غصبا عني حبيتك( مكتملة)

بارت28

شمس.....
نغم: زيد
زيد: نعم يمه؟
نغم: اليوم تنام يم هدى تره
زيد: بس..
نغم(قاطعته):لا بس ولا شي ابوك ميرضى اذا يجي ويشوفك هيجي تعامل بنت عمك هو اسبوع الجاي حيجي اصلاً وبعدين ربك امر بالعدل ياوليدي ميصير اعدل خلي يوم هاي ويوم هاي
زيد باوعلي واني بقيت صافنه عليه مجرد فكره انو يفوت كدامي لغرفه غير غرفتي ويم مره غيري احس روحي اموت شلون ياربي شلون اتحمل سكتت وماعلقت
زيد (بتنهد): آه يلا تفضلي... وهو يأشر لهدى... باوعتله هو دنك وتأفف وصعد واني بقيت احس ناار شافتني مينه حست عليه جتي يمي وحضنتني صعدتني لغرفتها وياها اول مطبيت شمرت روحي بحضنها ابجي
مينه انقهرت وحضنتني وتمسح ع شعري: اشش حبيبتي لتبجين خلي تولي هاي صل الحيه وام هم الله يهديها مدري شصاير بيها بس انتي هو تزوج وتدرين يحبج وگلبه الج وانتي الي جبرتي
شمس رفعت راسي عليها واني كلي دموع واحجي بخنگة: مينه والله والله مالي دخل بسس مااكدر اعوفه وامج لزمتني من ايد التوجعني ومن عرفت الخلل بيه مااكدر امنعه سكتت لان مابيدي حيله
مينه: اوووف ياحبيبتي حقج والله حقج
شمس: داموت مينه من اشوفها يمه والله احس نار بيه.. تخيلي مينه الي تحبي وفوكاها رجلج مو حبيبج ويفوت ينام ويه مره غيرج
مينه(گبل تخيلت عمر... اوف مينه انسسسيي انسيي): ميخالف حبيبتي ميخالف صيري قويه يولي هو يحبج لتضعفين يولي اذا انتي سبعه طفريها دقيها موتيها وانتي اصلاً داقتها بس زيدي العياره بعد ودشوفين زيد مطايقها ويعاملها ببرود حيل... فخلص لتأبهين بشي
شمس ( احس كلام مينه شويه ريحني): ماشي حبيبي رايحه انام تصبحين ع خير
مينه: وانتي من من اهلوا گلبي

طلعت لغرفتي اول مطبيت بجيت شلون انام بدون زيد هاي اول مره انام بدونه بغرفتنه رحت مددت وضليت ابجي وحضنت المخده واعض عليها من وجع گلبييي نااار مشتعله بييه ناار

زيد... اول مطبينا للغرفه واني افكر بشمس واتخيلها جنت منقرف من كلشي طلعتلي هي لابسه سيت نوم وردي وحاطه العطر وتتموع كدامي تقربت مني اني دفعتها..... جنت اتخيلها شمس يلا تقربت منها ومابستها ولا شميتها ولا حضنتها ابد  حاولت تبوسني وخرت وجهي نزلت لرگبتي بعدتها وكتلها مااحب احد يبوسني بهالمكان... واني صدك مااحب اتقزز بس بشمس لا احساس غريب حتى لينا جنت مااخليها بس شمس لا اني اكولها واني استمتع بأنفاسها على رگبتي  مااعرف السبب خلصت وكمت سبحت واني منقرف من روحي شلون يربي خنت شمس...  بس محسيت ويه هدى مثل مااحس ويه شمس... شمس شي ماريده ينتهي شي حلو احب ابوسها احب اشمها احب احضنها.. مااشبع منها ابد ... بس هدى لا ماكو اي حب تجاها هيج تسقيط فرض رغبه وخلص.. سبحت لگيتها نايمه مددت جتني حضنتني من وره متحملت حسيت روحي اختنگت اريد شمس اي اي اريدها احس الاوكسجين خلص من الغرفه واوكسجيني عطرها.. بلا وعي كمت وهدى نايمه تسللت وطلعت من الغرفه لاارادياً لكيت روحي گبال غرفه شمس طبيت للغرفه بسكوت سمعت شهگاتها متت حبيبتي تبجي ليهسة منتبهت عليه وجانت عاضه عالمخده وتبجي جيت من وره حضنت خصرها ودفنت وجهي برگبتها اووووف هسة ردتلي روحي
شمس فزت: زيدد!!
زيد: ايي زيد يروحه لزيد انتي
شمس ببجي: وخر زيد انت مو الي هسة وخر وكملت بجي ودتدفعه