الولد: اني اوس
قمر: اوس؟ انت اخو زيد؟
اوس: اي انتي شلون عرفتي زيد
قمر: اني اخت شمس
اوس: اهااا تشررفت ليش ماشيه وحدج مو تدرين مو آمان وبأي وكت يتحارشون
قمر: اني اجي ويه صديقتي دائماً بس اليوم غايبه فرجعت وحدي
اوس: حتى لو ميصير يلا امشي اوصلج
قمر: لا لتعب نفسك
اوس: لا شلون اخت شموسه انتي يلا
قمر: شكراً الك
وصلني للبيت بس هو شلون ولد يخبل صدقه لالله ... رجعت وحجيت الماما كل الي صار...
اوس.... جنت توني داوصل للبيت وشفت بنيه ماشاءالله تبارك الرحمن شلون خلقه شلون بياض شلون عيون ديتحارشون بيها شباب رحت ورزلتهم وداتعارك وياهم بس انهزموا.. وره متعرفت عليها طلعت اخت شمس مستغربت لان هي اصلاً شمس حلوة حيل وهي هاي تنطي شبه منها بس عيونها زرگة شمس عيونها عسلي.. اسمها قمر وصدك هي قمر وصلتها للبيت واحنا اهل الكليه كلنا عدنه عطله حالياً فگلت اقترح ع شمس خط اوديهم واجيبهم طبيت للبيت الكل كاعد
شمس: هله
اوس:هله بمرة اخوي شونج
شمس: تمام ... مسويه كيك اصبلك؟
اوس: من ايدج والله مااكول لا
شمس: هههههه هاك تفضل
اوس وهو ياكل: همممم عاشت ايدج والله
شمس: تسلم بالعافيه😊
اوس: اكلج شمس صحيح
شمس: كول عيني شبيك
اوس: اليوم شفت اختج بالطريق
شمس: قمر؟
اوس: ايي يتحارشون بيها
شمس: يااا
اوس: يي بس اني جتي ببالي فكرة وكلت اكلج
شمس: يي شنيه؟
اوس: الزمهم خط بما انو دوامنا واكف حالياً والكليات مدتداوم
شمس: مممم خوش فكره والله اكول لامي وارجعلك خبر عود
اوس: وك عيني يلا من رخصتكم اني طالع
زيد: وين توك جيت
اوس: تدريني ماالفه للبيت😅
نغمم: اي نزوجك بلكي تعقل
اوس: ههههه يلا جااو
خلصوا الكيك زيد مدد على رجل شمس يگلب تلفزيون وشمس تلعب بشعره وتلعب بتلفونها هدى تحاجي واحد مصادقته بالجديد عالفيس ونغم وفوزيه يتحاجون
قمر... خابرت ردينه وحجيتلها الي صار ويايه...
ردينه: وعاد حلو شكله؟
قمر: يجنن مو بس حلو
ردينه: اريد اشوفه حموت
قمر: وين نشوفه بعد
ابتسام دكت الباب: قمر افوت؟
قمر: ردينه بعدين احاجيج ماما تريدني بااي
ردينه: بايي
قمر: فوتي ماما حبيبتي
ابتسام: شلونها بنتي الحلوه
قمر بأبتسامه: تمام وانتي
ابتسام: بخير اكلج
قمر: كولي
ابتسام: هذا اوس اخو رجل اختج
قمر: يي شبي؟
ابتسام: يريد يلزمج انتي وصديقاتج خط يگول كاعد بالبيت وماعندي شي واني وافقت بصراحه احسن من هالبهذلة هاي وكمت اخاف عليج وكلت لابوج ووافق هم
قمر: ع راحتكم حبايبي ماعندي مانع اني سوو الي يعجبكم
ابتسام: ماشي اني كايمه اسوي العشه ابوج ع وصول محتاجه شي؟
قمر: لا سلامتج جايه وياج اساعدج اني
ابتسام: لا حبيبتي اقري وراج امتحانات اني اخلص واصيحلج
قمر: ماشي
شمس... زوزي
زيد وهو بحضنها رفع عينه عليها: رجال مشورب طول بعرض تصيحيلي زوزي؟ هاي اخرتك يزيد تئ تئ تئ
شمس: ههههه هاي شبيك حبيبي دادلعك
زيد: يسلام وملگيتي الا زوزي
شمس قربت وجهها عليه ولمت شفايفها : زوزييييي
زيد وهو صافن عليها: تى شموسه احنا مو بغرفتنا لمي شفتج ولتتحارشين
شمس: يييه شسويت اصلا اني عاقله🥺
زيد: ييي كلش عاقله بزونتي
شمس: ههههه😅.... دنكت وهمست بأذنه:احبك
زيد لزم وجهها ولف اذنها عليه: اموت عليج وباس رگبتها الي جوه اذنها
شمس: ههههه
خلصوا وتعشوا كلهم وكعدوا يتعللون
اوس: تدرين شمس زيد مسابق وفايز بجوائز بلغناء
شمس: واو صدك
اوس: اي .. زيد شنو رأيك تغنيلنا والله عاجبنه من زمان عنك
زيد: مممم اغني لشموسه
مينه: يي لعد المن بس دغني
زيد وهو حاضن جنف شمس قربها منه وبده يغني
أنت تقرأ
غصبا عني حبيتك( مكتملة)
Romanceقصه عراقيه تحجي عن بنت انجبرت تتزوج علمود ابوها... ياترى شنو حيكون مصيرها؟✨🌸
