج اسوي واخجلها هي رأساً اندارت واني بالگوه لازم ضحكتي مع انو اني من نوع الجدي ومااضحك بس منظرها وهي حمرت واندارت ابتسمت لا ارادياً وهي مشافتني...
وصلنا لمطعم....زيد: يلا نزلي
نزلت شمس وهو نزل ومشوا سوه وصعدوا عالدرج مال المطعم الما وصلوا كعدوا عالطاوله
زيد ببرود: شنو تطلبين
شمس بأستفزاز: ممممم خل اشوف شنو يعجبني
زيد صاح النادل وطلبها الها واله وهي صافنه: حتى تبطلين اسلوبج
شمس: وليش اني شسويت
زيد سكت وماردلها وخلها تگمز من العصبيه
جابوا الطلب وهو ياكل وهي تاكل ولا حتى واحد منهم حجه دفع الحساب وكام بدون حتى ميكلها كومي
شمس( بينها وبين نفسها ... والله اذا ماخليتك تكلي كومي فلا اطلع)
زيد طلع وانتظرها وماكو حجه بأستهزاء: هه تريدين اني ارجعلج اكلج تعاي: Excuse me( المطلعم انكليزي اذلك حجيهم انگليزي)
النادل: Yes sir
زيد: can I call the seat 8 girl?
(ممكن تناديلي الفتاه صاحبه المقعد 8؟)
النادل: sure, sir
شمس جانت كاعده وفجأة جاها النادل
النادل: Madam there is a man calling you out
(سيدتي هناك رجال يناديكي خارجاً)
شمس( بسيطه يزيد): Ok,thanks
طلعت شمس وسوت عناد بزيد وركبت تكسي وعافته صافن لحگهم زيد وگطع الطريق جرها ونزلها من ايده ودفع فلوس التكسي وصعدها بغضب
زيد بعصبيه: انتي متستحين شلون تركبين تكسي واني واكف
شمس ( بأستفزاز): النادل كلي رجال صاحج... لو انت المفروض انت دكلي بس انت ماجيت كتلي فكلت يجوز ابو التكسي وصعدت،،. اكو مشكله؟
زيد وضربها راشدي : انجبي ولا كلمه اسمع منج ... ويصير خير والله لاربيج ويكون بعلمج تره اسبوع الجاي زواجنا
شمس(ببجي): شنووو!؟
زيد: اي باجر تجي امي وامج ويطلعون يجهزون واي كلمه منج مااسمع واتفضلي انزلي وصلنا يلاااا
نزلت شمس ورگعت باب السياره بكل قوتها...مشه زيد ببرود ولا كأنه سوالها شي وصلت لبيته سبح ونام
طبت شمس تسبح وتبجي على حضها ووين وصلها سبحت ومانامت طول الليل دك التلفون وشافت رقم غريب
شمس: الو
واجتها الصدمه....